1 Korint 1:9 - NQAARIIT NE ROOG

⁹ Roog gor oo, ten fee fokatna a in fa Yeesu Kiristaa fee o Ƥeem, o Yaal in.

1 Korint 1:9 Referans Kwoze

2 Tesalonik 3:3

O Yaal oxe gore’na, xan a saƭkand a nuun, soo a saytoox a nuun no paaxeer oxe.

Hebre 10:23

Yaakaar ne i layaa yee i njegaan, fat i ndamin ta saƭik boog, yaam a woora yee xan Roog a fadin ke ta regitna.

A cangatin ale 7:9

Fat nu and boog ee o Yaal oxe Roog nuun soom refu Roog. Kaa gore too a gayaa ngiɓoor um fo o paaxel um boo no suk cuni-cuni no we mbexuuna, a ngayaa kebil um.

1Saŋ 1:3

Mexe dakooxan o lay a nuun ee: Ke i nga’na, nanin, i yegnaa a nuun, ndax nu mbog fa in, ne i mbogitna fa Faap fee, mbogit neen fa Yeesu Kiristaa fee refna o Ƥeem.

1 Korint 10:13

Nu ƭeetlooxkaand ƭeetlax naa o kiin a mosaandeena o ɗeetloox, too Roog fee refna gor xaƴkee a nuun, nu sipanel ƭeetlax naa hupna a nuun doole. Kaa xaƴaa nu ƭeetlooxel, ndaa a naaga o soƥaa ta jagand yaaga naa nu sutoorna teen, ndax nu ngatil ƭeetlax keene.

Esayi 49:7

Keeke o Yaal oxe refna o baawat oxe fo o Tedu xe Isra’el a layu oxe o ñoow um a sibeena, too wiin we a sibdin, a ref o paɗ no yaal toole ke: «Xan maad we a nga’in too xan a inoox, xan gelwaar we a ngung mbaambir um, yaa da ƈookkan. Neene, xan a lalit ee a niwa o Yaal oxe gore’na, a ref o Tedu xe Isra’el jiloonga.»

O leetar ole Pool a bindna GIMU WE NGENNA ROM 8:28

I anda yee Roog kaa jalaa no ke na xewaa no ñoow no we mbexuuna fo no we ta xoyna no yuuƥ um fop, ndax ta rim o njiriiñ na den.

A cangatin ale 32:4

Ten refu ɓil le. A pi ake ten njegee sik. A ƭat ake ten fop kaa njof. Kaa ref Roog fa ngore’u faa fi’keerna njofaƭar. Kaa jof soo a woor.

Mbeeñil 19:11

Cinj kaaga, ga’aam asamaan fee a wetoox, too pis bari a feeña. Oxe ŋaay’uuna koy Gor fo Ndigil a ne’e. O cofel a hate’taa, a maafriteel o ten.

1Saŋ 1:7

Kaa koy, i naangangaa o ñaaƴaa kam a qoolaand ale, ne ta refitna na qoolaand ale ten fa xoox um, leng i ndefu, too fo’oy le no Ƥeem Yeesu kaa ɓogaa a in na bakaad fuu refna.

A kim a tedu ke 100:5

yaam o Yaal oxe a faaxa. O mbeq um xan a maadaa boo faw, too ngor um xan a ref no suk boo no suk.

A lim ale 23:19

Roog refee o kiin boo a maaɓaa, refee o ƥiy Aadama boo a jegaa o ndicax. Ndax fi’kee ke ta layna? Ke ta regitna, xan a fadnin.

2 Korint 1:18

Ne Roog a gore’na koy, ten taxu, a tegit ake nu ndaawitna na in ndefandoor’ee «ii» fa «ha’aa».

1 Piyeer 5:10

Roog fee mayna yirmande, xoyu a nuun na Kiristaa, ndax nu mbog no ndam o mbagkeer onqe ten. Roog fa xoox um xan a fap a nuun na Kiristaa, a cinj yaa nu coono’na o ndik, a saƭkand a nuun, a ci a nuun doole, a fi a nuun bo nu mbaagkee o yen.

1Saŋ 4:13

Mene i anditkaa yee i ngena no ten, ta gen na in: A ci’a a in Yiif um.

Hebre 11:11

O ngim o mat tax’u Saara a refat yaay, ke ta faaf’ina fa ndim fop oo. Kaa koy, a woor’aan ee xan Roog a fadin a tegit um.

O leetar ole Pool a bindna GIMU WE NGENNA ROM 9:24

Yaam in ndefu we ta xoyna, refee soom a ndeer no Yaawuur we ndaa a ndeer no qeet lakas ke itam.

O leetar ole Pool a bindna GIMU WE NGENNA ROM 8:30

We Roog a jil’ina yaaga koy, a xoya a den, soo we ta xoyna, ta jofand a den, we ta jofandna, ta ci a den a las no ndam onqe ten.

Esayi 25:1

O Yaal oxe, wo refu Roog es. Xam simatang, xaanaa gon of, yaam comlaand ke fi’oona. Yuuƥ ke wo yaaga kaa mboor, a saƭik.

Galati 2:20

Refatee yee mi na ñoowaa, ndaa Kiristaa na ñoowaa na mi. Kaam ee um naagangaa o xuƥaa ndiiki sax oo, no ngim no Ƥeenqe Roog um ñoowaa, ten fee fexaxama boo a ɓoxot o ñis um yaam mi.

Hebre 3:14

Mee ndax fog Kiristaa i ndefu, yaa i saaƭooxna boo no muukandoong naa na koolax ale i njeg’ina no mberaand naa.

2 Tesalonik 2:14

O xoy ole o Yaal oxe a xoyna a nuun na pexey Yegil mbaax ne in kaa tekit ee: Ngaryo njeg a las nuun no ndam onqe no Yaal in Yeesu Kiristaa.

YEGIL MBAAX NE YEESU ne Saŋ a bindtuuna 17:21

ndax den fop da ndef o leng. Faap, ne reftoona na mi, um ref na wo, kaam xeɗaa da ndefit neen na in itam, ndax adna fee a mbaag o ngim ee wo luliidaxam.

Esayi 11:5

O cofel na refkaa a maaƭ um, soo ndigil a ref o kumnoor ndet um.

Tiit 1:2

a njeg yaakaar ne no ñoow o fagkeer ole regteena yaaga jamaane jegafulee. Roog fee naageerna o maaɓaa regtun.

Efees 3:6

Keeke refu kunpa feene: Na pexey Yegil mbaax ne, we ndefeerna Yaawuur a njega a las fo Yaawuur we no ke Roog a geekanna xeet um. A ndefata njer leng kut, soo a mbog, den itam na tegit a leng kut ale Roog a regitna na Kiristaa Yeesu.

Hebre 6:18

A jega boog a pi a ƭak akaa mbaagaandeena o supit, too na pi akeene Roog waagee o maaɓ teen muk. Neene, in we njegna ndaɗand no ten, kaa i saƭakineel tigi, ndax i pok ta xiis yaakaar ne i ndegeena.

Hebre 3:1

Ten taxu, nuun o fog ole no tedu we, nuun we Roog a xoyna, ƭeetyo na Yeesu fee Roog a luliidna, ndax ta ref o saasadax o maak no ngim onqe i mbeejlaa.

Hebre 2:17

Ten taxu a wara o nandat fo xa teɓ um, ndax ta ref o saasadax o maak den o kore’u, a may fo o paaxel no calel um paam Roog. Kaa fi’in, ndax ta ñuf a qaw ale na xeet fee yaam pakaad den.

2 Timote 1:9

Roog feene muclu a in, a xoy a in ndax i ted, refee koy ee a pi in a njarin. Kaa yuuɓ’un yaaga jamaane jegafulee. Keene koy, kaa inoor na yirmande fee i ndaawitna na Kiristaa Yeesu.

Mace 24:35

Xan asamaan fo lanq a mbaaf, ndaa fa lay es faafkee boo muk.»

Galati 1:15

Ye ta felna oxe kes’axama yaaga rimafulaandeem, too a xoytaam yirmande um,

1 Korint 10:16

O kaas ole i mbarke’aa, ndax kaa naagee o fokataa a in fo fo’oy le Kiristaa? Kaam ee: Ndax mbuuru ne i nqustaa naagee o fokataa a in fo cer ke Kiristaa?

1 Korint 1:30

O ten doonu a nuun na Kiristaa Yeesu. Kaa Roog a fi a Kiristaa ta ref na in o jeg-yiif fo o cofel fo o tedel fo a bateer,

O leetar ole Pool a bindna GIMU WE NGENNA ROM 11:17

Xeet fee Isra’el kaa nand fo ndaxar oliiw nduufe, a naaq a leng a leng a ƭegel teen. Wo fee refeerna o Yaawuur koy, kaa o nand nen a naaq ndaxar oliiw malu, soo dugandel na seek na naaq a ƭege keene. Ndiiki koy, woxe jiriiñooraa a paƴ ale na ñoownaa ndaxar oliiw nduufe ne.

1 Tesalonik 2:12

Nu yaale, saƭakinel, njangnel, ndax nu mbaag o ndeef a Roog ne ta bugtuuna, ten fee na xoyaa a nuun kam maat um fo no ndam um.

Kolos 1:24

Jegaam o mbelakinax lool no coono ke um coono’aa yaam nuun. Keene koy, kaa ref kaa um ɓaataa no coono ke Kiristaa no cer es, fadnanan o fog ole no gimu we, refna ref cer ke Kiristaa.

2 Timote 2:13

I ngayangee ngor in, xan a gayan, yaam waagee o xañ a xoox um.