1 Korint 11:21 - NQAARIIT NE ROOG

²¹ yaam a mbanuu nu layna yee ten nu nqetanu, mbug o mbogandoor itam ñaamel nuun, oxuu refna na nuun kaa sayooxaa fo o rox um boo fop ñaamkee, ndax weeke a nqeexel, lakas we a ñaam, a yer boo a mbay.

1 Korint 11:21 Referans Kwoze

Yudaa 1:12

A tef den fa nuun yaa nu ndeerna a ñaam kaa ref na nuun njom, a topatooxaa a qoox den soom. Muu da ndefna kaa laltaa o ruud den, too njegee teen gaci. Kaa nand nen a karinj akaa nqeñ ne a yetnaa, too ndeɓkee foofi muk. Kaa nand itam nen taxar ke ndimkeerna muk, a refangaa sax ee waxtu den kaa gar. Taxar keene njegee a paƴ. Kaa nqon boo faq!

2 Piyeer 2:13

Neene, xan a ndaaw ndabid njofaƭar den. Kaa njegaa o ɗaay, yaa da ndeefaa a yuxum a paaxeer ake den njoloor o mbuc. A tef den, yaa da ndeerna fa nuun a ñaam fo o naxaa nuun ole na sawarnooraa a den lool, kaa ref gaci.

YEGIL MBAAX NE YEESU ne Saŋ a bindtuuna 2:10

soo a layin ee: «Wo o mat, a saax ɓetaa ƭaq a eetaa o cooxit biiñ fa mbaax fee boo yaa fop a ndeyƭooxna, soo da sog o sut fee moƴanna, e soo o moof boo waxtu fene, o sog o sutaa fa mbaax fee!»

1 Korint 11:20

Refee yee a cu’ax ale no Yaal oxe na fokataa a nuun,

1 Korint 11:34

Oxuu xeexeena, fat a ñaamit no mbind den soo a garaa, ndax nu qickee hate fee Roog took nuun. Lakas ke koy, xam laytin yaa fadiiduuma.