1 Korint 11:25 - NQAARIIT NE ROOG

²⁵ Yaa da nju’ooxna boo a ƈut, a janga o kaas biiñ itam, soo a lay ee: «O kaas biiñ oleeke refu ngiɓoor nqas ne sinjeena took fo’oy le mi. A mbanuu nu yeruuna, fat nu mbetandooraxam o ten.

1 Korint 11:25 Referans Kwoze

YEGIL MBAAX NE YEESU ne Lik a bindtuuna 22:20

Yaa da nju’ooxna boo a ƈut, a janga o kaas biiñ itam, soo a lay ee: «O kaas biiñ oleeke refu ngiɓoor nqas ne sinjeena took fo’oy le mi ɓaxeena yaam nuun.

Hebre 13:20

Roog a xontooxnoora o Yaal in Yeesu a ndeer no xon we. O ten refu o kaynaak o maak oxe na gayaa paal um, yaam ne ta ɓoxotooxna nen sadax na pexey fo’oy um. Fo’oy leene o mat sinju ngiɓoor mbooru ne faafkeerna. Yaasam Roog fee mayna fa jam a ci a nuun doole faa nu mbi’taa paax, ndax nu mbadin ke ta bugna. Yaasam ta fi na in ke feluuna na pexey Yeesu Kiristaa. Kaam ee, yaasam o Yaal oxe Yeesu a ɓoxotel o ndam boo faw. Amiini.

2 Korint 3:6

Roog waagnooru a in, i ndef jaajal no ngiɓoor nqas ne, reefeerna no kebil ke mbindeena ndaa no Yiif Tedu le. Kebil ke mbindeena kaa mbarnooraa, ndaa Yiif le o mat kaa ci’taa o ñoow.

1 Korint 10:16

O kaas ole i mbarke’aa, ndax kaa naagee o fokataa a in fo fo’oy le Kiristaa? Kaam ee: Ndax mbuuru ne i nqustaa naagee o fokataa a in fo cer ke Kiristaa?

2 Korint 3:14

Kaa koy, a qalaat den kaa niɓaan, too boo xaye sax, boo da njangaa safe le no ngiɓoor eetaand ne, muurax ne oxe maadaa, too watnaand. Muurax neene, oxe watitkaa no xe fogna na Kiristaa soom.

A sutax ale 24:6

Moyiis a yipa a qaaj a leng ale no fo’oy le no cegel ke na xa ƥaxañ, soo a qaaj a lakas ale, ta wiisin took o sadaxand ole.

A sutax ale 24:8

Maaga, Moyiis a janga yoq ke no fo’oy le, a wiisin Ii-isra’el we soo a lay ee: «Kene refu fo’oy le no ngiɓoor ne o Yaal oxe a dalinna fa nuun, ye ta cooxna a nuun kebil keeke fop.»

Yeremi 31:31

O Yaal oxe kaa tee: «Ñaal key a ngaraa, kaa um dalnatinkaa ngiɓoor nqas fa xeet fee Isra’el, dalnatinin fa fee Yudaa.

1 Korint 11:24

a gidim a Roog, a xustin, soo a lay ee: «Kene refu cer es ke cooxteena yaam nuun. Mbetandooraamoo keene.»