1 Korint 12:13 - NQAARIIT NE ROOG

¹³ In fop, no Yiif leng kut le i mbatiise’e, ndax i mbog, ndefat njer leng kut na Kiristaa, ta ref o Yaawuur mbaat o tefee o Yaawuur, o paɗ mbaat jaambuur. In fop, no Yiif leng le i yerne.

1 Korint 12:13 Referans Kwoze

Efees 4:5

O Yaal o leng soom jegu fo o ngim o leng kut fa batiise fa leng.

Kolos 3:11

Jegatee njektir leng ndeer o Keegeres fo o Yaawuur mbaat ndeer o qucooxu fo o haat. Jegatee o yokooxeer, jegatee o kiin o naaku, jegatee o paɗ, jegatee jaambuur: Kiristaa kaa ref fop, a ref no fop.

Galati 3:28

Jegatee njektir ndeer o Yaawuur fo o tefee o Yaawuur, ndeer o paɗ fa jaambuur, ndeer o koor fo o tew, yaam nuun fop, o leng nu ndefu na Kiristaa Yeesu.

1 Piyeer 3:21

Kaa reeƭu nitaale’ir na batiise fee na muclaa a nuun ndiiki. Na batiise fee, refee yee ndoƭ cer in i ƥogaa, ndaa kaa ref i nqeɗaa a Roog o njeg yiif jeejooxeer dara. Ten o mat na muclaa a in na pexey a qontax ale Yeesu Kiristaa

O leetar ole Pool a bindna GIMU WE NGENNA ROM 3:29

Ndi boog Roog o mat, Yaawuur we soom a refanu? Ndax kaa refee itam Roog fee no we ndefeerna Yaawuur? Aha kañ!

A pi ake 1:5

Mee ndax Saŋ, foofi a batiise’toogu, ndaa nuun koy, ndeer mene fo a pe a mayeer, xan nu mbatiise’tel Yiif Tedu le.»

YEGIL MBAAX NE YEESU ne Saŋ a bindtuuna 4:10

Yeesu a doonaan ee: «O and’angaa ci’it Roog, and itam oxe layoonga yee ‹Ci’aam um yer›, xeɗkoogaano wo fa xoox of, too yaaga a ci’koogaang foofi fo ñoow.»

YEGIL MBAAX NE YEESU ne Lik a bindtuuna 3:16

Kaa koy, Saŋ a laya a den den fop ee: «Mi, mexe batiise’taa a nuun foofi, ndaa oxe na garaa moƴaxam o jeg doole, too fekit xa ñaaƭ um sax a jombaxam. Ten o mat, xan a batiise’it a nuun Yiif Tedu le fa fiɗel.

Mace 3:11

Mi, mexe batiise’taa a nuun foofi, ndax ta lalit ee nu mbesa pakaad nuun a cinj, ndaa oxe na reefaniidaxam moƴaxam o jeg doole, too o wolanin xa ñaaƭ um sax a jombaxam. Ten o mat, xan a batiise’it a nuun Yiif Tedu le fa fiɗel.

Efees 5:26

Kaa fi’it neene, ndax ta tedlandin a cinj ye ta xoolandtuuna foofi fo fa lay,

YEGIL MBAAX NE YEESU ne Saŋ a bindtuuna 4:14

Kaa koy, oxe na yerkaa foofi le um cooxkan, hoɗomkataand boo muk. Foofi leene um cooxkan xan a fi kam um a mbeel alaa a cur ake a nqawraa, a cooxin itam o ñoow o fagkeer ole.»

YEGIL MBAAX NE YEESU ne Saŋ a bindtuuna 3:5

Yeesu a doonaan ee: «No ndigil, no ndigil, mexe layang ee: O kiin waagee o rok no Maat ne Roog, too rimtaand foofi fo Yiif le Roog.

YEGIL MBAAX NE YEESU ne Saŋ a bindtuuna 1:33

Mosinum o and, ndaa oxe luliidaxama ndax um batiise’it foofi kaa lay’aam ee: ‹Oxe Yiif le Roog a dongkaa took um yaa ta fudooritna na asamaan refu oxe na batiise’itkaa Yiif Tedu le.›

Kolos 1:27

Den weene Roog a andnooru ke refna o njiriiñ onqe na halal fa kunpa’u feene a ndeer qeet ke, ta ref leng kut kene: Kiristaa kaa ref na nuun yaakaar o ndam Roog.

Efees 3:6

Keeke refu kunpa feene: Na pexey Yegil mbaax ne, we ndefeerna Yaawuur a njega a las fo Yaawuur we no ke Roog a geekanna xeet um. A ndefata njer leng kut, soo a mbog, den itam na tegit a leng kut ale Roog a regitna na Kiristaa Yeesu.

Galati 3:23

Kaa koy, ye jamaane fee no ngim onqe a fadiidafuleerna, kaa i mbeg’el, soo kebil ke a yetaa a in boo neene o ngim onqe war’eena o feeñil a fadiidu.

1 Korint 10:2

a mbatiise’tel eel le fo o maag ole na Moyiis,

YEGIL MBAAX NE YEESU ne Saŋ a bindtuuna 6:63

Yiif le Roog na ñoownaa, cer ƭaxee dara boo dara fag. A ƭelem ake layuuma a nuun koy, Yiif fo o ñoow a ndefu.

Efees 6:8

Fat nu and ee: Oxuu refna xan a daawit no Yaal oxe paax ke ta fi’aa, ta ref o paɗ mbaat oxaa jegna a xoox um.

O leetar ole Pool a bindna GIMU WE NGENNA ROM 4:11

Cinj ye ta gimna boo a ƴut, a daawa nquc ne nen o ñaas. Kaa reeƭu o anddiloor no cofel ole ta daawit’ina na pexey o ngim um yaaga xucooxafulee. Abraham reeƭatu o taan no we nqucooxeerna fop, too a ngim na Roog, ndax da ƭeetel nen jofu.

YEGIL MBAAX NE YEESU ne Saŋ a bindtuuna 1:16

I ndaawa koy no paax ke ta garitna fop, ta ref yirmande took yirmande.

A kim ale na kim ake 5:1

O cigeen es, o toog es, mexe garaa na ƭing es, ɓooriid miir fee mi fo qeeñe-xeeñe ke mi, ɓaƈit xef es, ñaam suum ke, yer biiñ es fo fo sis es. Nuun qaariit ke, ñaamyo boo ngiñ, yer mbug ne boo mbay nep.

Esayi 55:1

«Heey! Nuun fop we ngoɗomeena, ngaryo no poofi ke, nu njegangee xaaliis sax oo. Ngaryo, mbaaƭan a qoox nuun kaa nu ñaamna, nqot na biiñ fee fo no fo sis ole, jegee ndabid, ci’it oo.

O leetar ole Pool a bindna GIMU WE NGENNA ROM 3:22

Roog kaa ɗeetaa wiin we nen jofu mbaambir um na pexey o ngim den na Yeesu Kiristaa. Kaa fi’anan we ngimna na Kiristaa fop, yaam jegee njektirand leng: