1 Korint 10:4 - NQAARIIT NE ROOG

⁴ a yer kaa refna a yer-yiif, yaam ɓil laa da yertoogna foofi laa, ɓil-yiif a reeƭu, too kaa reefanoogu a den muu refna. Ɓil laaga koy, Kiristaa a reeƭu.

1 Korint 10:4 Referans Kwoze

A sutax ale 17:6

Xam geenoox maaga mbaambir of took ɓil no joong olaa Horeb. Fat o xaw ɓil le, too xan foofi laa xeet fee a mbaagna o yer, a balit teen.» Moyiis a fi’a naaga na kid no maak weene.

YEGIL MBAAX NE YEESU ne Saŋ a bindtuuna 7:37

Na bes fa mbalakaand faa, refna ref bes faa moƴna o magin na xew faa, Yeesu a inooxa a geenoox, a lay a maak ee: «Oxuu hoɗomeena, fat a gar a yer me mi!

Esayi 48:21

Ye ta ɗoxna a den na koƥ-a-ƥor alaa, ngoɗom’aand. A balnana a den foofi no ɓil le, a qaacin, soo foofi a balit teen.

YEGIL MBAAX NE YEESU ne Saŋ a bindtuuna 4:14

Kaa koy, oxe na yerkaa foofi le um cooxkan, hoɗomkataand boo muk. Foofi leene um cooxkan xan a fi kam um a mbeel alaa a cur ake a nqawraa, a cooxin itam o ñoow o fagkeer ole.»

A kim a tedu ke 105:41

A weta ɓil le, soo foofi a balit teen, a xayaa kam o tan ole nen o xuluɓ.

A kim a tedu ke 78:20

Ndigil oo kañ ee a xawa ɓil le, a balnit teen foofi, a suqtit teen a ƈufnand. Kaa koy, ndax a waaga o coox a in itam ñaamel mbaat ta ci a in a tegeƴ, in we xeet um?»

A kim a tedu ke 78:15

A qaaca a ƥil na koƥ-a-ƥor alaa, a yernoor a den a paax, nen no poofi ke na juwaam fa maak fee.

A lim ale 20:11

Cinj kaaga, Moyiis a yoɗa o ɓay um soo a xaw ɓil le boo a caf a ƭak fo o loq ole ta pokoox’ina. Ndak fo ndak, foofi fo mayu a balta no ɓil le, too Ii-isra’el we a yera boo a nqeƴ, den fo cegel den itam.

YEGIL MBAAX NE YEESU ne Saŋ a bindtuuna 4:10

Yeesu a doonaan ee: «O and’angaa ci’it Roog, and itam oxe layoonga yee ‹Ci’aam um yer›, xeɗkoogaano wo fa xoox of, too yaaga a ci’koogaang foofi fo ñoow.»

Esayi 43:20

Muumeen a koƥ ke fo xa ƥox-a-koƥ axe fo a ba ake xan a niwaam, yaam ne um balinkaa foofi kam a koƥ-a-ƥor ale soo suqit xa quluɓ no fo mbiñ fo mbeeru koroŋ ne, ndax um ci xeet fee jiluuma da yer.

Kolos 2:17

Keene mbelyook no ke garna soom a reeƭu. O mem ole koy refu Kiristaa.

Mbeeñil 22:17

Yiif le Roog fo o Kulook oxe kaa layaa yee: «Gari!» Oxuu nanna kene fat a lay itam ee: «Gari!» Oxuu hoɗomeena fat a gar, a yer. Oxuu bugna foofi le na ñoownaa, fat a jangin! Ci’it oo!

Hebre 10:1

Kebil ke Moyiis kaa ndef mbelyook no paax ke na ngaraa. Ndefee nitaal tigi no tiindigil ke. Ten taxu, na pexey sadax leng kut ke na ƥoxoteel a Roog o hiid oo hiid, kebil ke mbaagee o tax muk we na mattiidaa a Roog neene a ñak sik.

A cangatin ale 9:21

Jangaam o nqeel onqe garit’ina bakaad fee nuun, doxin riw, duguñin, mokandin bo tee rip soo ɓax ndaw ke na ƈufnand alaa na fudoortiidaa no joong ole.

Galati 4:25

O Joong olaa Sinayi no saax laa Arabi refu Agaar. A nanda fa Yeerusaleem fee ndiiki refna no mbaƭ, ten fo xa ƥeem.

Dañel 2:38

A ɓoxota na xa ƥay of wiin we fo muumeen ke fo tiiƭ ke soo a ci’ong o maadoox took den fop fo muu da mbaagna o ndef. Wo refu boog xoox wurus le.

Mberaand 41:26

Naak ɓetuu ƭik kiñu ke, xa kiid ɓetaa ƭaq oo, xa yaƥ ɓetaa ƭaq xa mosu xe, a ndef xa kiid ɓetaa ƭaq. O ƭaaɗ o leng kut ole yoo rek.

Mberaand 40:12

Yoseef a layaan ee: «Keeke o ƭaaɗ ole wo a tektu: A naaq a tadak ake ñaal tadik oo.

Dañel 7:17

‹Ƥaanoor magnu nahik ke kaa tekit maad nahuk waa na mbeeñkaa took lanq ke.