1 Korint 15:19 - NQAARIIT NE ROOG

¹⁹ A soƥangaa yee yaakaar in fa Kiristaa na adna feeke rek a dayu, in ndefu we moƴna o ngalakoox no wiin we fop.

1 Korint 15:19 Referans Kwoze

Mbeeñil 14:13

Cinj kaaga, nanaam o ñuxur olaa inoorna na asamaan, a layaam ee: ‹Bindi keeke: We na nqonaa no Yaal oxe no ke xotitna ndiiki a ƭaaya! Yiif le Roog a yegnita yee keene ndigil oo: Xan a mbaagat o ñootnoox no calel ƭomu ke da ngomoogna, yaam a pi den xan a ndeefan a den.› »

1 Piyeer 1:21

Ten taxu, na pexey Kiristaa nu ngima na Roog fee xontooxnooruuna a ndeer no xon we, soo a cooxin o ndam onqe, ndax o ngim nuun fo yaakaar nuun a ndoonoox na Roog.

2 Timote 1:12

Ten taxu, um refat no ƭomu ndiiki, ndaa koy sediim teen dara, yaam andaam no xe sinjuuma o ngim es, too a wooraxam ee o ten waagu o xoxit ke ta doxnaxama boo na bes fa mbalakaand faa.

A pi ake 14:22

A ndif’ooga a qeeñ ake no daalbe we, a saƭakinaa a den da sax no ngim onqe, too a layaa a den ee: «Kaa i mbar o ngom coono mayu, soo ndokkaa no Maat ne Roog.»

2 Timote 3:12

We mbugna o ñoow o ñoow o jofu tigi na Kiristaa Yeesu fop, xan a ñagadilel.

YEGIL MBAAX NE YEESU ne Saŋ a bindtuuna 16:33

Kaam lay a nuun keene, ndax nu njegit jam na mi. Xan nu njeg coono maak na adna fee, ndaa koy saƭakinooxyo, yaam mi gartu adna fee took.»

YEGIL MBAAX NE YEESU ne Lik a bindtuuna 21:34

«Mbootooxyo boog! Ba a yiif nuun a may fo a ñaam a kupu mbaat fo a yer a kupu mbaat fo a qalam ake no ñoow ole, ndik bes feene a bet a nuun

1 Tesalonik 1:3

I ñakee o mbetandooxaa a nuun na qeƭ in mbaambir Roog Faap in yaam o ngim nuun o laltinooxu nqe fo o mbeq onqe nuun na jaflaxnooraa a nuun fo yaakaar mbooru ne nu njegna no Yaal in Yeesu Kiristaa.

YEGIL MBAAX NE YEESU ne Lik a bindtuuna 8:14

Ax ke samna kam kiƈ ke ndefu we na nanaa fa lay fee Roog. Kaa koy, a qalaat ake fo kalal ke fo a yuxum ake no ñoow ole kaa ngoñaa a den boo mboorkee.

Mace 24:9

Na jamaane faaga, xan wiin we a ƥoxot a nuun nu ñagadilel. Xan a mbarnoor a nuun itam, too xan qeet ke fop a sib a nuun yaam gon es.

O baawaare xe 6:11

Fa lay a mayangaa rek, kasaara a gar. Xar o kiin a xotitkaa teen?

2 Timote 2:4

O qiixire koy, naagee o gaɗaa yiif um no tig adna, yaa ta bugna o fel oxe adooxanuuna,

YEGIL MBAAX NE YEESU ne Saŋ a bindtuuna 16:2

Xan nu ndaxel no pind a qeƭ ke. Xan a jeg sax jamaane faa we na mbaraa a nuun, a mboogkaa yee kaa mbaɗoortan a Roog.

A kim a tedu ke 17:14

O Yaal oxe, muclitaam o ɓay of no wiin we, no wiin we na adna fene, a las den a refna no ñoow olene. Kaa o mayƭandtaa xa pud den ke geekoona, xa ƥiy den a ndeyƭoox teen soo a nqaƴan xa caaƈ axe den ke da mbaaskaa gañ.

O baawaare xe 9:9

Muudoori o ñoow ole fo o teef oxe bugoona, na pe ake no ñoow kasaara le Roog a danqoonga took lanq ke, yaam ten refu a las of no ñoow ole, no ke ŋus-ŋusnoona fop ɗuga njeeƈ ne.