1 Korint 13:13 - NQAARIIT NE ROOG

¹³ Yaaga koy, tig tadik kene rek saƭku, too den na yoqkaa, ta ref o ngim fo yaakaar fo o mbeq, ndaa ke moƴna o magin no tadik keene refu o mbeq.

1 Korint 13:13 Referans Kwoze

1 Korint 16:14

Kuu nu mbi’aa, fat a ref fo o mbeq.

Kolos 3:14

Kupu keene fop, mbapooryo o mbeq, yaam o mbeq refu ngumoor ne na ñaknaa a nuun sik.

Galati 5:6

No we ngimna na Kiristaa Yeesu, xucoox fo o ñak o xucoox mbodu, too ƭaxee dara. O ngim onqe o mbeq a ñoownaa soom jegu o njiriiñ.

Filip 1:9

Ke um xeɗaa refu rek ee o mbeq nuun a jof mbaambir, a lingir fo o and tigi fo o jeg-yiif o xoolu,

1 Timote 1:5

Ke taxna koy um regdinooxaa keene refu ta rim o mbeq o ngatu no xeeñ xoolu qac fo yiif jeejooxeer dara fo o ngim o njegee yememaar.

1Saŋ 2:10

Kaa koy, oxe fexna o pog um, kaa gen kam a qoolaand ale, too jegee no ten a panq a leng alaa waagna o tolofnoor o kiin.

1 Tesalonik 5:8

Fat i mbod no ke i mbi’aa, in we ndefna na qoolaand ale. Fat ndoki njelem in a ref o ngim fo o mbeq, soo o maxanda njelem in a ref i yaakaaraa a muc ale.

2 Korint 5:10

Yaam in fop, kaa i mbar o ngeennel no nqel ne Kiristaa, ndax ta ɓoxot oxuu refna a pi um ye ta ñoowaa no cer um, ta ref paax mbaat paaxeer.

1 Korint 8:3

Kaa koy, oxuu fexna a Roog, Roog a andaan.

Kolos 1:27

Den weene Roog a andnooru ke refna o njiriiñ onqe na halal fa kunpa’u feene a ndeer qeet ke, ta ref leng kut kene: Kiristaa kaa ref na nuun yaakaar o ndam Roog.

1 Piyeer 1:21

Ten taxu, na pexey Kiristaa nu ngima na Roog fee xontooxnooruuna a ndeer no xon we, soo a cooxin o ndam onqe, ndax o ngim nuun fo yaakaar nuun a ndoonoox na Roog.

1Saŋ 3:9

Oxuu Roog a rimna, naagee o genaa na bakaad, yaam ke Roog a duufna no ten kaa sax no ten, too oxeene kiin waagee o sax na bakaad, yaam Roog rimun.

1Saŋ 3:3

Ten taxu, oxuu jegna yaakaar neene no ten, kaa xoolandooxaa ne ta xoolitna ten fa xoox um.

1Saŋ 2:14

Nuun xa teɓandoong axe, bindaam a nuun yaam nu anda a Faap fee. Nuun paap ke, bindaam a nuun yaam nu anda oxe refna yaa fo mberaandoong naa. Nuun xa pes axe, bindaam a nuun yaam nu njega doole, fa lay fee Roog na nuun a genu, too nu maafa o paaxeer oxe.

Hebre 6:19

Yaakaar neene kaa ref na in nen o iloor olaa na harnaa a kaal. Neene, yaakaar ne kaa woornaa, too a saƭkinaa xeeñ in, yaam kaa humnel kaltaa mbaƴ naa fegna o mbiñ onqaa moƴna o ted no Mbind Roog aa-asamaan naa.

2 Timote 1:7

Ke Yiif le Roog a ci’na a in naagee o riñaa no deyaƭar. Kaa cooxtaa doole fo o mbeq fo o and.

Hebre 6:11

Kaa koy, i mbuga oxuu refna na nuun a lalit o jaflax ole nu njeg’ina boo no muukandoong naa, ndax yaakaar nuun a dey sik.

2 Korint 5:15

Kaa xonan fop, ndax we na ñoowaa, ñoowankatee a qoox den, ndaa ndax da ñoowan oxe xonanna, soo a xontooxan a den.

1 Korint 14:1

Keene koy taxu nu mbar o ndiirooxaa o mbeq. Kaa koy, mbaaƭyo itam lakas ke Yiif le Roog a ci’taa. Ci’it ne nu mbarna o moƴ o mbug teen refu ci’it o njo’tanaa a Roog.

1 Korint 3:14

Oxuu andoona yee ke ta maxitna saƭku yoo, fiɗel le waagkee teen dara, too oxaaga xan a rabdel calel um.

1Saŋ 2:24

Yaasam fa lay fee nu nanna no mberaandoong naa a gen na nuun. Boo ke nu nanna no mberaandoong naa a maadna o genaa na nuun, xan nu ngen no Ƥeenqe fo na Faap fee.

YEGIL MBAAX NE YEESU ne Lik a bindtuuna 22:32

Kaa koy, xeɗanaaxoong, ndax o ngim of ñufkee. Boo nomtooxiidoona, fat o saƭkand xa teɓ of.»

YEGIL MBAAX NE YEESU ne Lik a bindtuuna 10:27

A doona a Yeesu yee: «Xan o fex o Yaal oxe Roog of no xeeñ of fop, no laaw of fop, na doole of fop, fo na qalaat of fop, too xan o fex o kend of nen a xoox of.»

Hebre 10:39

In koy, i mbogee no we na nomtooxaa a cinj soo a mo, ndaa no we njegna o ngim onqaa mucilna a den i mbogu.

1 Korint 8:1

Nu laamta itam kaa jofna no ke sadaxeena pangool ke. Ndigil oo, in fop, «oxuu refna na in a jega o and», ne ta layeel, ndaa o and oleene, no ga’atinax rek a ɓekaa a in. O mbeq kañ, na jokaa o kiin.

O leetar ole Pool a bindna GIMU WE NGENNA ROM 15:13

Yaasam Roog fee na ci’taa yaakaar a mayƭand a nuun fo o ɗaay fa jam fa ndeyu sik na pexey o ngim onqe nu njegna no ten, ndax nu mbaag o may muut fo yaakaar inooru na doole fee no Yiif Tedu le.

Hebre 10:35

Ba nu ndeɓ a cinj boog njambaar ne nu njegna. A jega ndabid maak naa ta geekaneena.

Kolos 1:5

O nanangaan koy, kaa nu kesanel yaakaar na asamaan, fa lay fee no ndigil ne refna ref fee no Yegil mbaax ne a andnin a nuun.

A kim a tedu ke 42:11

A ben ake no fañ we mi kaa ƈaxaa xa kiiƈ es. Kaa da layaxam cay ee: «Wo o mat, taa Roog of?»

A kim a tedu ke 146:5

Ndaw o ɗaay no xe ƈufig um a refna Roog fee Yakoob, yaakaar um a ref no Yaal oxe Roog um,

A kim a tedu ke 43:5

O laaw es, xar taxu o naqadiloox soo iinaa kam es? Tee o cung a Roog, too and ee xam simatahinin, ten fee o Muumucil es fa Roog es.

1 Tesalonik 1:3

I ñakee o mbetandooxaa a nuun na qeƭ in mbaambir Roog Faap in yaam o ngim nuun o laltinooxu nqe fo o mbeq onqe nuun na jaflaxnooraa a nuun fo yaakaar mbooru ne nu njegna no Yaal in Yeesu Kiristaa.