1 Korint 10:28 - NQAARIIT NE ROOG

²⁸ Kaa koy, boo o kiin a layna a nuun ee: «Keeke de, kaa sadaxeena fangool oo», ba nu ñaamin, yaam ne ta maƭooxna a nuun keene fo ne yiif um a bugko siisooxaa.

1 Korint 10:28 Referans Kwoze

1 Korint 10:26

Ke no lanq ke fop, o Yaal oxe jegun, a jeg lanq ke itam, ne a Pind a Tedu ke a laytuuna.

1 Korint 8:7

O and oleene, fop njegiran. Kaa jeg waa o mer den a maadna o jengaa na xa ƥay pangool, da ñaamaa njuurax, a ƭeetan nen sadax tigi, too keene refa a panq a maak, yaam yiif den a neew doole boo waagee o ga a qool qac ne tige a saxitna.

O leetar ole Pool a bindna GIMU WE NGENNA ROM 14:15

Boo ɓisiidoona o kentand of coono yaam ñaamel kaa o ñaamaa, yaaga fesooratiro nen oxaa jegna o mbeq. Ten taxu ba o mo’noor o pog of yaam ke o ñaamaa, yaam Kiristaa a xonanaan itam.

A kim a tedu ke 115:16

Asamaan fee asamaan no Yaal oxe yoo, ndaa xa ƥiy Aadama a cooxu lanq ke.

A kim a tedu ke 24:1

A kim a tedu laa fogna na ke Dawid oo. O Yaal oxe jegu lanq ke fo ke refna teen fop, a jeg adna fee fo we ngenna teen,

A cangatin ale 10:14

O Yaal oxe Roog nuun jegu asamaan fee took-ee-took, a jeg lanq ke fo ke refna teen fop.

A sutax ale 9:29

Moyiis a doonaan ee: «Boo sutooxuuma teeru fee, xam yoɗ xa ƥay axe mi farna fo o Yaal oxe, xeɗin. Xan ƭuuɗ ke a ngeenoox, too xan a simid, ndax o and ee o Yaal oxe jegu lanq ke.

1 Korint 8:9

Kaa koy, fat nu mbootoox, yaam nu mbaree o lay ee nuun njegu a qoox nuun no Yaal oxe boo nu ndefat a panq na caf no we neewna doole no ngim onqe.