Neene boog, i anda ke refna o saɗar o Yaal oxe, too kaa i mbaaƭaa maa i njegitna wiin we. Roog koy, a anda a in, too yaakaaraam ee nuun fa qoox nuun kam a yiif nuun, nu anda ke i ndefna itam.
Kaa i njoor maana a pi a yememaar a sednooxu ke, too naanaxir leng refatee na in. I sufaalee fa lay fee Roog muk, ndaa kaa i yegnitaa ndigil ne, too mbaaƭaa naa wiin we fop a ngoolooritna a in mbaambir Roog.