1 Korint 13:7 - NQAARIIT NE ROOG

⁷ Kaa waasantaa fop, a gim fop, a yaakaar fop, a muñ fop.

1 Korint 13:7 Referans Kwoze

1 Piyeer 4:8

Eetyo mbexir a paax a ndeer nuun, yaam o mbeq onqe kaa muuraa pakaad mayu.

1 Korint 13:4

O mbeq kaa muñ, a may fo o paaxel, naagee o siisaa, ga’atinooxee, magnandooxee.

2 Timote 2:24

O tag no Yaal oxe waraand o xasraa. Kaa war o jamsa’ooraa kañ fo fop, a waag a cangin, a ref o kiin o muñu.

1 Piyeer 2:24

Ten roxondooxu pakaad in no cer um took a teex ale, ndax bakaad a xon na in, soo i ñoowaa no cofel. Na pexey a uut akaa ten nu mbodtu.

Xa peƭit axe 10:12

Mbañir kaa oraa nqasir, o mbeq o mat a muuraa tooñ ke fop.

1 Korint 9:12

Lakas a njegangaa sañ-sañ feene na nuun, ndax in fa qoox in i moƴkoogiran o njeg a den? Kaa koy, sañ-sañ feene i laamtiran. Kaa i muñ fop, yaam ten moƴu i ŋaalooxaa wargal boo ta refat a panq no Yegil mbaax ne Kiristaa.

Galati 6:2

Ba nu ñak o ndoxondooxanraa toq ke nuun. Nu mbi’angaan, xan nu ndeef ke Kiristaa a hebilna.

2 Timote 4:5

Wo o mat, fat o fod no kuu refna, fañ o hupal, jaɓ o coono. Fi’i ke o baawaare Yegil mbaax ne a warna o fi, calel of, o fadnitin ne ta waritna.

Saak 1:12

Oxe saƭikna, yaa ta ɗeetlooxeena, a ɗaaya. Ƭeetlax keene a mbaafangaa, xan a su’nel o ñoow ole Roog a regna we mbexuuna, ta ref o ndip um.

A kim a tedu ke 119:66

Aqatinaam o jeg-yiif fo o and, yaam no kebil of rek hoolooxum.

2 Tesalonik 1:4

Ten taxu nu ndefat kañoor in kam pokatax ke no we ngimna na Roog, yaam ne nu njegna o muñ fo o ngim kam ñagadil ke fop fo naqad ke fop na ndalaa took nuun.

2 Timote 3:11

fo ke um dooneel yaam o ngim onqe fo coono ke mi. Coono kum xetteerum Ancook mbaat Ikooñum mbaat Listeer? Ñagadil kum jaɓeerum o sufoox? Kaa koy, no kuu refna teen o Yaal oxe a muclaxam.

O leetar ole Pool a bindna GIMU WE NGENNA ROM 15:1

In we o ngim in a saƭikna, i mbara o meeɓaa we neewna doole no ngim onqe, mbañ o mbaaƭ ke faaxna na in soom.

Mace 10:22

Xan fop a sib a nuun yaam gon es, ndaa oxuu saƭikna boo no muukandoong naa xan a muc.

Hebre 13:13

Fat i njagin farna fo ten boog, ndet kaltaa saŋe ne, ndax i ndoxondoox toroxand leng kut ke ndaaw’uuna.

O leetar ole Pool a bindna GIMU WE NGENNA ROM 8:24

I mucle boo ƈut, ndaa boo ndiik kaa i ndef no yaakaar. Kaa koy ke ga’oona boo ƴut refatee yaakaar. An na moofkaa a yaakaaraa ke ta ga’na boo a ƴut?

Ke bindeena no xe ne’eena YOB 13:15

A bug oo waraam, a ƭat es yongee teen! Kaa rek, xam xoxit a xoox es mbaambir um.

Mberaand 29:20

Neene, Yakoob a jala xa kiid ɓetaa ƭaq, ndax ta jeg a Rakel. Xa kiid axeene a ndeeƭa na Yakoob nen ñaal leng-leng yaam kaa bug’u a Rakel lool.

A cangatin ale 1:9

«Na jamaane faaga, lay’aam a nuun ee: ‹Waagiim o gadoox a nuun mi doŋ.

Mark 9:23

Yeesu a layaan ee: «O waagangaa, layo! Oxe gimna a waaga fop, dara ɓoowiran.»

A cangatin ale 22:27

O njaaƈ o ndew onqe o koor oxe a xetitna kam a koƥ ale a waaga o faɗoox, ndaa jegee o leng oxaa ƴufguuna.