1 Korint 1:26 - NQAARIIT NE ROOG

²⁶ Fog we, fat nu ƭeetaqin a paax ee ndeer nuun we nqoyeena, mayee waa adna fee a ƭeetaa nen jegu a yiif tigi, mayee yaal toole, mayee garmi,

1 Korint 1:26 Referans Kwoze

Saak 2:5

Fog es we fexuuma, nan-gilooxyo a paax: Ndax nu andee yee Roog jilu we adna fee a ƭeetaa nen rool, ndax o ngim den na Yeesu Kiristaa a ref halal den, da njeg maat ne ta regna we mbexuuna?

1 Korint 2:8

O jeg-yiif oleene, o aa-adax o leng andiran na adna feeke, yaam a and’angaan ndengkoogee o Yaal oxe jegna o ndam na kurwaa.

1 Korint 1:20

Ten taxu ndiiki, an refu meen o yaal o and? An refu meen o cangu? An na inooxkaa meen a ñimatireel, ndax ta lalit yiif um? Kaa Roog feeñlee yee ke na fakoorteel na adna fee ñaku xoox oo?

YEGIL MBAAX NE YEESU ne Lik a bindtuuna 10:21

Na waxtu faaga sax, Yeesu a maya fo o ɗaay no Yiif Tedu le, too a lay ee: «Faap, mexe gidmang, wo o Yaal asamaan fo lanq, yaam ɗasnaa kene yaal-o-and we fo jegu yiif we, soo feeñlin we moƴna o neew. Iyo Faap, neene mat a waagu refit, yaam ten felong.

YEGIL MBAAX NE YEESU ne Lik a bindtuuna 1:3

Ten taxu, mi yoo, eetaam o ɓaal a paax ne keene fop a xewitna no kaa xotitna no mberaand naa, soo ga ee a faaxa um bindong o ten a qool qac, wo Tewofiil fee o koor o paax,

1 Korint 2:13

I naangangaan o laytaa koy, refee fo o fel-o-ɗek ole wiin we a mbi’na o and, ndaa kaa i laytan fo o and ole Yiif le a jangnaa, yaam i layaa fo waa njegna Yiif le Roog.

2Saŋ 1:1

Mi fee refna o maak kam mbokatax ne no gimu we na bindang o leetar oleeke, wo fee refna yaay na mi, wo fee Roog a jilna, wo fo xa ƥeef axe fexuuma tigi. Refee yee mi doŋ fexu a nuun, ndaa fop we andna ndigil ne.

Filip 4:22

We mbogna na xeet fee Roog fop, too a ndef mene, owe simnaa a nuun, moƴtaa sax we no mbind Kesaar fee.

A pi ake 17:34

Kaa koy, leng-leng a ndeefanaan, too a ngimata. A ndeer den, a jeg’a Denis fee fog’ina no mal ne Ariyopaas fo o tew oxaa ne’eena Damaris fo wiin lakas itam.

A pi ake 13:12

Ye gofornoor fee a ga’na ke xew’ina, a gima, too a jaaxiɗ’a na cangin ale jaginna no Yaal oxe.

A pi ake 13:7

Kaa genoogu no mbind gofornoor fee kelfa’’ina fimb le, too a ne’el Sergiyus Poolus, reeƭna o kiin o cegu yiif. Neene, gofornoor fee a xoyna a Barnabaas fa Sool, yaam kaa bug’u o nan-giloox fa lay fee Roog.

Sofoni 3:12

Xam xaƴ me wo xeet fa neewandooxu fa ñaku doole, faa na bugko jaɓnooraa gon es, mi o Yaal oxe.

Ke bindeena no xe ne’eena YOB 37:24

Ten taxu wiin we a mbaraan o saɗar. A kid um ngaanee no we na mbi’ooxaa yaal o and.

O leetar ole Pool a bindna GIMU WE NGENNA ROM 11:29

yaam Roog refee ci’it a jaɓ, too ricooxkee o xoy ole ten.

2 Maad we 5:4

Naaman a reta a layik o maad oxaa ke o njaaƈ o ndew onqe inoor’ina Isra’el a lay’ina.