1 Korint 1:19 - NQAARIIT NE ROOG

¹⁹ Ne a Pind a Tedu ke a layitna yee: «Xam mo’and o jeg-yiif ole no jegu yiif we, yaal-o-and we, um sañit o and den.»

1 Korint 1:19 Referans Kwoze

Esayi 29:14

Ten taxu xam maad o jaaxɗandtaa xeet fene comlaand. O jeg-yiif ole no jegu yiif we ten xan a mo mir, o and ole no yaal-o-and we ten a sooƴ.»

Yeremi 8:9

Yaal-o-and we a seda ɓot, a ndiid soo a naagel jac a ndamel. Kaa nqeef fa lay fee no Yaal oxe, xar o and den a jiriñu boog?»

1 Korint 3:19

Yaam o jeg-yiif ole na adna feeke, o ñak-xoox Roog a fi’un. Ten taxu ta layel na Pind a Tedu ke yee: «Roog kaa maaftaa jegu yiif we o ƴiƴ den.»

Esayi 19:11

Kelfa ke Cowaan ɗof ɓat a ndefu. Aa-as we Firawon fee moƴna o njeg o and kaa cooxtaa xa as xa ñaku xoox. Nam nu saɗu o layit a Firawon fee yee: «O ƥiy no yaal-o-and refum, o ndaan no maad we yaaga»?

Esayi 19:3

Njambaar ne no Miimisira we xan a ɓut na den, too xam jaxasrand yuuƥ ke den. Maaga, xan da laamtaa pangool ke den xa as soo a nga’raa fo fan we fo ɗeet we fo we na ƈufginooxaa xon we.

Yeremi 10:7

Ndi an saɗarkeerong, wo o maad oxe no qeet ke? Wo o mat jare o saɗar, yaam a ndeer no yaal-o-and we fop no qeet ke fo no maat den fop o leng nandee fa wo.

1 Korint 4:6

Fog es, nu nanangaa um layit a Apolos fa mi Pool, nuun taxun. Kaam bug nu ƭeet na in, mbañat o ƈakandooxaa ke bindeena, nduux a koƥ. O nanangaa um layit a kon in, kaa bugatiim o leng na nuun a ga’atinooraa o leng, soo a fañ o lakas.

1 Korint 4:10

In, kaa i ƭeetel nen ñaku a qoox na Kiristaa, nu ƭeetel no ten nen yaal a yiif, i ndef neewu doole, nu ndef yaal toole. Kaam ee kaa nu niwel, i nqeefel.