1 Korint 12:12 - NQAARIIT NE ROOG

¹² Nen cer ke, neene we ngimna na Kiristaa a nandu: Njer leng kut ne yoo, ndaa kaa xaajoox, a ref kene xa ƥay, keeke nof, keeke a kid, fo lakas fo lakas…

1 Korint 12:12 Referans Kwoze

Kolos 3:15

Fat jam fee Kiristaa, nu nqoyteena, ndefik njer leng, a gar na qeeñ nuun, nu njeg o ngidim.

1 Korint 12:27

Neene nu ndeftu cer ke Kiristaa, oxuu refna a ref teen a seek.

Kolos 2:19

soo a fañ o reefan a Kiristaa fee refna xoox le saqna cer ke fop. Cer keene, o fog fo a kiɓ kaa mbokat a den, soo Roog a cooxaa a den kaa da maakitna na Kiristaa.

Efees 4:4

Njer leng kut jegu fo Yiif Tedu leng kut. Neene nu nqoyte no yaakaar leng kut itam na pexey o xoy ole nuun.

1 Korint 10:17

In we na nqaajraa mbuuru ne, i maya, ndaa ne mbuuru ne a refna leng, in itam o leng i ndefu.

Efees 5:30

Kaa refee yee in ndefu a seek ake no cer ke ten!

Kolos 1:18

Ten refu xoox le no fog ole no gimu we fop. Ten refu itam mberaandoong ne, a ret jaaniif, a ref taaw fee eetna o sutoor maaga, ndax ta adoox no kuu refna ref.

Efees 5:23

Yaam o kor refu kelfa no teem, ne Kiristaa a refitna kelfa no fog ole no gimu we. Kiristaa fee fa xoox um refu o Muumucil oxe no gimu we ndefna cer um.

Efees 4:12

Kaa fi’it neene, ndax ta jagand we mbogna na xeet fee Roog, da mbadin calel ke gimu we a ndoxondeena, a njokaa cer ke Kiristaa kam o ngim onqe.

Galati 3:16

Ke regteena koy, Abraham fo o ndaan um njegun, yaam a Pind a Tedu ke layee yee «fo xa taan um» nen yaa ta jeg’ina xa taan xa mayu, ndaa o leng kut a ne’oogu, ye ta layna yee «fo o ndaan of», ta ref Kiristaa.

Kolos 1:24

Jegaam o mbelakinax lool no coono ke um coono’aa yaam nuun. Keene koy, kaa ref kaa um ɓaataa no coono ke Kiristaa no cer es, fadnanan o fog ole no gimu we, refna ref cer ke Kiristaa.

Efees 1:23

O fog ole no gimu we refu cer ke Kiristaa. No ten Kiristaa a genu bo ta dey, ten fee mayƭandna ke sakeena fop.

1 Korint 12:7

Oxuu refna koy, kaa danqel no ke Yiif le Roog a ci’taa, a reefandel no ke jeganna mbokatax ne no gimu we fop o njiriiñ.

1 Korint 12:20

Mee ndax a seek a mayu mbokatooru, a ndef njer leng kut.