1 Korint 10:13 - NQAARIIT NE ROOG

¹³ Nu ƭeetlooxkaand ƭeetlax naa o kiin a mosaandeena o ɗeetloox, too Roog fee refna gor xaƴkee a nuun, nu sipanel ƭeetlax naa hupna a nuun doole. Kaa xaƴaa nu ƭeetlooxel, ndaa a naaga o soƥaa ta jagand yaaga naa nu sutoorna teen, ndax nu ngatil ƭeetlax keene.

1 Korint 10:13 Referans Kwoze

2 Piyeer 2:9

O Yaal oxe a anda ne ta warna o muclit no ƭeetlax ke wiin we na ndeefan, soo wiin jofaƭaru we, ta geek a den, ndax da nqawel na bes faa na hate faa.

2 Timote 4:18

Xan o Yaal oxe a muclaam no pariƴ kuu ndefna, a muclaam ndax um rok no Maat um naa na asamaan. Yaasam ta ɓoxotel o ndam bo na moos boo moos. Amiini.

2 Tesalonik 3:3

O Yaal oxe gore’na, xan a saƭkand a nuun, soo a saytoox a nuun no paaxeer oxe.

Hebre 12:4

Yaam kam siiknoor ne nuun fa bakaad fee, nu maafrafulaand boo mbug o nqon.

1 Tesalonik 5:24

Oxe na xoyaa a nuun a gore’a, too xan a fadnin itam.

YEGIL MBAAX NE YEESU ne Lik a bindtuuna 22:46

Yeesu a laya a den ee: «Xar taxu nu ƭaanaa? Inooxyo too nqeɗ, ndax nu yenkee no mbog.»

Yeremi 29:11

Yaam mi o Yaal oxe andaam ke yuuɓanuuma a nuun. Jam yuuɓanum a nuun, yuuɓaniim a nuun paaxeer, ndax um ci a nuun muj fa mbaax fo yaakaar.

Dañel 3:17

Kaaga a jegangaa, Roog fee i ndagoo-xaa a waaga o mucil a in na fuur faa na kaƥaa jir-jir, too xan a mucil a in na xa ƥay of sax, wo o maad oxe.

A cangatin ale 7:9

Fat nu and boog ee o Yaal oxe Roog nuun soom refu Roog. Kaa gore too a gayaa ngiɓoor um fo o paaxel um boo no suk cuni-cuni no we mbexuuna, a ngayaa kebil um.

2 Korint 1:10

Roog feene o mat refu oxe wat’ina a in na fa nqon feene, too xan a watahin a in. Ii, i njega yaakaar neene yee xan a watahin a in.

Mbeeñil 3:10

Yaam ne gayoona ke layuuma no kaa farna no saƭkel, ten taxu mi itam oo xam gaynaakong na jamaane fee Roog a toroxandkaa adna fee fop, ndax ta ɗeetloox we ngenna no lanq ke fop.

A ƭomatax ake 3:23

Kaa da ndakooxaa qas nqes nuu refna too ngor um kaa magin.

Mbeeñil 2:10

Ba o diid no ke o ñagadilkeel. Nan-gilooxi: Xan o ƈiƴ oxe a ɗeetloox a nuun. Xan a ɓek leng-leng na nuun kam kaso, too xan nu toroxandel boo ñaal xarɓaxay. Fat o gore boog boo na fa nqon, too xam cooxong o ñoow ole, ta ref o ndip of.

1 Piyeer 4:19

Neene, fat we na coono’aa yaam o bug ole Roog, a ƥoxot xa laaw den o Piibind o kore’u xe, yaa da mbi’aa paax.

1Saŋ 1:9

I mbeejlangaa pakaad in, Roog a gore’a, too a jofa boo a waasanaa a in pakaad ke in, a xoolandaa a in no njofaƭar nuu refna.

1 Korint 1:9

Roog gor oo, ten fee fokatna a in fa Yeesu Kiristaa fee o Ƥeem, o Yaal in.

Hebre 11:11

O ngim o mat tax’u Saara a refat yaay, ke ta faaf’ina fa ndim fop oo. Kaa koy, a woor’aan ee xan Roog a fadin a tegit um.

Hebre 10:23

Yaakaar ne i layaa yee i njegaan, fat i ndamin ta saƭik boog, yaam a woora yee xan Roog a fadin ke ta regitna.

YEGIL MBAAX NE YEESU ne Lik a bindtuuna 11:4

Waasani a in pakaad in, yaam kaa i mbaasanaa we tooñna a in. Ba o waas a in, i ndok no mbog!»

A kim a tedu ke 125:3

Kañaan maadooxkee boo cay no saax le no jofu we, ndax xa ƥay no jofu we mbi’kee paaxeer.

Hebre 6:18

A jega boog a pi a ƭak akaa mbaagaandeena o supit, too na pi akeene Roog waagee o maaɓ teen muk. Neene, in we njegna ndaɗand no ten, kaa i saƭakineel tigi, ndax i pok ta xiis yaakaar ne i ndegeena.

A kim a tedu ke 124:7

I ƥostooxa nen ndiiƭ naa ɓostoorna no mbip no poofog tiiƭ. Mbip ne a ɗega, soo i ƥostoox.

Esayi 11:5

O cofel na refkaa a maaƭ um, soo ndigil a ref o kumnoor ndet um.

A kim a tedu ke 89:33

xam inooxan a den fo o cap, ndax um xaw nanaƭar den, fad a den yaam tooñ den.

A sutax ale 3:17

Kaam ee xam sut a nuun Misira, me nu nqijtaa, soo ɓek a nuun kam saax le Kaakanaan we fo Heeheet we fo Aa-amori we fo Peeperisi we fo Hiihiwi we fo Yeeyebus we a ngenna, maa fo sis fo suum a ndaxritaa.›

Mbeeñil 19:11

Cinj kaaga, ga’aam asamaan fee a wetoox, too pis bari a feeña. Oxe ŋaay’uuna koy Gor fo Ndigil a ne’e. O cofel a hate’taa, a maafriteel o ten.

Hoose 2:20

A koom, xam dalnan a den ngiɓoor fo muumeen-a-koƥ ke fo tiiƭ ke fo ƥood ke no lanq ke. Xam ɓol kam saax le a qali le fo laƥ ne, ndax xire jibkatee, soo fi da ngen no yaadax.

Esayi 25:1

O Yaal oxe, wo refu Roog es. Xam simatang, xaanaa gon of, yaam comlaand ke fi’oona. Yuuƥ ke wo yaaga kaa mboor, a saƭik.

YEGIL MBAAX NE YEESU ne Lik a bindtuuna 16:26

A refee keene sax oo, ndeer me i ndefna fo me nu ndefna a jega gamb maak, ndax we mbugna o inoorit mene a ngar me nuun mbaagkiran o mbi, too nuun itam oo nu mbaagkiran.›

Yeremi 12:5

O Yaal oxe kaa tee: «Wo Yeremi, a soƥangaa yee kaa o ƴufaa fo yaal a caf, soo da nqijlandong, nam o daƭatiritkaa fo pis? A soƥangaa yee no saax jam doŋ o yaadooraa, xar o fi’kaa, yaa rokoona kam suungaan le Yordaan?

Esayi 49:7

Keeke o Yaal oxe refna o baawat oxe fo o Tedu xe Isra’el a layu oxe o ñoow um a sibeena, too wiin we a sibdin, a ref o paɗ no yaal toole ke: «Xan maad we a nga’in too xan a inoox, xan gelwaar we a ngung mbaambir um, yaa da ƈookkan. Neene, xan a lalit ee a niwa o Yaal oxe gore’na, a ref o Tedu xe Isra’el jiloonga.»

A pi ake 27:44

A layahina waa yoq’ina da ndeefan a den. A qanq ake fo ƥolooxatin ke na kaal ale ndeeƭu caɓnoor den. Neene, fop a ndaawtu jeeri fee. O leng na den kasaara’ooxee, too tus ŋoloƴ’ee teen o leng.

A kim a tedu ke 36:5

Yuuƥ mbaaxeer um, no njong um a waajtan, a reefaa a ƭat a cageer ale, a fañ o waas paaxeer.

Mace 6:13

too ba o waas a in, i ndok no mbog, ndaa mucli a in no paaxeer oxe. [Yaam wo jegu maat fa katil fo o ndam bo na moos boo moos. Amiini.]›

1 Sami’el 29:10

Waraa o inoox boog o feet ƥiiɓ teel, wo fo dag we no yaal mbind of Sawul yooniidna fa wo, nu ndet no mbiñ onqe cooxuuma a nuun, too ba o ɗomatooxin no xeeñ of muk, yaam felaxamo. Boo a kid a nqoolaa, fat nu inoox ndet.»