1 Korint 12:25 - NQAARIIT NE ROOG

²⁵ ndax nqaajoor jegkee no cer ke. A seek aluu refna no ke fokatoorna, a ref njer leng kut ne, a topatooxaa o kend um.

1 Korint 12:25 Referans Kwoze

2 Korint 13:11

Ndiiki koy fog we, fat o ɗaay a ref fa nuun! Njeemyo o njagandoox, yaalooraa, mbog xalaat, ñoowaa na jam! Yaaga Roog fee refna o mbeq fa jam xan a ref fa nuun.

2 Korint 8:16

O ngidim a hela a Roog, ten oxe ɓekna kam xeeñ le Tiit o jaflax o leng kut ole i njegna na nuun.

1 Korint 3:3

yaam kaa nu maad o mbesooraa nen wiin adna. Ndax ciisir fo nqasir ndefu a ndeer nuun? Bo ndiik xalaat adna na ɗoxaa a nuun,

2 Korint 7:12

Bindiim keene yaam oxe tooñ’ina mbaat oxe tooñ’eena. Kaam bindin ndax o jaflax ole nu njegna na in a feeñ mbaambir Roog.

1 Korint 12:24

soo ke deyeena o haal, soxla’katiran. Kaa Roog a sak cer ke, a saktin naa andoona yee ke deyeerna o niwel a deyataan,

1 Korint 12:26

Boo leng teen a ɗomeel, fop na ƭomeel nen o ten, too boo leng teen a tedlandeena, yoq we fop na sawaraa nen o ten.