1 Korint 11:20 - NQAARIIT NE ROOG

²⁰ Refee yee a cu’ax ale no Yaal oxe na fokataa a nuun,

1 Korint 11:20 Referans Kwoze

1 Korint 11:19

A qaaj akeene mbaagee ñak a ndeer nuun, ndax we na nqoxkaa ƭeetlax neene a andel a qool qac.

1 Korint 11:21

yaam a mbanuu nu layna yee ten nu nqetanu, mbug o mbogandoor itam ñaamel nuun, oxuu refna na nuun kaa sayooxaa fo o rox um boo fop ñaamkee, ndax weeke a nqeexel, lakas we a ñaam, a yer boo a mbay.

Yudaa 1:12

A tef den fa nuun yaa nu ndeerna a ñaam kaa ref na nuun njom, a topatooxaa a qoox den soom. Muu da ndefna kaa laltaa o ruud den, too njegee teen gaci. Kaa nand nen a karinj akaa nqeñ ne a yetnaa, too ndeɓkee foofi muk. Kaa nand itam nen taxar ke ndimkeerna muk, a refangaa sax ee waxtu den kaa gar. Taxar keene njegee a paƴ. Kaa nqon boo faq!

Hoose 8:13

Xeet fee Isra’el kaa mbaraa muumeen kaa da sadaxaxam, soo a ñaamaa a tegeƴ ake, ndaa jaɓiim a den, mi o Yaal oxe. Ndiiki koy, wetandooxaam tooñ den too xam xaw a den yaam pakaad den. Xan a nomtoox cook Misira.

Sakari 7:6

Boo nu ñaamaa, yeraa, mee ndax o mbelakinax nuun taxun.› »

A pi ake 2:42

Kaa ndamoogu a cangin ale no apootar we, a mbog o liir, a ndeeraa a cu’ax ale no Yaal oxe, soo a nqeɗaa.

A pi ake 2:46

Bes fuu refna, kaa mbokatooroogu no Mbind Roog ne, a mbogaa mbuuru ne kam pind ke, a ñaamaa fo o mbeq fo xeeñ yelefu,

1 Korint 11:17

A maƭax aleeke feliraam dara, yaam kaam ga ee mbokatoor nuun no paaxeer soom a ɓekaa a nuun:

Hebre 10:25

Ba i ñak o mbokatooraa fo we ngimna, ne leng-leng a meruuna o mbi’taa. Kaa i mbar o saƭakinraa a ndeer in kañ, moƴin o mbi’aa, yaam ne nu nga’oodna bes fee no Yaal oxe ta matiidaa.

2 Piyeer 2:13

Neene, xan a ndaaw ndabid njofaƭar den. Kaa njegaa o ɗaay, yaa da ndeefaa a yuxum a paaxeer ake den njoloor o mbuc. A tef den, yaa da ndeerna fa nuun a ñaam fo o naxaa nuun ole na sawarnooraa a den lool, kaa ref gaci.