1 Korint 10:22 - NQAARIIT NE ROOG

²² Ndax kaa i mbug o umb naal ne Roog? Kaa i moƴin o njeg doole!

1 Korint 10:22 Referans Kwoze

A cangatin ale 32:21

A njumbandta naal ne mi ke refeerna Roog, a mbuuxnoortaam pangool koɓong ke den. Mi o mat oo, xam jumbandit naal den xeet faa refeerna xeet fa ndigil, fuuxnoorit a den xeet faa fofeerna o and o leng.

A cangatin ale 32:16

A njumbandta fuux le ten roog can ke, a mbuuxnoortin a pi a cednooxu.

Hebre 10:31

Ndaw sabab yaa o kiin a yenna na xa ƥay Roog fa ñoow jok fee!

Heseki’el 22:14

Ndax xan njambaar of a maadaa? Ndax xa ƥay of xan a saƭik a koom alaa um inooxankang? Mi o Yaal oxe layun too xam fadnin.

O baawaare xe 6:10

Ke jegna a xoyooge gon um yaaga boo a ƴut, too ke o kiin a refna a ande: Waagee doonatir fo xe Hupuuna doole.

Sofoni 1:18

Xaaliis den mbaat wurus den mbaagkee mucil a den, na bes fee no fuux le no Yaal oxe. Xan fiɗel le no naal ne ten a raaɓ adna fa muum, a saŋik a den ndak fo ndak.

Esayi 45:9

«Sabab took no xe refna o jalag a ndeer xa calag xa maxte ƭok, soo a saɗ o xasanaa oxe maxuuna! Ndax ƭok a naaga o layaa o maamax oxe yee: ‹Xar o fi’aa kene?› Ndax nqaw a naaga o layaa oxe maxuuna yee: ‹Wo cuune’u!›

A kim a tedu ke 78:58

A mbuuxnoortaan a ñaang a sadaxand ake den, a njumbandit naal um xa taaƴ axe da mbaɗooxoogna.

Ke bindeena no xe ne’eena YOB 9:4

Ten jegu o and, a may doole. An waagun o xox boo xawkaandee?

Yosuwe 24:19

Yosuwe a laya xeet fee yee: «Nu mbaagkee o mbaɗoox o Yaal oxe ne waritna, yaam kaa ref Roog fa tedu too a naal faa waasankeerna a nuun njofaƭar nuun fo pakaad nuun.

A cangatin ale 6:15

Nu mbi’angaan, xan fuux le no Yaal oxe a biltooxan a nuun soo ta moocand a nuun took lanq ke, yaam o Yaal oxe Roog nuun Roog fa naalu a refu a ndeer nuun.

A cangatin ale 4:24

yaam o Yaal oxe Roog nuun kaa ref fiɗel laa na raaɓaa, a ref Roog fa naalu.

A sutax ale 34:14

Nu ngungkee mbaambir roog fa lakas, yaam mi o Yaal oxe, gon es refu ‹o Naalu xe›, soo um ref Roog fa naalu itam.

A sutax ale 20:5

Gungkiro mbaambir den too faɗooxkiro a den, yaam mi o Yaal oxe Roog of, Roog fa naalu refum, faa na rabdinooxaa njofaƭar ne no paap ke took xa ƥiy den boo no suk ndadkandeer mbaat no nahkandeer naa no we sibaxama.

1 Maad we 14:22

Wiin we Yudaa a mbi’a kaa faaxeerna na kid no Yaal oxe. Neene, fo pakaad den a mbuuxnoorooga a Roog kupu ke daan den a mbi’’uuna.

Yeremi 7:19

Kaa koy, mi o Yaal oxe kaam laamtaa: Ndax mi a mbuuxnooraa? A qoox den kañ a mbi’aa, too gaci den a qicaa.»

Yeremi 44:8

A pi nuun kaa mbuuxnooraam! Kaa nu ndoxanaa cuuraay roog can ke no saax le Misira, me nu laqooxiidna, ndax nu mbañooxaa, ndef saloor fo niwaƭarel a ndeer qeet ke no lanq ke fop.