1 Korint 10:17 - NQAARIIT NE ROOG

¹⁷ In we na nqaajraa mbuuru ne, i maya, ndaa ne mbuuru ne a refna leng, in itam o leng i ndefu.

1 Korint 10:17 Referans Kwoze

O leetar ole Pool a bindna GIMU WE NGENNA ROM 12:5

Neene itam, in we mbogna na Kiristaa, ke i mayna may fop oo, njer leng kut i ndefu no mbokatoor ne in fa Kiristaa, too kaa i ngiɓoor a ndeer in nen a seek ake mbokatoorna, a ndef njer leng kut ne.

Kolos 3:15

Fat jam fee Kiristaa, nu nqoyteena, ndefik njer leng, a gar na qeeñ nuun, nu njeg o ngidim.

1 Korint 12:27

Neene nu ndeftu cer ke Kiristaa, oxuu refna a ref teen a seek.

1 Korint 12:12

Nen cer ke, neene we ngimna na Kiristaa a nandu: Njer leng kut ne yoo, ndaa kaa xaajoox, a ref kene xa ƥay, keeke nof, keeke a kid, fo lakas fo lakas…

Efees 4:25

Ten taxu, ngoƭatiryo fo o maaɓ. Fat oxuu refna a layaa o kend um ke refna ndigil, yaam in fop, in mbokatooru, mbog njer leng kut ne, oxuu refna a ref a seek no njer ne.

Efees 4:16

O ten fi’u boo a seek a pogreer ake no cer ke a mbaag o mbokatoor, soo cer ke fop a kiɓ a mbokat a den. Neene, boo a seek aluu refna a fi’na ke waruuna, xan cer ke a njokoox, soo a maak kam o mbeq.

Efees 4:4

Njer leng kut jegu fo Yiif Tedu leng kut. Neene nu nqoyte no yaakaar leng kut itam na pexey o xoy ole nuun.

Kolos 3:11

Jegatee njektir leng ndeer o Keegeres fo o Yaawuur mbaat ndeer o qucooxu fo o haat. Jegatee o yokooxeer, jegatee o kiin o naaku, jegatee o paɗ, jegatee jaambuur: Kiristaa kaa ref fop, a ref no fop.

Efees 3:6

Keeke refu kunpa feene: Na pexey Yegil mbaax ne, we ndefeerna Yaawuur a njega a las fo Yaawuur we no ke Roog a geekanna xeet um. A ndefata njer leng kut, soo a mbog, den itam na tegit a leng kut ale Roog a regitna na Kiristaa Yeesu.

Kolos 2:19

soo a fañ o reefan a Kiristaa fee refna xoox le saqna cer ke fop. Cer keene, o fog fo a kiɓ kaa mbokat a den, soo Roog a cooxaa a den kaa da maakitna na Kiristaa.

1 Korint 10:21

Nu mbaagee o mbog fo o Yaal oxe o kaas, soo mbogin fo cini ke. Kaam ee nu mbaagee o ndeer fo o Yaal oxe, soo ndeer fo cini ke.