1 Korint 14:6 - NQAARIIT NE ROOG

⁶ Fog es, o njiriiñ onqum jegkoogum na nuun, yaa gar’uuma gar rek, layaa fa nuun lak faa nu naneerna, too daawniim a nuun na lak nuun mbeeñil mbaat o and mbaat um jo’tanaa a Roog mbaat um jangnaa?

1 Korint 14:6 Referans Kwoze

Efees 1:17

Kaam xeɗaa a Roog fee no Yaal in Yeesu Kiristaa, a Faap fee jegna o ndam, ndax ta coox a nuun Yiif le na andnoorkaa a nuun, too a feeñil a nuun a Roog, ndax nu andin.

2 Timote 3:16

Roog bindnooru a Pind a Tedu ke fop, too bind luu refna teen a jega o njiriiñ no ke ta jangnaa. Kaa soqaa, a yaraa, a jangnaa o cofel itam,

O leetar ole Pool a bindna GIMU WE NGENNA ROM 6:17

Kaa koy, fat Roog a ɓoxotel o ngidim! Nuun we ndeeƭna faɗ bakaad, ndiiki nu nanana fo xeeñ letu lalgand ne refna kam a cangin ale nu ndaawneena.

1 Korint 14:1

Keene koy taxu nu mbar o ndiirooxaa o mbeq. Kaa koy, mbaaƭyo itam lakas ke Yiif le Roog a ci’taa. Ci’it ne nu mbarna o moƴ o mbug teen refu ci’it o njo’tanaa a Roog.

2Saŋ 1:9

Kuu o kiin a waagna o ŋaalooxaa, ta jof na Roog, too refee a cangin ale Kiristaa, oxeene jegee a Roog. Oxuu ŋereƥooxna na cangin aleene koy, a gayan, a jega a Faap fee, a jeg o Ƥeenqe itam.

2 Piyeer 3:18

Njofyo mbaambir boog kam yirmande fee fo kam o jeg o and no Yaal in fo o Muumucil in Yeesu Kiristaa. Yaasam ta ɓoxotel o ndam ndiiki, bo na moos boo moos. Amiini.

2 Piyeer 1:5

Yaam keene sax, ngoorgoorlooxyo nuun fop, ndax nu ƥaat no ngim onqe nuun a pesoorooƭ a paax, soo na pesoorooƭ a paax nuun nu ƥaat teen o and.

Hebre 13:9

Ba nu ndeɓ a qoox nuun, boo mo’noorel na cangin a pogreer akaa o leng a andeerna. Ke jegna o njiriiñ kañ refu nu saƭakinit a qeeñ nuun yirmande Roog. Keene waree o inoor muk no ɓaalaa kebil kaa njaginna no ñaamel. We na mbadnaa kebil keene, kasaara soom a njegitkaa teen.

Tiit 3:8

Fa lay feene fa lay fa mbooru yoo. Bugaam o jangin keene, ndax we ngimna na Roog a njofnoox na pi a paax. Keene o mat refu ke faaxna, too a jeg o njiriiñ no wiin we.

2 Timote 4:2

Waare’i fa lay fee, damoox teen, too xiisnan no daaw mbaat no ñak o daaw. Lalti a ƭat, xasan we ndeefeeruuna, we na ndeefan o umbaa fiɗel a pi den. Keene fop, fi’teen o muñ, yoonandtin a cangin.

2 Timote 3:10

Wo o mat, reefaa a cangin es fo a ñaaƈooƭ es, ref o paar o nand es. Andaa itam o ngim es fo o muñ es fo o mbeq es fo o saƭkel es

2 Timote 2:14

Wetandi keeke we o jangnaa, maƭoox a den mbaambir Roog, da mbaas xa ƭelem axe da ndapatinaa no ñimatir ke den. Keene ɗaxee dara, a refangee a mo’andaa we na nan-gilooxaa.

Filip 3:15

Yaaga boog, in fop we ñakna sik, fat i mbog xalaat fa leng kut feene. A soƥangaa itam ee kaa nu njeg maa xalaat a guutatiritna fa feene, xan Roog a xoolandanin a nuun.

Efees 3:4

Boo nu njangaa a den, xan nu mbaag o ngoroox o and ole jeguuma na kunpa fee Kiristaa.

2 Korint 12:7

Neene koy, yaam com’andtu ke no peeñil keene, sooxaneem kam cer es a bej, ndax jimbooxkiim kam a magnandax. A bej aleene kaa fadtiidaa nen oxaa Saytaane a lulna, ndax ta xijlaam boo magnandooxkiim.

2 Korint 12:1

Kaam ee, ke ta refna gaaf faaxeer fop oo, waagiim o ñak o fakoox. Ndiiki koy, kaam layiidaa xa ƭaaɗ fo peeñil kaa o Yaal oxe a cooxaxama.

2 Korint 11:6

Xeƈa a waaga o ref no fel-o-ɗek, ndaa refee muk no and, too i mbeeñlaan a nuun muu ta waagna waag o ref fo no kuu refna.

1 Korint 10:33

Mi fa xoox es, keene um jeemaa no kuu refna, ndax um fel fop. Keene koy refee yee um galagaa a xoox es, ndaa ke faaxna no moƴ-o-jaak we, ndax da muc.

O leetar ole Pool a bindna GIMU WE NGENNA ROM 16:17

Fog we, kaam xeɗaa a nuun nu mbootoox we na sakaa fo mbokatax fo sayooxu. Kaa mo’nooraa gimu we, yaam kaa mbañ faƥit a cangin ale nu ndaawneena. Fat nu ngoƭaa a den.

O leetar ole Pool a bindna GIMU WE NGENNA ROM 15:14

Fog es, mi fa xoox es andaam no ndigil ee nu maya fo o paaxel. A xoolaxam tigi yee nu anda ke wareena o and fop bo ta dey. Nu anda itam ne nu mbaagna o cooxrit xa as a ndeer nuun.

A pi ake 2:42

Kaa ndamoogu a cangin ale no apootar we, a mbog o liir, a ndeeraa a cu’ax ale no Yaal oxe, soo a nqeɗaa.

Mace 16:26

Xar a jiriiñkaa o kiin ta jeg adna fee fop yaa ta ñakna o laaw um? Ndi xar o kiin a sofitkaa o laaw um?

Mace 16:17

Yeesu a layaan ee: «Ɗaayaa, Simoŋ, o ƥiy Yoona, yaam refee yee cer ke mbaat fo’oy le mbeeñlong o ten, ndaa Faap es fee refna na asamaan.

Mace 11:25

Na pe akaaga, Yeesu a laya yee: «Faap, mexe gidmang, wo o Yaal asamaan fo lanq, yaam ɗasnaa kene yaal-o-and we fo jegu yiif we, soo feeñlin we moƴna o neew.

Yeremi 23:32

Yooniim fo we na yegnitaa xa ƭaaɗ-a-qaamiit, a mbetandooxaa a den soo a mo’andtaa xeet es xa maaƥ den fo a magnandax den. Mi koy, luliim a den, hebliim a den dara, too njeganee xeet fene o njiriiñ o leng. Mi o Yaal oxe layun.»

Yeremi 16:19

O Yaal oxe, wo refu doole es, o saasaytax es fo njaɓnooxand es yaa fa naqad. Me wo qeet ke no cat adna a ngarkaa too xan a lay ee: «Daan we in caaxaan a lamu, xa koɓong axaa ƭaxeerna dara.

1 Sami’el 12:21

Ba nu mbesin a cinj muk, ndeefik roog andand. Den weene mbaagee o ƈufig a nuun mbaat da mucil a nuun, yaam xa koɓong rek a ndefu.

1 Korint 14:7

Ƭeetteeno no ke andoona yee jegee o ñis. A liit a suxangaa mbaat o nqilimb a yomb, ndax xan o kiin a waag o and ke na liiteel mbaat ke na xilimbeel?