1 Korint 11:32 - NQAARIIT NE ROOG

³² Kaa koy, o Yaal oxe kaa hate’aa a in, a yaraa a in, ndax i saŋkooxandoorkee fo wiin adna we.

1 Korint 11:32 Referans Kwoze

Mbeeñil 3:19

Mi o mat, kaam yaraa we fexuuma. Jaflaxi boog, too fes pakaad of a cinj.

A kim a tedu ke 118:18

Ndigil oo kañ ee o Yaal oxe a yaraxam a yar, ndaa koy xaƴiraam um xon.

A cangatin ale 8:5

Andyo a paax boog ee o Yaal oxe Roog nuun kaa yaraa a nuun ne faap a yartaa o ƥeem.

1 Korint 11:30

Ten taxu a cir fo nqiiboon a may a ndeer nuun boo mayu a nqonaa sax.

Yeremi 7:28

Maaga, fat o lay a den ee: Nuun ndefu xeet fee nan-gilooxeerna o ñuxur no Yaal oxe Roog den, soo a mbañ a maƭax um. Ngor kaa xon faq me nuun, a mo mir na xa ton nuun.»

1Saŋ 5:19

I anda yee na Roog i mbogu, too adna fee fop oxe na sañ-sañ fee no paaxeer oxe.

O leetar ole Pool a bindna GIMU WE NGENNA ROM 3:19

I anda koy ee ke kebil ke a layaa fop, kaa layanin we njaɓna o ndeef kebil ke, ndax o don oluu refna a naag meek, soo adna fop a njaɓ ee baabakaad a ndefu mbaambir Roog.

Sofoni 3:2

Nan-gilooxee o ñuxur o leng, a ƭat um yongee no soqanqol, doonee a koolax um no Yaal oxe, matiidee a Roog um.

Esayi 1:5

Ndi mam a xawkataa xaw a nuun, nuun we nqoxna na pañ rek. Xoox le kaañax ƥor a saqu, soo xeeñ le fop a jir.

2 Sami’el 7:14

Xam ref faap um, ta ref o ƥees. Boo ta fi’na paaxeer, xam yartin o samb ole no wiin we fo a pad a kiihiin.

O leetar ole Pool a bindna GIMU WE NGENNA ROM 5:16

Ci’it Roog neene koy fodree fo tooñ ne o kiin o leng kut oxe a fi’na. Cinj tooñ leng kut neene, hate fee ɓisiidna a qaw ale Roog a gara. Kaa koy, a cinj tooñ mayu, ci’it Roog ne jombna a in a feeñla ɓur in.

1 Korint 1:20

Ten taxu ndiiki, an refu meen o yaal o and? An refu meen o cangu? An na inooxkaa meen a ñimatireel, ndax ta lalit yiif um? Kaa Roog feeñlee yee ke na fakoorteel na adna fee ñaku xoox oo?

1 Korint 1:21

Ne andoona yee ke adna a mbi’na o and ɓakandee a den no and a Roog, ten taxu Roog a mucla we ngimna, a reefandin na waare fee wiin we a mbi’na ñaku xoox.

1 Korint 11:31

I ngorooxoogangaa a qoox in, Roog hate’koogee a in.

1 Korint 11:33

Ten taxu, fog es, boo nu mbugna o mbogandoor ñaamel, naangyo o cungraa, soo sogkaa o ndeer, ñaam.

1 Timote 1:20

Himene fa Aleksaandar a mboga teen. Kaam ɓoxot a den a Saytaane, ndax da yaroox, too a and ee o kiin waree o wenaa a Roog.