1 Korint 1:8 - NQAARIIT NE ROOG

⁸ A woora yee xan a fap a nuun, ndax nu ñak sik na bes faa o Yaal in Yeesu Kiristaa a nomtooxiidkaa.

1 Korint 1:8 Referans Kwoze

1 Tesalonik 3:13

Yaasam ta saƭkand a qeeñ nuun kam o tedel o jegee ŋañel leng paam Roog Faap in, boo yaa o Yaal in Yeesu a garkaa, a yoon fo tedu we ten fop.

Kolos 1:22

Ndiiki koy, Roog a jofooranda a nuun fa xoox um na pexey fa nqon Kiristaa no cer um, ndax ta geenin a nuun mbaambir um, nu ted, nqool, ñak ŋañel.

Filip 1:6

A wooraxam ee oxe ferna na nuun paax keene, xan a fadnin boo na bes faa Kiristaa Yeesu a nomtooxiidkaa.

2 Tesalonik 3:3

O Yaal oxe gore’na, xan a saƭkand a nuun, soo a saytoox a nuun no paaxeer oxe.

Efees 5:27

yaam kaa bug’u o feeñil mbaambir um o fog ole no gimu we kam o mosel um fop, a bug ta xool, a ñak sik, too jegkee gak leng.

O leetar ole Pool a bindna GIMU WE NGENNA ROM 16:25

Fat i simat a Roog boog! O ten jegu sañ-sañ faa ta saƭkinitna a nuun kam o ngim onqe na pexey Yegil mbaax ne um yegnitaa. Yegil mbaax neene um waare’aa koy, kaa jagin na Yeesu Kiristaa. Roog a feeñla a in yuuƥ kunpa’u ne ten ɗasin’eena yaaga.

1 Piyeer 5:10

Roog fee mayna yirmande, xoyu a nuun na Kiristaa, ndax nu mbog no ndam o mbagkeer onqe ten. Roog fa xoox um xan a fap a nuun na Kiristaa, a cinj yaa nu coono’na o ndik, a saƭkand a nuun, a ci a nuun doole, a fi a nuun bo nu mbaagkee o yen.

Filip 1:10

ndax nu mbaag o njekit ke moƴna. Yaaga xan nu njeg o ñoow o xoolu, ñak ƥanjel boo na bes faa Kiristaa a nomtooxiidkaa.

2 Piyeer 3:14

Nuun we fexuuma, ten taxu, ne nu cungaa bes feene, ngoorgoorlooxyo ndax nu nqool, ñak sik mbaambir Roog, ndef na jam fo ten.

O leetar ole Pool a bindna GIMU WE NGENNA ROM 14:4

An refo boo hate’aa o tag no lakas? Mee ndax a jofa a jofeer, a ƭat no yaal mbind um oo. Too sax xan oxeene a jof, yaam o Yaal oxe a jega doole faa ta geenooruuna.

A kim a tedu ke 37:28

yaam ke xotna a ƭat rek o Yaal oxe a bugu, too waaskee we ndamooxna no ten muk. Fiifi paaxeer we xan a moocandel, o fog ole no soxodu we a saŋkel.

2 Piyeer 3:10

Bes fee no Yaal oxe xan a gar nen o kuuɗ oxaa na ɓeedaa. Na bes feene, xan asamaan fee a ñuf, a yoon fo fangax maak. Ke Roog a fokatna fop, xan a sooynel na fiɗel fa saasu, too lanq ke fo ke refna teen fop, xan a yaqel.

2 Korint 1:21

Roog fa xoox um o mat na saƭkandaa a in fa nuun na Kiristaa, soo a dod a in.

A kim a tedu ke 37:17

yaam doole fee no soxodu we xan a fagɗel tak, jofu we o mat, o Yaal oxe a damit a den.

2 Korint 1:14

Ndiiki koy, o ndik soom nu andafulu no keene, ndaa no ñaal naa o Yaal oxe Yeesu a nomtooxiidkaa, xan nu mbi a in kañoor nuun ne i mbi’itna a nuun kañoor in.

1 Korint 5:5

fat oxe fi’na keene a deɓel na xa ƥay Saytaane, cer um a saŋkoox ndax o laaw um a muc no ñaal naa o Yaal oxe a nomtooxiidkaa.

YEGIL MBAAX NE YEESU ne Lik a bindtuuna 17:24

Yaam ne o hiiñaand a fiisoortaa fo ne ta meleƈtaa na asamaan, a xotit no saax boo no saax o lakas, neene o mat a refitkaa no Ƥeenqe no kiin oxe a koom.

YEGIL MBAAX NE YEESU ne Lik a bindtuuna 17:30

Neene o mat a refitkaa na bes faa o Ƥeenqe no kiin oxe a feeñkaa.

O leetar ole Pool a bindna GIMU WE NGENNA ROM 8:19

Ke Roog a sakna fop a taya o nga yaa Roog a feeñilkaa xa ƥeem kam o ndam den.

1 Korint 3:13

Fat nu yeg fo and koy ee xan ke o kiin oo kiin a maxitna a feeñlel no ñaal naa na hate faa. A koom xan a jeg fiɗel, too fiɗel laaga na siɗkaa a pi no kiin oo kiin.

2 Korint 1:13

I naangee o mbindaa a nuun lakas kaa refeerna ke nu njangaa fo ke nu mbaagna o and. Kaam yaakaaraa yee xan nu anddiloox keene a paax.

Kolos 2:7

Saxyo no ten, ndamoox no ten, o ngim onqe a fapit a nuun doole, ne nu njangnit’eena o ten, too ngen no ngidman.

1 Tesalonik 5:2

Yaam nu andooda xil ee bes fee o Yaal oxe a garkaa, xan a nand nen o kuuɗ o inooxu kam o yeng.

2 Timote 1:12

Ten taxu, um refat no ƭomu ndiiki, ndaa koy sediim teen dara, yaam andaam no xe sinjuuma o ngim es, too a wooraxam ee o ten waagu o xoxit ke ta doxnaxama boo na bes fa mbalakaand faa.

2 Timote 1:18

Koo yaasam o Yaal oxe a fi ta daaw yirmande Roog na bes fa mbalakaand faa. O leng moƴirang o and ne ta dimle’taxama ye um refaa Efees.