1 Korint 1:4 - NQAARIIT NE ROOG

⁴ Kaam gidmaa a Roog o Yaal es ñaal fo o yeng yaam yirmande fee ta ci’na a nuun na Kiristaa Yeesu.

1 Korint 1:4 Referans Kwoze

O leetar ole Pool a bindna GIMU WE NGENNA ROM 1:8

Eetu, na pexey Yeesu Kiristaa, kaam gidmaa a Roog es yaam nuun fop, no ngim nuun onqe na layteel kam adna fee fop.

YEGIL MBAAX NE YEESU ne Saŋ a bindtuuna 14:26

Kaa koy, boo o Yaayaal oxe, refna ref Yiif Tedu le Faap fee a luliidkaa no gon es a garna, xan a jangin a nuun fop, a wetand a nuun fop ke layuuma a nuun.

1 Timote 1:14

Yirmande fee no Yaal oxe a moƴa o siw koy, too daawaam o ngim onqe fo o mbeq onqe ndefna na Kiristaa Yeesu.

O leetar ole Pool a bindna GIMU WE NGENNA ROM 6:17

Kaa koy, fat Roog a ɓoxotel o ngidim! Nuun we ndeeƭna faɗ bakaad, ndiiki nu nanana fo xeeñ letu lalgand ne refna kam a cangin ale nu ndaawneena.

YEGIL MBAAX NE YEESU ne Saŋ a bindtuuna 15:26

Boo o Yaayaal oxe um luliidkaa me nuun, yaa retuuma maa na Faap faa a garna, xan a lalit oxe refuuma. O Yaayaal oxeene refu Yiif le saqna ndigil ne, too na Faap fee a hatu.

YEGIL MBAAX NE YEESU ne Saŋ a bindtuuna 14:16

Mi koy, xam xeɗ a Faap fee, ta ci a nuun o Yaayaal oxaa na refkaa fa nuun boo faw.

1 Korint 1:3

Yaasam Roog Faap in fo o Yaal oxe Yeesu Kiristaa a ci a nuun yirmande fa jam.

A pi ake 11:23

Yaa ta fadiidna, boo a ga ne Roog a barke’itna gimu we, a felakinooxa. Maaga, a maƭooxa a den den fop, ndax da ndamoox no Yaal oxe fo xeeñ tigi.

YEGIL MBAAX NE YEESU ne Saŋ a bindtuuna 14:14

Nu nqeɗangaa tig no gon es, xam fi’anin a nuun.»

YEGIL MBAAX NE YEESU ne Saŋ a bindtuuna 10:30

Mi fa Faap fee o leng i ndefu.»

A pi ake 21:20

Ye da nanna kaaga, a simata a Roog. Cinj kaaga, a laya a Pool ee: «O pog in, ga’aa gimu cuni-cuni we inoorna na ƭat ale no Yaawuur we. Boo xaye kaa njaflax den fop no kebil ke Moyiis.

Mace 19:11

Yeesu a doona a den ee: «Fop andee ke fa lay feene a tekitna, we ta cooxeena soom andun.