1 Korint 10:16 - NQAARIIT NE ROOG

¹⁶ O kaas ole i mbarke’aa, ndax kaa naagee o fokataa a in fo fo’oy le Kiristaa? Kaam ee: Ndax mbuuru ne i nqustaa naagee o fokataa a in fo cer ke Kiristaa?

1 Korint 10:16 Referans Kwoze

A pi ake 2:42

Kaa ndamoogu a cangin ale no apootar we, a mbog o liir, a ndeeraa a cu’ax ale no Yaal oxe, soo a nqeɗaa.

1Saŋ 1:7

Kaa koy, i naangangaa o ñaaƴaa kam a qoolaand ale, ne ta refitna na qoolaand ale ten fa xoox um, leng i ndefu, too fo’oy le no Ƥeem Yeesu kaa ɓogaa a in na bakaad fuu refna.

Hebre 3:14

Mee ndax fog Kiristaa i ndefu, yaa i saaƭooxna boo no muukandoong naa na koolax ale i njeg’ina no mberaand naa.

A pi ake 2:46

Bes fuu refna, kaa mbokatooroogu no Mbind Roog ne, a mbogaa mbuuru ne kam pind ke, a ñaamaa fo o mbeq fo xeeñ yelefu,

1 Korint 1:9

Roog gor oo, ten fee fokatna a in fa Yeesu Kiristaa fee o Ƥeem, o Yaal in.

1Saŋ 1:3

Mexe dakooxan o lay a nuun ee: Ke i nga’na, nanin, i yegnaa a nuun, ndax nu mbog fa in, ne i mbogitna fa Faap fee, mbogit neen fa Yeesu Kiristaa fee refna o Ƥeem.

A pi ake 20:7

No kirand diiboor, i mbokatoor’a ndax i ndeer a cu’ax ale no Yaal oxe. Pool a jeetaayooga fo we maad’uuna fop kaa farna na fa lay fee Roog. Ne ta war’ina o suur no feet olaa koy, a layooga boo o yeng o njeek.

1 Korint 12:13

In fop, no Yiif leng kut le i mbatiise’e, ndax i mbog, ndefat njer leng kut na Kiristaa, ta ref o Yaawuur mbaat o tefee o Yaawuur, o paɗ mbaat jaambuur. In fop, no Yiif leng le i yerne.

A pi ake 20:11

Pool a ŋaayatina, a xusit mbuuru naa, a ñaam, soo a ref no layaa boo neen mbeet naa a xoolu. Cinj kaaga a reta.

YEGIL MBAAX NE YEESU ne Lik a bindtuuna 22:17

Yeesu a janga o kaas biiñ, a gidim a Roog, too a lay ee: «Njangyo, too nqaajrin!

1 Korint 10:15

Kaam bind a nuun keene, yaam and ee wiin jegu a yiif nu ndefu, yaaga koy ƥaalyo boo and ke um ne’aa.