1 Korint 12:2 - NQAARIIT NE ROOG

² Nu anda yee, ye nu ndefaa yeefar, kaa nu ndeɓoox’u no pangool ke, mbaɗooxaa a den, den we mbaageerna fa lay.

1 Korint 12:2 Referans Kwoze

1 Piyeer 4:3

Nu miña o ñoowtaa ne gimaƭaru we a mbugtuuna. Yaaga, kaa nu ñaaƴoogu kam caasaay ne fo a yuxum ake, yeraa a yer a maamu, ñaamaa kupu, ndetaa na xa yerand axe fo na xa cuurand pangool axe.

1 Tesalonik 1:9

Fop kaa laytaa ne nu ndalnit’ina a in fo ne nu mbesitna a cinj tefee Roog ke nu mbaɗooxoogna, soo ngeleeroox, ndax nu mbaɗooxaa a Roog fa ndigil fee na ñoowaa,

A kim a tedu ke 115:5

Kaa njeg xa ton, ndaa nee yaƥataa, a njeg a kid, ndaa nee nga’aa,

Galati 4:8

Yaaga nu andafulee a Roog, kaa nu mbaɗooxoogu kaa refeerna Roog.

1 Korint 6:11

A jega leng-leng na nuun waa mbi’oogna keene yaaga, ndaa koy nu ƥogde boo nqool, kesanel a Roog, njofandel no gon no Yaal in Yeesu Kiristaa na pexey Yiif le Roog.

Yeremi 10:5

Kaa nand nen mbooƴ sipe no qol xa peeƭ. Naangee o layaa, too kaa meeɓeel, yaam mbaagee o ndupit o jaf. Ba nu saɗar a den, yaam mbaagee o mbi paaxeer, ne da mbaageerna o mbi’it paax.»

1 Piyeer 1:18

Nu anda a paax njigand ne nu mbatteena no ñoow kasaara le nu lamitna no daan nuun. Refee koy ee kaa na yaqooxaa nen xaaliis mbaat wurus watu a nuun,

Tiit 3:3

In itam, wiin ñaku a qoox i ndeeƭu yaaga. Kaa i nanaƭar’u, mo, ndef faɗ a yuxum in fo no kuu na ci’aa a in baneex. Kaa i ñoowoogu no coxod, siisaa, ndef waa njareena o sib, sibraa.

Mace 15:14

Nqaƴyo a den, fuul waa na ƭoxaa fuul gend den a ndefu. O puul a ɗoxangaa o puul o kend um koy, den ɗik fop xan a njimboox kam a kamb.»

Esayi 46:7

Cinj kaaga, da nqotin, a ngadooxin soo a ndiƈin na seek um. Maaga roog fee a yoqaa, riƈatooxkee sen. A xoyange sax oo, jaaɓkee too mucilkee o leng na naqad.

A kim a tedu ke 135:16

Kaa njeg xa ton, ndaa nee yaƥataa, a njeg a kid, ndaa nee nga’aa,

A kim a tedu ke 115:7

Kaa njeg xa ƥay, ndaa nee nduqaa, a njeg a caf, ndaa nee ñaaƴaa. Fangax leng nee hataa no faƭanq den.