1 Korint 13:9 - NQAARIIT NE ROOG

⁹ yaam a seek a leng rek i andaa, too a seek a leng i njo’tanaa a Roog.

1 Korint 13:9 Referans Kwoze

1 Korint 13:12

Ke i nga’aa ndiiki, kaa nand nen no ɗeendoor i nga’aa, xoolee qac, ndaa a koom xan i njasnoor fo xe i ƈookna no ɗeendoor ole. Xaye, a seek a leng rek um ga’aa, ndaa na bes faaga, xam and ne Roog a andtaxama.

1 Korint 8:2

Oxuu foogna yee a jega kaa ta andna, andiran a qool qac.

1 Korint 2:9

No kaa farna no jeg-yiif oleene koy, a Pind a Tedu ke a laya yee: «Kaa ref kaa a ngid a ga’eerna, nof ɗaaɗiran, too yiif no kiin gomiran. Kaa ref kaa Roog a roxanna we mbexuuna.»

A kim a tedu ke 139:6

O and of oleene kaa hupaam, a gartaam took boo waaginum o dam.

Mace 11:27

Faap es a cooxaxam fop, too o leng andee o Ƥeenqe a refangeerna Faap fee. O leng andee a Faap fee itam, a refangeerna o Ƥeenqe fo xaa ta buguuna o feeñil.

Xa peƭit axe 30:4

Ndi an ŋaayu na asamaan soo a fudoortiid teen? An mupu nqeñ ne na xa ƥay um? An fofu poofi ke no ndoki um? An dalnu cat ke no lanq ke? Nam a ne’e fo nam o ƥeem a ne’e? Layeen, a soƥangaa yee andaano.

A kim a tedu ke 40:5

Ndaw o ɗaay no xe hoolooxna o Yaal oxe, a fañ o geleeroox farna fo pangool ke fo we na mbaɗooxaa cegeer.

1Saŋ 3:2

Fog es we fexuuma fex, ndiiki xa ƥiy Roog i ndefu, too ke i ndefkaa laltafulaand. Kaa koy, i anda yee yaa Kiristaa a feeñkaa, xan i nand fo ten, yaam xan i nga’in ne ta nandna nand.

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.

O leetar ole Pool a bindna GIMU WE NGENNA ROM 11:34

Ne a Pind a Tedu ke a laytuuna yee: «An andu a qalaat no Yaal oxe? An waagu o ref o aa-as um?

Ke bindeena no xe ne’eena YOB 26:14

Keene koy, ke moƴna neew na pi um doŋ oo, too onqe i andna teen, kaa i ñu’el o ten. An waagu o and o yaajel katil um?

1 Korint 13:10

Boo ke deyna sik a garna koy, xan ke deyeerna a mooc.