1 Korint 11:16 - NQAARIIT NE ROOG

¹⁶ A soƥangaa koy ee kaa jeg oxaa jaɓeerna keene, fat nu yeg fo and ee na in fo no pokatax ke no gimu we Roog fop, a mbanuu o tew a xeɗaa kaa muxlooxaa.

1 Korint 11:16 Referans Kwoze

1 Korint 7:17

No keene fop, fat o kiin oo kiin a ñaaƴ na ƭat ale Roog a halanuuna, a fi ke Roog a xoytuuna itam. Keene heblitum no pokatax ke no gimu we fop.

1 Tesalonik 2:14

Fog es, kaa nu nand ndiiki fo pokatax ke no we ngimna no Yaal oxe Kiristaa Yeesu ndefna kam Yudee. Gentand nuun ŋaƈit a toroxanda a nuun, ne Yaawuur we a toroxandit’ina pokatax keene.

A pi ake 21:24

Ɓisi a den, nu yoon ƥogdinoox ne Yaawuur we a mbi’tan. Gadooxi ndabid den itam, ndax oxuu refna a ruusin xoox um. Neene, xan wiin we a and ee ke layoogeena na wo fop xa maaƥ oo, yaam a nga ee kaa o reefaa kebil ke Moyiis, too gayaa a den.

A pi ake 21:21

Weene kaa nan ee kaa o jangnaa Yaawuur we ngenna a ndeer no we ndefeerna Yaawuur, da mbes kebil ke Moyiis a cinj, doon teen layaa yee: Ba nu nquc xa ƥiy nuun, too ba nu ndeef o mbaax onqe nuun!

1 Korint 16:1

No ke jofna koy no ke na fokataneel tedu we kam Yeerusaleem, kaam bug nu mbi’tan ne laytanuuma pokatax ke no gimu waa no jegel olaa Galati.

1 Korint 4:5

Hate fee a refangaa no ɓay Roog koy, nqaƴyo boo hap fee a fad, too a koom o Yaal oxe a gar, a huyit ke dasna, a feeñil ke a yiif ake a mbofna, a kañ wiin we fop, oxuu refna ne ta waritna.

1 Korint 9:1

Ii, mee ndax kaa jegiim a xoox es? Ndax kaa refiim apootar, o Yaal in Yeesu Kiristaa a feeñooxaam? Kaa calel es ɓisiidee a nuun no Yaal oxe?

1 Korint 9:6

Ndi boog mi fa Barnabaas rek mbaru o njalaa, ndax i njeg ñoowir?

1 Korint 11:15

ndaa ne ta refitna gaci no koor, a reftu kañoor no tew, yaam kaa Roog a cooxin wiil jiig, ta ref a muxul.

Yeremi 32:11

Cinj kaaga, xotaam a kayit a cikir ale wegit’eena o ñaasir, a saq bargal ke fo ke jofooreena fo a yiƥadax ale ten wegit’aandeena o ñaasir.