1 Korint 10:14 - NQAARIIT NE ROOG

¹⁴ Fog es, ten taxu um layaa a nuun ee: Ƈufyo a cuurax.

1 Korint 10:14 Referans Kwoze

Mbeeñil 21:8

Kaa koy, kaa farna no wiin weeke: Saɗar we fo gore’aƭaru we fo we na mbi’aa cednooxu fo waawar we fo we na seeqaa fo fan we fo juujuur we fo maamaaɓ we fop, a las den na refkaa a mbeel fiɗel alaa no nqeen saasu kaa. Keene na refkaa fa nqon fa ƭikandeer fee.»

1Saŋ 5:21

Xa teɓandoong es, mbootooxyo o mbaɗoox ke refeerna Roog.

1 Piyeer 2:11

Nuun we fexuuma, ke nu ndefna ndef genar fo xa kataakoon fop oo, mexe maƭooxaa a nuun, nu mbootoox a yaaw cer a paaxeer ake na ñoxoraa fo o laaw ole.

Mbeeñil 22:15

Kaa koy, we na mbi’aa cednooxu fo fan we fo we na seeqaa fo waawar we fo juujuur we fo fop we mbexna o maaɓaa na fa lay fo na pi, o leng na den rokkee na teeru fee muk.

2 Korint 7:1

Nuun we fexuuma, tegit keene fop, in njegu a den. Ten taxu, fat i ƥogoox no fop ke na roɗgandaa cer in fo a yiif in. Fat i mbaaƭ o tedel, yaa i ñoowaa no fit a Roog.

2 Korint 6:17

Ten taxu o Yaal oxe a lay ee: «Nu mbara njangoox a den, soo nqaajoor fa den. Ba nu nduq dara kaa xoolaƭarna, too yaaga xam dalin a nuun.

Mbeeñil 13:8

We ngenna na adna fee fop xan a mbaɗooxin. Weene ndefu we a kon den a mbind’aandeena no safe le no ñoow ole, no kaa xotitna no mberaandoong adna. Safe leene koy, o Mbaal onqe war’eena jegun.

Mbeeñil 2:14

Kaa koy, a jega onqaa ɗomaxama na wo: Ten refu yee kaa o jeg meene wiin waa ndamooxna na cangin ale Balam. Kaa jangnoogu a Balak yaaga, ta sip a panq alaa na baɓaa Ii-isra’el we, a maafnooraa a den na bakaad yaa ta koocaa a den da ñaam a tegeƴ a sadaxte akaa ne’teena pangool, soo a seeqaa.

1 Korint 10:7

Ba nu ngeleeroox farna fo ke refeerna Roog nen leng-leng na den, ne ta bindteena yee: «Xeet faa a ndalfooxa o mbokatoor, a ñaamaa, a yeraa, soo a ndef na fa ŋas.»

2 Korint 11:11

Xar taxu a ƭelem akeene koy? Xeƈa boog yaam kaa fexiim a nuun oo? Roog a anda yee jegaam o mbeq na nuun tigi!

O leetar ole Pool a bindna GIMU WE NGENNA ROM 12:19

Qaariit es, ba nu ndabdinooxan a qoox nuun muk, ndaa nqaƴyo Roog a ɗaxit fuux um. Yaam a laye na Pind a Tedu ke yee: «Mi ndabdinax a helu, too mi na rabidkaa.» Keene o mat o Yaal oxe a layu.

Filip 4:1

Ten taxu koy, nuun fog es we fexuuma fex, nuun we sooɓaxama, ndef o ɗaay es fo o ndip es, koo saƭikyo no Yaal oxe, ngen na saƭik aleene.

2 Korint 12:15

Mi o mat, xam jaɓ o jiriiñoor ke jeguuma fop, too xam ɓoxot a nuun a xoox es yaam xa laaw nuun. Ndax ne fextuuma a nuun neene xan a tax o mbeq nuun fa mi a wañoox?

Filemon 1:1

Mi Pool fee jengeena yaam Kiristaa Yeesu fa Timote fee o pog in, na mbindang o leetar oleeke. Wo Filemon fee fexuuma fex, too ref o yoon in no calel ke,

2 Korint 12:19

Kaa nu miñ o nqalaataa yee kaa i njofandataa a qoox in mbaambir nuun. Kaa koy, mbaambir Roog i laytaa keene fop na pexey Kiristaa, nuun qaariit ke ndalna na qeeñ in bo, kaa i mbug o njok a nuun kam o ngim onqe.

A pi ake 15:20

Kaa koy, fat i mbind a den, da mbootoox ñaamel qoolaƭaru ke sadaxeena ke refeerna Roog, a mbaas ceeq, a mbootoox o ñaam med fo fo’oy itam.

1 Korint 5:11

Ke um bindataa refu nu ndiƈatoox we andoona yee kaa layaa yee no ngim onqe a ndefu, too a seeqaa, a mbuge, a njuuraa, a mbenaa lakas we, a ndef yeeyer say, a nguuɗaa. Ba nu ndeer fo kiin um o roon sax.

1 Korint 10:15

Kaam bind a nuun keene, yaam and ee wiin jegu a yiif nu ndefu, yaaga koy ƥaalyo boo and ke um ne’aa.

1 Korint 10:19

Kaam ee: Ndax njuurax mbaat mbangool a njega o njiriiñ?

Hebre 6:9

Kaa koy, nuun we fexuuma, kuu i laytaa layit neene fop oo, i njega a koolax tigi na nuun. I anda yee nuun we ndeefaa a ƭat a cofu le, refna ale na ɓisaa na muc ale.