1 Korint 10:1 - NQAARIIT NE ROOG

¹ Fog we, bugiim nu mbeecit ee a jeg’a jamaane, daan in fop a ndeefanaa eel laa, a njoot o maag olaa,

1 Korint 10:1 Referans Kwoze

A sutax ale 14:29

Ii-isra’el we o mat, a nqaaña o maag olaa, a ndak took beeru, poofi ke a ndef nen tabax sipe na ñamaak den fo na janoon den.

A kim a tedu ke 105:39

O Yaal oxe kaa saytoortoogu a den eel, aal fiɗel a xoolandanaa a den o yeng ole.

Hebre 11:29

O ngim tax’u Ii-isra’el we a nqaañ, a ñaaƴaa kam o Maag o yeeq olaa, nand’atna nen lanq beeru. Miimisira we yoo a ndeta a njeemik, a mek den fop.

1 Korint 14:38

A jaɓangiran koy, baa a ƭat no leng a yong no ten.

A kim a tedu ke 78:53

A ɗoxa a den fo o woor boo ndiid’ee dara, soo o maag ole a muur fañ we den.

A kim a tedu ke 66:6

A weerna o maag ole, o xuluɓ ole a xaañel fo o jaf. No keene o mat i mbelakinoortu no ten.

Nehemi 9:19

Wo o mat, kam yirmande fa maak fee wo, waasiro a den kam a koƥ-a-ƥor alaa. Eel fo suun le riƈatooxee a den no ñaal ne, ndax ta ɗox a den na ƭat ale, ne’atiim aal fiɗel le no yeng ole, ndax ta xoolandan a den a ƭat den.

Yosuwe 4:23

O Yaal oxe Roog nuun kaa xaaj’u poofi ke Yordaan mbaambir nuun boo neen nuun fop nu nqaañun, ne ta fi’it’uuna na Kal alaa no xeet laa ta xaaj’ina mbaambir in boo neen i nqaañun.

A cangatin ale 1:33

fee ñaaƴoogna mbaambir nuun na ƭat ale, ndax ta waaƭan a nuun maa nu ndalna. No yeng ole aal fiɗel a fi’oogu, soo no ñaal ne ta fi eel, ndax ta lal a nuun a ƭat ale nu mbarna o ndeef.

A lim ale 33:8

A inoora Pii-Haxirot, a nqaañ o maag ole soo a njagin farna fa koƥ-a-ƥor alaa. A ñaaƴa ñaal tadik kam a koƥ-a-ƥor ale Eetam soo a ndalik Maara.

A lim ale 14:14

A layaan we ngenna no saax lene, too den oo a anda yee wo o Yaal oxe, woxey a ndeer xeet of. A anda itam ee kaa o feeñooxaa a den jaxrañ, yooroox a den fo eel of, ñaaƴaa mbaambir den no ñaal ne kam eel le, soo no yeng ole kam aal fiɗel le.

A sutax ale 40:34

Maaga, eel laa a muura Ƭiif ne o Yaal oxe a xetteel, too o ndam onqe no Yaal oxe a mayƭanda Ngenand tedu ne boo Moyiis waagee o rok taaga.

1 Korint 12:1

Fog es, bugiim dara a mo a nuun no ke Yiif le Roog a ci’taa.

O leetar ole Pool a bindna GIMU WE NGENNA ROM 4:11

Cinj ye ta gimna boo a ƴut, a daawa nquc ne nen o ñaas. Kaa reeƭu o anddiloor no cofel ole ta daawit’ina na pexey o ngim um yaaga xucooxafulee. Abraham reeƭatu o taan no we nqucooxeerna fop, too a ngim na Roog, ndax da ƭeetel nen jofu.

Galati 3:29

Kiristaa a jegangaa a nuun koy, xa taan Abraham nu ndefu, too yaaga xan nu lam ke Abraham a regeena.

O leetar ole Pool a bindna GIMU WE NGENNA ROM 11:21

yaam boo Roog a wuuseerna Yaawuur we ndefna a naaq ŋaƈit ake, yaaga wuuskirang wo o mat oo.

YEGIL MBAAX NE YEESU ne Saŋ a bindtuuna 4:20

In Saasamari koy, daan in no joong olene a mbaɗoortoogu a Roog, ndaa nuun Yaawuur o mat, kaa nu layaa yee Yeerusaleem wiin we a mbaru o mbaɗoortaa.»

O leetar ole Pool a bindna GIMU WE NGENNA ROM 1:13

Fog es, bugaam nu and ee kaam hebooxaa o xalatooxiid a nuun kili, ndax calel es a nqay me nuun, ne da nqayitna a ndeer qeet lakas ke, ndaa boo xaye, kaam maad o dikoox.