1 Korint 12:8 - NQAARIIT NE ROOG

⁸ Kaa oxeeke a danqel ɗelem o and na pexey Yiif le Roog, oxaana ɗelem o jeg-yiif,

1 Korint 12:8 Referans Kwoze

Xa peƭit axe 2:6

O Yaal oxe na ci’taa o jeg-yiif, o and fo o ƴiƴ a ngataa no ten.

2 Korint 8:7

Ne nu njegna halal no fop, ta ref o ngim onqe fo fa lay fee fo o and ole fo o jaflax no fop fo o mbeq onqe nu njegna na in, neene itam nu mbaru o ngoorgoorlooxit no calel paaxu keene.

1 Korint 1:5

Yirmande feene refu yee xañee a nuun dara no ten. A ci’a a nuun nu mbaag fa lay, njeg o and itam.

A kim a tedu ke 143:10

Aqatinaam um fi’aa ke feloonga, yaam wo refu Roog es. Fat Yiif faaxu le wo a ɗoxaam no lanq podru.

1 Korint 1:30

O ten doonu a nuun na Kiristaa Yeesu. Kaa Roog a fi a Kiristaa ta ref na in o jeg-yiif fo o cofel fo o tedel fo a bateer,

Nehemi 9:20

Ci’aa a den yiif faaxu of, ndax da njeg o and. Xañiro a den maan fee ñoowdandtoogoona a den too ci’aa a den foofi, ndax o ɗax a koɗom den.

1 Korint 13:8

O mbeq sooƴkee muk. O jo’tanaa a Roog koy xan a faaf, lak ke a sooƴ, o and ee mes,

Mace 13:11

Yeesu a doona a den ee: «Kaa nu ci’el o and kunpa ke no Maat ne na asamaan, ndaa den o mat ci’aand o ten.

Esayi 59:21

O Yaal oxe kaa tee: «Keeke refu ngiɓoor ne dalnuuma fa den: Yiif es le fudooxna na wo fo fa lay es fee ɓekuuma no don of, suqitkiim a den no don of muk mbaat no don na xa ƥeef mbaat no don na xa taan of no ke xotitna ndiiki boo faw. Mi o mat layun.»

Esayi 50:4

O Yaal oxe na refkaa boo faw a ci’axam a layoorooƭ ale no daalbe we, ndax um and nam warum o saƭakinit o neewu doole xe. Nqes nuu refna kaa wetaa nof es, ndax um nan-giloox nen daalbe we.

Ke bindeena no xe ne’eena YOB 32:8

Kaa koy, no ndigil o kiin oxuu refna a jega yiif, yaam o Cegu katil oxe wuuɗun no ten.

A sutax ale 31:3

Soɗaanum Yiif es, soɗin o and ta jeg yiif, a waag o fi kuu refna.

1 Korint 13:2

Boo andoona itam ee waag’aam o jo’tan a Roog, and kunpa fuu refna, jeg o and oluu refna, kaam ee boo jeg’uuma o ngim onqaa waagna o jiƭit xa coong axe sax, um fexangee lakas we, refkoogiim tus boo tus a fag.

Dañel 2:21

Ten hame’u camaane ke fo baxtu ke, a maafaa maad we, a inaa a den. Oxuu jegna yiif, ten ci’ong o ten, oxuu jegna o and itam, no ten a hatu.

A pi ake 6:3

Ten taxu fog we, njilyo a ndeer nuun goor ɓetuu ɗik waa andteena paax, too a may fo Yiif Tedu le fo o and, i ndoxin a den calel keene.

O leetar ole Pool a bindna GIMU WE NGENNA ROM 15:14

Fog es, mi fa xoox es andaam no ndigil ee nu maya fo o paaxel. A xoolaxam tigi yee nu anda ke wareena o and fop bo ta dey. Nu anda itam ne nu mbaagna o cooxrit xa as a ndeer nuun.

1 Korint 2:11

An andu sax ke refna no kiin fop, a refangee yiif um? Neene o mat a reftu: O leng andee ke refna na Roog a refangeerna Yiif le Roog.

1 Korint 2:16

yaam a binde yee: «An andu a qalaat no Yaal oxe, boo a jangnan?» In o mat, a qalaat Kiristaa i njegu.

1 Korint 14:6

Fog es, o njiriiñ onqum jegkoogum na nuun, yaa gar’uuma gar rek, layaa fa nuun lak faa nu naneerna, too daawniim a nuun na lak nuun mbeeñil mbaat o and mbaat um jo’tanaa a Roog mbaat um jangnaa?

1 Korint 14:26

Yaaga koy, fog es, xar waru? Boo nu mbokatoorna, fat nu ƭofit kuu fi’eena a jok o ñoow no we mbokatoorna, oxuu jegna a kim a tedu mbaat kaa ta janginna mbaat mbeeñil naa ta bugeena o xaajir mbaat lak-yiif mbaat a lapatax, fat a inoox, a geenoox, ndax fop a jokteel o ñoow no gimu we.

2 Korint 1:12

Kañoor in refu ke yiif in a seede’aa. A pesoorooƭ in kam adna fee, moƴtaa sax a ndeer nuun, kaa reeƭu no tedel fo no ngor naa hatna na Roog na pexey yirmande um fop, refee muk no and no kiin.

2 Korint 2:14

Yaasam Roog a simatel, ten oxe na ɗoxaa in kili, in we mbogna na qaaj ale maafna na pexey Kiristaa. Ten na fexeyaa boo i mbaag o andnooraa gon um, nen tuñ pelu kaa pictooxna muu refna.

2 Korint 4:6

Roog fee layna yee: «Fat a qoolaand ale a naag dañ kam o niɓaan ole», ten naagu dañ kam a qeeñ in, ndax ta andnoor a in o ndam onqe Roog na meleƈtaa na tagid Kiristaa.

2 Korint 6:6

Kaa i laltaa yee dag Roog i ndefu na pexey o qoolel in fo o and in fo o muñ in fo o paaxel in. Keene refu ke i mbi’aa na pexey Yiif Tedu le fo o mbeq o saƭku nqe in

2 Korint 11:6

Xeƈa a waaga o ref no fel-o-ɗek, ndaa refee muk no and, too i mbeeñlaan a nuun muu ta waagna waag o ref fo no kuu refna.