1 Korint 11:22 - NQAARIIT NE ROOG

²² A soƥangaa yee o fud o maak fo way rek na inaa a nuun, nu mbaagee o nday no pind nuun? Ndi boog kaa nu nqeef mbokatax ne no gimu we Roog boo mbi’aa kaa taxna ta ref a siind gaci, ndoonaa gaci took we njegeerna? Xar nu mbugu um lay a nuun? A tagas nu cungaa na mi? Koo boo muk um tagas a nuun no keene!

1 Korint 11:22 Referans Kwoze

A pi ake 20:28

Ten taxu mbootooxyo boog na qoox nuun fo no siir ole Yiif Tedu le a doxinna a nuun, nu ndef teen aa-adax. Ngayyo o fog ole no gimu we Roog a su’nitna fo’oy xooxood um.

Xa peƭit axe 17:5

Oxe na xaadnooxaa o ndool onqe kaa xeef oxe sakuuna, oxe sawarna na taamaala no lakas ñakkaand o xaw.

1 Korint 10:32

Ba nu ndef a panq no Yaawuur we mbaat no we ndefeerna Yaawuur mbaat no tedu we Roog.

1 Timote 3:15

Kaa koy, um waagangee o ñof o gar, xan o andat ne o kiin a warna o ñoowtaa no ƥasil ne Roog. Ƥasil neene refu mbokatax ne no we ngimna na Roog fa ñoow jok fee, a ref itam a toodook ale jaƭna ndigil ne.

1 Timote 3:5

O kiin a waagangee o ɗox ƥasil um o mat, kaa andiim ne ta waagkaa o ɗoxit mbokatax ne no we ngimna na Roog.

1 Korint 11:17

A maƭax aleeke feliraam dara, yaam kaam ga ee mbokatoor nuun no paaxeer soom a ɓekaa a nuun:

1 Korint 11:2

A jega koy kaa gidmituuma a nuun boo paam Roog, ta ref ee nu mosiraam o mbeec na dara, ndeefaa ke jangnuuma a nuun a paax.

1 Korint 15:9

moƴ o neew no apootar we. Andaam ee xoyeel apootar sax a jombaxam, yaam kaam ñagadiloogu o fog ole no we ngimna na Roog.

1 Korint 11:34

Oxuu xeexeena, fat a ñaamit no mbind den soo a garaa, ndax nu qickee hate fee Roog took nuun. Lakas ke koy, xam laytin yaa fadiiduuma.