1 Korint 14:4 - NQAARIIT NE ROOG

⁴ Oxe na layaa lak-yiif, xoox um a jokaa, oxe na jo’tanaa a Roog o mat, a jokaa mbokatax ne no gimu we.

1 Korint 14:4 Referans Kwoze

1 Korint 14:22

Lak keene ndefee o anddiloor no we ngimna boo a ƈut, ndaa kaa ndef o anddiloor no we ngimeerna. Jo’tanaa a Roog koy, refu o anddiloor no we ngimna, ndaa refiran no we ngimeerna.

1 Korint 14:26

Yaaga koy, fog es, xar waru? Boo nu mbokatoorna, fat nu ƭofit kuu fi’eena a jok o ñoow no we mbokatoorna, oxuu jegna a kim a tedu mbaat kaa ta janginna mbaat mbeeñil naa ta bugeena o xaajir mbaat lak-yiif mbaat a lapatax, fat a inoox, a geenoox, ndax fop a jokteel o ñoow no gimu we.

Mark 16:17

We na ngimkaa na mi xan a yoonit xa anddiloor axene: Xan a ndaxaa cini no gon es, a layaa lak qas.

1 Korint 14:12

Yaaga koy, feek ke Yiif le Roog a ci’taa nu ngindaa, mbaaƭyo ke na jokaa mbokatax ne no gimu we fop.

1 Korint 14:5

Um waag’angaan, nuun fop, Yiif le ci a nuun nu layaa lak-yiif, ndaa ke moƴuuma o bugan a nuun refu nu njo’tanaa a Roog. Yaam oxe na jo’tanaa a Roog hupu oxe na layaa lak-yiif, a refangeerna boog oxe na layaa lak-yiif kaa Yiif le ci’in, ta waag o lapatoox ke ta layna, ndax gimu we a ƥaatoorin.

1 Korint 14:3

Oxe andoona koy ee kaa Yiif le a ci’in, ta waag o jo’tan a Roog, oxaaga, wiin we a daawnaa fa lay Roog, a umbaa o ngim den, a ɓaataa a den njambaar no ngim onqe, a yaalaa a den.

1 Korint 13:2

Boo andoona itam ee waag’aam o jo’tan a Roog, and kunpa fuu refna, jeg o and oluu refna, kaam ee boo jeg’uuma o ngim onqaa waagna o jiƭit xa coong axe sax, um fexangee lakas we, refkoogiim tus boo tus a fag.

O leetar ole Pool a bindna GIMU WE NGENNA ROM 14:19

Yaaga boog, fat i naaɓaa ke na ɓisiidaa jam, too a jokaa o ngim a ndeer in.

1 Korint 12:10

soo oxene a ci’el a waag o fi comlaand, oxeeke a jo’tanaa a Roog, oxeeke a waag o jektirand a yiif ake, oxaana a waag o lay lak-yiif, o lakas a waag o lapatoox lak keene.

1 Korint 12:28

Kam o fog ole no gimu we Roog kaa eet o dalin apootar we, we na njo’tanaa a Roog a ndeef, jaajangin we a ndoonoox, soo cinj kaaga, we ci’eena a mbaag o mbi comlaand, cinj weene we mbaagna o mbodand, soo we mbaagna o ƈufig a ngar fo we mbaagna o adooxan lakas we fo we na layaa lak-yiif.

1 Korint 13:1

Mi fa xoox es sax, boo andoona yee kaam ci’’el o waag o lay fo lak no wiin fa fee no malaaka ke, um fexangee lakas we, kaam nandkoogu nen a qiin alaa na ƭawƭawnaa soom.