1 Korint 1:20 - NQAARIIT NE ROOG

²⁰ Ten taxu ndiiki, an refu meen o yaal o and? An refu meen o cangu? An na inooxkaa meen a ñimatireel, ndax ta lalit yiif um? Kaa Roog feeñlee yee ke na fakoorteel na adna fee ñaku xoox oo?

1 Korint 1:20 Referans Kwoze

O leetar ole Pool a bindna GIMU WE NGENNA ROM 1:22

Kaa mbi’ooxaa yaal o and, too a ndef ɗof say.

Ke bindeena no xe ne’eena YOB 12:17

Kaa gadooxnooraa aa-as we xa ñaaƭ den, a ñaknooraa kelfa ke sagu den.

1 Korint 3:19

Yaam o jeg-yiif ole na adna feeke, o ñak-xoox Roog a fi’un. Ten taxu ta layel na Pind a Tedu ke yee: «Roog kaa maaftaa jegu yiif we o ƴiƴ den.»

1 Korint 1:19

Ne a Pind a Tedu ke a layitna yee: «Xam mo’and o jeg-yiif ole no jegu yiif we, yaal-o-and we, um sañit o and den.»

Esayi 44:25

Kaam ñufaa xa anddiloor axe no ɗeet maamaaɓ we, firiɓnooraa ñaañango we, nomtaa yaal-o-and we a cinj soo fudin o and den no ƭooɗofir.

Ke bindeena no xe ne’eena YOB 12:24

Kaa ñaknooraa kelfa ke no qeet ke sagu den. Kaa joqooynooraa a den kam a koƥ-a-ƥor alaa jegeerna a ƭat,

1 Korint 2:6

We o ngim den a deyna koy, o jeg-yiif tigi i mbaare’aa a den, ndaa o jeg-yiif oleene hatee na adna fee, too aa-adax we teen ndalniran, den we na saŋkooxkaa.

Esayi 53:1

An gimu ke i nanna ta layteel? An anddu katil ne na ñamaak ale no Yaal oxe?

Esayi 33:18

Xan yiif of a gomaa diid le faafna soo o laamtooxaa yee: «Taa o koohorax oxe fo o taarabdinax juuti xe boog? Taa we limoogna taax-took ke?»

Ke bindeena no xe ne’eena YOB 12:20

Kaa sañtaa fa lay fee no we nqoolna ɗelem, nogoy we, ta suqit na den njektirand.

2 Sami’el 17:23

Ye Ahitofel a ga’na yee o as ole ten reefaand, a humna o faam um, a xaad na teeru fee ta gen’ina. A regdinooxa mbind um soo a xiroox. Neene a xontu, a gasel na mboy alaa faap um.

2 Sami’el 17:14

Absalom fo goor we Isra’el fop a laya yee: «O as ole Husay, o Aa-arki xe moƴu ole Ahitofel.» O ga’angaa keene koy, o Yaal oxe kaa heboox’u o kasaara’in o as o faax ole Ahitofel, ndax ta doon a Absalom naqad.

2 Sami’el 16:23

Na jamaane faaga xa as axe Ahitofel a cooxtoogna kaa nan-giloortoogel nen fa lay fee Roog. Neene Dawid fa Absalom a nga’toogu itam xa as axe ta cooxoogna a den fop.

2 Sami’el 15:31

Ye Dawid a yegneena yee Ahitofel a foga no we ngiɓna fa Absalom o ngir, ndax da njiƭit maat ne, a laya yee: «O Yaal oxe, koo fi’i boo xa as axe Ahitofel ƭaxkee tus.»

Yeremi 10:7

Ndi an saɗarkeerong, wo o maad oxe no qeet ke? Wo o mat jare o saɗar, yaam a ndeer no yaal-o-and we fop no qeet ke fo no maat den fop o leng nandee fa wo.

Mace 13:22

Ax ke nduufeena kam kiƈ ke ndefu oxe na nanaa fa lay fee Roog. Kaa koy, a qalaat ake na jamaane fee fo ne halal adna a ƴiƴtaa a den a naanga o ngoñaa fa lay fee Roog boo waagkee o rim.

YEGIL MBAAX NE YEESU ne Saŋ a bindtuuna 12:31

Ndiiki koy, adna feeke a hate’e, o maad adna feeke a deɓel tafil.

A pi ake 17:18

Yaal-o-and waa mbog’ina na cang a ƭak a maak ake ne’eena Epikuriya fa Estoysan a njeetaayooga fo ten. Leng we kaa laamtoogu yee: «Ndi xar o wayoom olene a bugu lay?» Lakas we koy, a laya yee: «Kaa nandtaa oxaa na waare’aa roog kaa i andeerna.» Kaa layoogu keene, yaam kaa nanoogu Pool a waare’aa Yegil mbaax ne no kaa farna na Yeesu fo na qontax ale.

O leetar ole Pool a bindna GIMU WE NGENNA ROM 1:20

Naa adna a sake, ke waagaandeena o ga na Roog, refna katil mbaafkeer ne ten fo ke ta refna, a mbeeña no ke ta sakna. Meene o mat, wiin we a mbaagu o andit a den. Ten taxu boog, mbaagkaand o mbaasan,

1 Korint 1:26

Fog we, fat nu ƭeetaqin a paax ee ndeer nuun we nqoyeena, mayee waa adna fee a ƭeetaa nen jegu a yiif tigi, mayee yaal toole, mayee garmi,

1 Korint 1:27

ndaa kaa Roog a jil tig ñaku xoox ke na adna fee, ndax yaal-o-and we a ngefiɗ, a jil tig neewu doole ke na adna fee, ndax yaal toole ke a sed.

1 Korint 1:28

Kaam ee Roog kaa jil ke jegeerna o njiriiñ na adna fee fo ke fop a nqeefna fo ke saxeerna, ndax ke saxna a paƴ ndiŋol a luƈtoox.

1 Korint 2:8

O jeg-yiif oleene, o aa-adax o leng andiran na adna feeke, yaam a and’angaan ndengkoogee o Yaal oxe jegna o ndam na kurwaa.

1 Korint 3:18

Ba o leng a nax a xoox um. Oxuu liiƥoorna fo o jeg-yiif ole na adna feeke boo a bug o fakoox, fat a yer yiif um, a jaɓ o ref o ñaku xoox, ndax ta jeg yiif mbaambir Roog.

1 Korint 6:2

Kaa nu andee yee tedu weene na ngate’kaa adna fee! Tig podu nen hate adna a doonange no ɓay nuun, nam o hate tig pooreer a naru o ɓoowit a nuun? Ndax hate kaa jomb a nuun?

1 Korint 11:32

Kaa koy, o Yaal oxe kaa hate’aa a in, a yaraa a in, ndax i saŋkooxandoorkee fo wiin adna we.

Saak 4:4

Kaa nu ngore’ee! Ndax nu andee yee oxe fexna tig adna, o pañ Roog oo? O kiin oxuu bugna xaariitoor fo tig adna, a refata o pañ Roog.