1 Korint 1:18 - NQAARIIT NE ROOG

¹⁸ We na ndeefaa a ƭat a saŋkax mbi’u ñaku xoox a kurwaa le na waare’eel, ndaa na in we mucna, katil Roog oo.

1 Korint 1:18 Referans Kwoze

1 Korint 2:14

O kiin sang um sang um koy, refna ref oxe jegeerna Yiif le Roog, waagee o jaɓ ke farna no Yiif le Roog yaam o ñak-xoox a fi’un. Waagiran o and itam, yaam Yiif le Roog soom waagun o gaal.

O leetar ole Pool a bindna GIMU WE NGENNA ROM 1:16

Sediim muk Yegil mbaax ne, yaam kaa ref katil Roog ne na ɓisiidaa a muc no xuu gimna, eetu koy no Yaawuur we, soo we ndefeerna Yaawuur a ndoonoox.

2 Tesalonik 2:10

Kuu naanaxir ke no cofaƭaru xe a mbaagna mbaag o ndef fop oo, we mo’na ndefu we yapatilna o mbex ndigil ne mucilkoogna a den.

2 Korint 4:3

A soƥangaa yee Yegil mbaax ne in kaa maad o muureel, o and ee kaa muurel no we na saŋkooxkaa.

1 Korint 1:21

Ne andoona yee ke adna a mbi’na o and ɓakandee a den no and a Roog, ten taxu Roog a mucla we ngimna, a reefandin na waare fee wiin we a mbi’na ñaku xoox.

1 Korint 3:19

Yaam o jeg-yiif ole na adna feeke, o ñak-xoox Roog a fi’un. Ten taxu ta layel na Pind a Tedu ke yee: «Roog kaa maaftaa jegu yiif we o ƴiƴ den.»

1 Tesalonik 1:5

yaam nu ndamtee Yegil mbaax ne in nen fa lay fa ƥor soom. Kaa nu ndaawtin na doole fee no Yiif Tedu le, too njaɓ ee ndigil saƭku koŋ oo. Yaaga boog nu anda ne i mbesoorna a ndeer nuun yaam o njiriiñ nuun.

1 Korint 2:2

Bug’iim o layit dara a ndeer nuun, a refangee Yeesu Kiristaa, moƴtaa sax Yeesu Kiristaa fee rengeena na kurwaa.

A pi ake 13:41

‹Nga’yo nuun we mayna fo o nqaadnax, njaaxiɗyo too mooc, yaam xam fi no ñoow nuun a pi alaa andoona yee nu mbetandoox’ange o ten, nu ngimkiran.› »

Hebre 4:12

Yaam fa lay fee Roog kaa ñoow too a saƭik. Ten moƴu o weel saamar. Kaa godaa boo a daaw me o laaw fo yiif a nqetna, a suur boo me a kiɓ cer fo yuur a nqetna. Kaa jaqtaa paax fo paaxeer na pug fo na qalaat no kiin.

2 Korint 10:4

Yaam refee yee njer jalu ƥonax ke i ñoxorteel. Ƥonax in kaa inoor na Roog, a njeg katil boo a mbaag o njiƭit saŋe ke. Kaa i yaqaa xa ƭelem xa maamaaɓ axe,

1 Korint 15:2

njegit teen a muc. Yaakaaraam ee ne yegnitanuuma a nuun, nu ndamtun a ndamit, yaam nu ndamtangiran neene, o ngim nuun kasaara soom a refkaa, ɗaxkee dara.

A pi ake 17:32

Ye da nanna Pool a layaa kaa farna na qontax ale no xon we, leng-leng kaa nqaadnooxoogun, soo lakas we a layaa yee: «Jaf lakas, xan i nan-gilooxong no kaa farna no keene.»

A pi ake 17:18

Yaal-o-and waa mbog’ina na cang a ƭak a maak ake ne’eena Epikuriya fa Estoysan a njeetaayooga fo ten. Leng we kaa laamtoogu yee: «Ndi xar o wayoom olene a bugu lay?» Lakas we koy, a laya yee: «Kaa nandtaa oxaa na waare’aa roog kaa i andeerna.» Kaa layoogu keene, yaam kaa nanoogu Pool a waare’aa Yegil mbaax ne no kaa farna na Yeesu fo na qontax ale.

A pi ake 2:47

a simataa a Roog, too a ngidman paam xeet fee fop. Maaga, bes fuu refna o Yaal oxe a ɓaatooga no fog ole no gimu we waa mucna.

1 Korint 4:10

In, kaa i ƭeetel nen ñaku a qoox na Kiristaa, nu ƭeetel no ten nen yaal a yiif, i ndef neewu doole, nu ndef yaal toole. Kaam ee kaa nu niwel, i nqeefel.

Hebre 12:2

Fat a kid in a ngaan na Yeesu fee geeninna o ngim in no kaa xotitna no mberaandoong naa boo no muukandoong naa. A softa o ɗaay ole ta geekan’eena fa nqon took a kurwaa, too ɗeetee gaci fee refna teen. Ndiiki koy, oxaa moofa na ñamaak gamb no maad le Roog.