1 Korint 10:23 - NQAARIIT NE ROOG

²³ Ndigil oo, «waagaam o fi kuu felaxama», kaa koy, fop faaxee na mi, kaam ee, fop a waage o fi, ndaa refee yee fop a waaga o geenin tig.

1 Korint 10:23 Referans Kwoze

1 Korint 6:12

Waagaam o fi kuu felaxama, kaa koy, fop faaxee na mi. Waagaam o fi kuu felaxama, ndaa jegee no keene fop kaa um farakooxkaa boo refat o paɗ um.

1 Korint 8:9

Kaa koy, fat nu mbootoox, yaam nu mbaree o lay ee nuun njegu a qoox nuun no Yaal oxe boo nu ndefat a panq na caf no we neewna doole no ngim onqe.

Efees 4:29

Ba nu lay ɗelem faaxeer leng! Layyo soom a ƭelem a cegu o njiriiñ akaa na ndimle’aa lakas we, da njof mbaambir no ngim onqe. A ƭelem a nandu neene kaa ƭaxaa soxla, too a mbi’anaa paax we na nan-gilooxaa a den.

1 Tesalonik 5:11

Yaaga boog, naangyo o saƭakinooxaa too njokraa ne nu ndaawna o mbi’aa.

O leetar ole Pool a bindna GIMU WE NGENNA ROM 14:15

Boo ɓisiidoona o kentand of coono yaam ñaamel kaa o ñaamaa, yaaga fesooratiro nen oxaa jegna o mbeq. Ten taxu ba o mo’noor o pog of yaam ke o ñaamaa, yaam Kiristaa a xonanaan itam.

1 Korint 14:17

Gidmaa tigi a Roog, ndaa dara teen jokee oxe dendtoona.

1 Korint 14:26

Yaaga koy, fog es, xar waru? Boo nu mbokatoorna, fat nu ƭofit kuu fi’eena a jok o ñoow no we mbokatoorna, oxuu jegna a kim a tedu mbaat kaa ta janginna mbaat mbeeñil naa ta bugeena o xaajir mbaat lak-yiif mbaat a lapatax, fat a inoox, a geenoox, ndax fop a jokteel o ñoow no gimu we.

1 Timote 1:4

Layi a den itam ee baa ŋereƥoox na nax mbaat da ñimatiraa fo njaangooƈ a ndetaa. Keene naagee o ataa dara a refangee ñimatir, too mbaagee o ngeenin calel ke na mbi’eel, ndax o ngim na Roog a jof mbaambir.

1 Korint 14:12

Yaaga koy, feek ke Yiif le Roog a ci’taa nu ngindaa, mbaaƭyo ke na jokaa mbokatax ne no gimu we fop.

1 Korint 8:1

Nu laamta itam kaa jofna no ke sadaxeena pangool ke. Ndigil oo, in fop, «oxuu refna na in a jega o and», ne ta layeel, ndaa o and oleene, no ga’atinax rek a ɓekaa a in. O mbeq kañ, na jokaa o kiin.

2 Korint 12:19

Kaa nu miñ o nqalaataa yee kaa i njofandataa a qoox in mbaambir nuun. Kaa koy, mbaambir Roog i laytaa keene fop na pexey Kiristaa, nuun qaariit ke ndalna na qeeñ in bo, kaa i mbug o njok a nuun kam o ngim onqe.