1 Korint 10:11 - NQAARIIT NE ROOG

¹¹ Refee nu nga’aan! Keene fop xewna kaa ref o ɗeendoor, a bindel ndax ta ref maƭax na in, in weeke ndefna no cat o ñoow adna.

1 Korint 10:11 Referans Kwoze

O leetar ole Pool a bindna GIMU WE NGENNA ROM 15:4

Ke i soƥna kam a Pind a Tedu ke fop kaa mbind’el yaaga, ndax ta jangin a in o muñ, a ci a in a yaalax. Neene, xan i njeg yaakaar na pexey a Pind a Tedu ke.

O leetar ole Pool a bindna GIMU WE NGENNA ROM 13:11

Mbi’yo neene boog, too kaa jolna keene sax, nu anda me jamaane fee a tolooxna. Waxtu fee nu mbarna o yokoox a fadiida. A muc ale a moƴa o matiid a in ndiiki ee ne i ngimit’uuna yaaga.

1Saŋ 2:18

Xa teɓandoong es, waxtu fa mbalakaand fee yoo. Ne nu nanitna yee o Mbodandoor-Kiristaa xe garaa, a jega ndiiki sax fo Mbodandoor-Kiristaa fo mayu. No keene i andtu yee waxtu fa mbalakaand fee a fadiida.

1 Korint 9:10

ndi a xalaata a in itam? In o mat taxu, ta lay ee oxe daarna a xooxaa, yaakaar a waru o xooxit, oxe na sugaa a sugit yaakaar ee xan a jeg teen.

Filip 4:5

Fat wiin we fop a and o lewet nuun. O Yaal oxe a matiida!

O leetar ole Pool a bindna GIMU WE NGENNA ROM 4:23

Refee yee Abraham soom jegu a Pind ake layna yee: «Roog a ɗeetaan nen o cofu»,

Hebre 10:25

Ba i ñak o mbokatooraa fo we ngimna, ne leng-leng a meruuna o mbi’taa. Kaa i mbar o saƭakinraa a ndeer in kañ, moƴin o mbi’aa, yaam ne nu nga’oodna bes fee no Yaal oxe ta matiidaa.

Hebre 10:37

yaam a Pind a Tedu ke a laya yee: «Ndeer mene fo a pe a miñeer, oxe warna o gar xan a gar, too gulooxkee muk.

1 Korint 7:29

Keeke rek bugum o lay: Jamaane fee miñatee dara, ten taxu fat we njegna rew, a ñoowit nen jegee rew,

A kim a tedu ke 102:18

Xan a nan-giloox a qeƭ no we njegeerna o ndus, sibidkee a qeƭ den.

Heseki’el 5:15

Xan o ref o mbiñ onqaa niwaƭareena, soo a weneel, o njapil o ƭeetoor fo kaa na diidlandaa na saax ake mbidoonga, yaa um fadinkaa took of kate es fo fuux ɗomu es fo a qaw akaa yoonna fo ngañak. Mi o Yaal oxe layun.

Mace 13:39

O pañ oxe duufuuna refu o ƈiƴ oxe, a saxad ale refu paangandoong adna. Saasaxad we koy ndefu malaaka ke.

Mace 13:40

Ne puulaand ke a ƈasitkeel, a ndeɓel kam fiɗel, naaga a refitkaa no paangandoong naa itam.

O leetar ole Pool a bindna GIMU WE NGENNA ROM 13:12

O yeng ole xe faafaa, too mbeet ne xey a leeliidaa. Fat i mbaas boog a pi a niɓaanu ke, too nqot ƥonax ke Roog a cooxna a in, ndax i ñoow na qoolaand ale.

1 Korint 10:6

O nanangaa keene a xew, in o mat taxun, ndax i njegkee a yuxum a paaxeer nen a den.

Galati 4:24

Ii, keene koy o horooxangaan a paax, tig ƭik a tektu, yaam rew weene, kiɓoor ƭik oo. O leng oxe, xa ƥeem a ndimeena kam mbaƭ refu Agaar, too ten fa xoox um kaa ref nen o Joong olaa Sinayi.

Mberaand 19:35

No yeng olaaga, a yernahina a faap den biiñ, soo o ndeɓ onqe a ret ndax ta wondook fo ten. Faap fee yeg’ee ye oxeene a wondooxiidna fo ten ne’atiim ye ta inooxaa.