1 Korint 12:18 - NQAARIIT NE ROOG

¹⁸ Kaa Roog a doon tig oo tig no cer ke maa feluuna.

1 Korint 12:18 Referans Kwoze

1 Korint 12:28

Kam o fog ole no gimu we Roog kaa eet o dalin apootar we, we na njo’tanaa a Roog a ndeef, jaajangin we a ndoonoox, soo cinj kaaga, we ci’eena a mbaag o mbi comlaand, cinj weene we mbaagna o mbodand, soo we mbaagna o ƈufig a ngar fo we mbaagna o adooxan lakas we fo we na layaa lak-yiif.

1 Korint 12:11

Keene fop koy, Yiif leng kut le Roog na fi’an, oxuu refna ta danqin ci’it um ne ta bugtuuna.

O leetar ole Pool a bindna GIMU WE NGENNA ROM 12:3

Ne Roog a ci’axama yirmande um, mexey layaa a nuun fop ee: Ba nu yeg a qoox nuun boo muk, ndaa fat nu maandoox na qalaat nuun, oxuu refna a liiƥoor fo a las ale Roog a ci’uuna no ngim onqe.

1 Korint 3:5

Xar Apolos mbaat Pool a ndefu? Faɗ lule soom i ndefu, waa mbi’oogna, oxuu refna ke o Yaal oxe a coox’uuna, ndax nu ngimit na in.

YEGIL MBAAX NE YEESU ne Lik a bindtuuna 12:32

«Ba nu mbit dara, o njiir onqe nu ndefna ndef! Yaam a fela a Faap nuun boo ta ci a nuun Maat um.

1 Korint 12:24

soo ke deyeena o haal, soxla’katiran. Kaa Roog a sak cer ke, a saktin naa andoona yee ke deyeerna o niwel a deyataan,

YEGIL MBAAX NE YEESU ne Lik a bindtuuna 10:21

Na waxtu faaga sax, Yeesu a maya fo o ɗaay no Yiif Tedu le, too a lay ee: «Faap, mexe gidmang, wo o Yaal asamaan fo lanq, yaam ɗasnaa kene yaal-o-and we fo jegu yiif we, soo feeñlin we moƴna o neew. Iyo Faap, neene mat a waagu refit, yaam ten felong.

A kim a tedu ke 135:6

O Yaal oxe kaa fadnaa ke ta bugna fop, ta ref na asamaan fo took lanq ke, na xa maag axe fo no qooƭ ke fop.

1 Korint 15:38

Roog a cooxin cer kaa mbeluuna, tuufe-duufe kuu ndefna, ta cooxin cer ke ta jilanuuna.

Yoona 1:14

Maaga, a ƈufginooxa o Yaal oxe, too a lay ee: «O Yaal oxe, koo ba o saŋik a in yaam o koor oxene, too fat o ɓog a in na fa nqon no xene fi’eerna a in tus. O Yaal oxe, i anda koy o mat ee kaa o fi’aa ke bugoona.»

Esayi 46:10

Yegnitaam no mberaand naa ke na xewkaa, lambin yaaga ke fadiidafuleerna. Kaam layaa yee: Yuuƥ es xan a fadnoox, too ke buguuma fop, kaam fi’an.

Mbeeñil 4:11

«Koo o Yaal oxe Roog in, jombiro ɓoxotel o ndam fo o niwel fa katil, yaam wo saku fop, too na pexey o bug of ke sakeena a reftu.»

Efees 1:9

A andnoora a in kunpa fee ta ɗaapna, too ta yuuɓ’un yaaga, ndax ta fadnin na Kiristaa.

Efees 1:5

Roog kaa yuuɓ’u yaaga yee xan a fi a in xa ƥeem ŋaƈit na pexey Yeesu Kiristaa. Keene kaa reeƭu ke ta bugna fo ke feluuna.

A kim a tedu ke 110:3

Wo ngelwaar a helu naa rimee took xa coong xa tedu xe, o sutoor no mbuyukuun ne nen liim, ye rimoonga.

O leetar ole Pool a bindna GIMU WE NGENNA ROM 12:6

Roog kaa lasit ci’it um no fud o letu. Ci’it ke koy kaa nguutatir, ndaa i mbara o njiriiñoor a den, oxuu refna fo ne Roog a lastoonga. Oxuu ci’eena o jo’tanaa a Roog, fat a fi’in, ta yoon fo o ngim onqe.

1 Korint 12:17

Ha’aa, yaam cer ke fop a tapoor’angaa, a ndef a ngid, mam fa nan a refkoogu? A reeƭangaa nof ƥor, mam tuñ a mbugkoogu o ndeefaa?

1 Korint 12:19

Fop a fokatoor’angaa a ref a seek a leng, mam cer ke a ndefkoogu?