1 Korint 13:12 - NQAARIIT NE ROOG

¹² Ke i nga’aa ndiiki, kaa nand nen no ɗeendoor i nga’aa, xoolee qac, ndaa a koom xan i njasnoor fo xe i ƈookna no ɗeendoor ole. Xaye, a seek a leng rek um ga’aa, ndaa na bes faaga, xam and ne Roog a andtaxama.

1 Korint 13:12 Referans Kwoze

1Saŋ 3:2

Fog es we fexuuma fex, ndiiki xa ƥiy Roog i ndefu, too ke i ndefkaa laltafulaand. Kaa koy, i anda yee yaa Kiristaa a feeñkaa, xan i nand fo ten, yaam xan i nga’in ne ta nandna nand.

2 Korint 3:18

In fop we andoona yee a tagid in faŋ a fi’u, kaa i meleƈtaa no ndam onqe no Yaal in. Neene, kaa i suptel, ndax i nand fo o Yaal oxe. Kaa i sutooraa no ndam, ndokaa no ndam onqaa moƴna o magin. Keene refu boog calel ke no Yaal oxe refna Yiif.

Filip 3:12

Refee koy ee kaam daaw a laay ale boo ƴut mbaat um fad no ñak-sik, pokin ne Kiristaa a pokit’axama.

Mbeeñil 22:4

Xan a nga mukit um, too gon um xan a bindel took a tagid den.

Saak 1:23

O kiin a naagangaa o nanaa fa lay fee soom, too reefkiran, kaa nand fo xe ɗeetooxna no ɗeendoor,

2 Korint 5:7

Kaa i ñaaƴtaa o ngim onqe, ndaa refee fo ke i mbaagna o nga.

Mace 5:8

We njegna xeeñ xoolu a ƭaaya, yaam xan a nga a Roog!

1 Korint 8:3

Kaa koy, oxuu fexna a Roog, Roog a andaan.

O leetar ole Pool a bindna GIMU WE NGENNA ROM 8:18

A wooraxam ee coono ke in ndiiki mbaagkee o liiƥoor muk fo o ndam onqe Roog a feeñilkaa a in.

A lim ale 12:8

Kaam jasnooraa fo ten, layaa fo ten a qool qac. Kaam feeñooxan itam, ta ga’aa a qoolaand ale no ndam es. Nam nu saɗtu boog o nqasooxanaa a Moyiis fee o tag es?»

Mberaand 32:30

Yakoob a laamtaan ee: «Nam ne’ee koy?» O koor oxe a doonaan ee: «Xar o laamtaa no gon es?» Cinj kaaga, a barke’taan maaga.

Mace 18:10

«Mbootooxyo o nqeef o leng na xa teɓandoong axene. Mexe layaa a nuun ee: Waxtu fuu refna malaaka kaa den ndefna kam asamaan kaa nga’aa a tagid Faap es fee na asamaan. [

YEGIL MBAAX NE YEESU ne Saŋ a bindtuuna 10:15

ne andtuuma a Faap fee, Faap fee a andaam. Kaam cooxtaa o ñis es yaam paal ke mi.

A sutax ale 33:11

O Yaal oxe kaa jasnooroogu fa Moyiis, a layaa fo ten nen o kiin fa xaariit um. Cinj kaaga, Moyiis a nomtooxooga no saŋe ne, ndaa o fes ole ne’’eena Yosuwe too a reeƭu o tiidimle um soo a ref o ƥiy Nun, sutooxiidoogee Ƭiif ne o Yaal oxe a xetteel.

Heseki’el 17:2

«Wo fee o ƥiy no kiin, cooxti a nax-o-gut, lay we no mbind Isra’el a naxax.

Ke bindeena no xe ne’eena YOB 19:26

Boo ƭool es neeke a maxna, fo o meen es, xam ga a Roog.

Ke bindeena no xe ne’eena YOB 36:26

Roog kaa magin boo i andee ne ta fodna, too xa kiid um mbaagaand o lim.

1 Korint 13:11

Ye um refaa o njaaƈ, kaam laytoogu nen o njaaƈ, xalaattaa nen o njaaƈ, saq a yiifooƭ no njaaƈ, ndaa ye maakuuma, naagaam buc ndeƥandoong.