1 Korint 1:21 - NQAARIIT NE ROOG

²¹ Ne andoona yee ke adna a mbi’na o and ɓakandee a den no and a Roog, ten taxu Roog a mucla we ngimna, a reefandin na waare fee wiin we a mbi’na ñaku xoox.

1 Korint 1:21 Referans Kwoze

YEGIL MBAAX NE YEESU ne Lik a bindtuuna 10:21

Na waxtu faaga sax, Yeesu a maya fo o ɗaay no Yiif Tedu le, too a lay ee: «Faap, mexe gidmang, wo o Yaal asamaan fo lanq, yaam ɗasnaa kene yaal-o-and we fo jegu yiif we, soo feeñlin we moƴna o neew. Iyo Faap, neene mat a waagu refit, yaam ten felong.

Mace 11:25

Na pe akaaga, Yeesu a laya yee: «Faap, mexe gidmang, wo o Yaal asamaan fo lanq, yaam ɗasnaa kene yaal-o-and we fo jegu yiif we, soo feeñlin we moƴna o neew.

Efees 3:10

Kaa koy, ndiiki, na pexey o fog ole no gimu we, kelfa ke fo sañ-sañ ke ndeer asamaan fa lanq a mbaaga o and o jeg-yiif ole Roog.

1 Korint 1:24

Kaa koy, no we ngimna fop, ta ref o Yaawuur mbaat o tefee o Yaawuur, Kiristaa refu doole fo o jeg-yiif ole Roog.

Dañel 2:20

ee: «Gon le Roog a hela simatel bo na moos boo moos, ten fee yaal o jeg-yiif fa katil!

O leetar ole Pool a bindna GIMU WE NGENNA ROM 1:28

Ne da mbañna yee o and a Roog, tig cegu o njiriiñ oo, a taxa Roog a riñ a den no saƭik xoox, ndax da mbi’aa o njombe,

O leetar ole Pool a bindna GIMU WE NGENNA ROM 11:33

An waagu waag o xoolin ne yirmande fee Roog a magnitna fo ne o and ole ten fo o jeg-yiif ole ten a nqooɗitna? Kaam ee, an waagu o and yuuƥ ke Roog? Ndi an waagu o tekit o jaf um?

YEGIL MBAAX NE YEESU ne Lik a bindtuuna 12:32

«Ba nu mbit dara, o njiir onqe nu ndefna ndef! Yaam a fela a Faap nuun boo ta ci a nuun Maat um.

YEGIL MBAAX NE YEESU ne Saŋ a bindtuuna 12:31

Ndiiki koy, adna feeke a hate’e, o maad adna feeke a deɓel tafil.

1 Korint 1:18

We na ndeefaa a ƭat a saŋkax mbi’u ñaku xoox a kurwaa le na waare’eel, ndaa na in we mucna, katil Roog oo.

1 Korint 1:23

ndaa in o mat, i mbaare’aa a Kiristaa fee rengeena took a kurwaa, a ref a panq no Yaawuur we, we ndefeerna Yaawuur a mbi’in ñaku xoox.

1 Korint 1:25

O ñak-xoox Roog sax moƴkoogu o jeg-yiif no wiin we, o neew doole um a garitkoogu wiin we took!

1 Korint 1:27

ndaa kaa Roog a jil tig ñaku xoox ke na adna fee, ndax yaal-o-and we a ngefiɗ, a jil tig neewu doole ke na adna fee, ndax yaal toole ke a sed.

1 Korint 2:14

O kiin sang um sang um koy, refna ref oxe jegeerna Yiif le Roog, waagee o jaɓ ke farna no Yiif le Roog yaam o ñak-xoox a fi’un. Waagiran o and itam, yaam Yiif le Roog soom waagun o gaal.

1 Korint 4:10

In, kaa i ƭeetel nen ñaku a qoox na Kiristaa, nu ƭeetel no ten nen yaal a yiif, i ndef neewu doole, nu ndef yaal toole. Kaam ee kaa nu niwel, i nqeefel.

1 Korint 6:2

Kaa nu andee yee tedu weene na ngate’kaa adna fee! Tig podu nen hate adna a doonange no ɓay nuun, nam o hate tig pooreer a naru o ɓoowit a nuun? Ndax hate kaa jomb a nuun?

1 Korint 11:32

Kaa koy, o Yaal oxe kaa hate’aa a in, a yaraa a in, ndax i saŋkooxandoorkee fo wiin adna we.

Galati 1:15

Ye ta felna oxe kes’axama yaaga rimafulaandeem, too a xoytaam yirmande um,

Galati 4:8

Yaaga nu andafulee a Roog, kaa nu mbaɗooxoogu kaa refeerna Roog.

Efees 1:9

A andnoora a in kunpa fee ta ɗaapna, too ta yuuɓ’un yaaga, ndax ta fadnin na Kiristaa.

Kolos 1:19

No ten Roog a genu fo o yaajel um fop.

Hebre 1:14

Xar malaaka ke a ndefu? Den fop a yiif akaa na mbaɗooxaa a Roog a ndefu, ta lulaa a den ndax da ƥisaa o ndimle me no we na ndaawkaa a muc ale.

Hebre 2:3

yaaga nam i ndaɗitkaa a qaw ale Roog, yaa i yaacaanna a muc a podu neene? O Yaal oxe mat o mat eetu o yegnit a muc aleene, soo we nan’uuna a ñoowdand a in o njiriiñ um.

Hebre 7:25

Ten taxu, ndiiki Yeesu a waaga o mucil boo faw we na matiidaa a Roog na pexey um, yaam oxe ñoowaa boo xaye, ndax ta xeɗanaa a den a Roog.

Saak 4:4

Kaa nu ngore’ee! Ndax nu andee yee oxe fexna tig adna, o pañ Roog oo? O kiin oxuu bugna xaariitoor fo tig adna, a refata o pañ Roog.

Saak 5:15

A nqeɗtangaa o ngim, yaaga xan o Yaal oxe a wodandin, a innin. A fi’angaa bakaad itam, xan Roog a waasanin o ten.

Saak 5:20

fat nu and kene: Oxe na nomtitiidaa o paabakaad na ƭat a paaxeer um, a naaga o muclaa o kiin oxeene na fa nqon. A soƥangaa sax ee pakaad um a may’a, xan Roog a waasanin a den.