1 Korint 1:12 - NQAARIIT NE ROOG

¹² Kene um ne’aa: Wene kaa layaa yee: «In, Pool i ndeefaa», weeke yee «Apolos», waana yee «Kefaas», lakas we yee «Kiristaa i ndeefaa».

1 Korint 1:12 Referans Kwoze

YEGIL MBAAX NE YEESU ne Saŋ a bindtuuna 1:42

A ɓisaan maa Yeesu itam. Yaa Yeesu a ga’uuna, a layaan ee: «Wo refu Simoŋ o ƥiy Saŋ, ndiiki koy, feranaaxong Kefaas.» (Kaa tekit ‹o ƥil›).

Galati 3:17

Keeke um ne’aa: Njofoor naa Roog a fi’na yaaga, waagaand o laaf. Yaaga koy, ke regteena, a ref meen boo a jeg xa kiid teemeed nahik fo xa kiid qarɓeen tadik, waagaand o laaf yaam kebil ke ndeefanuuna.

Galati 2:9

Ye Saak fa Kefaas fee refna ref Piyeer fa Saŋ we mbi’eena a toodook no mbokatax ne no gimu we a nga’na yirmande fee ci’eema, a nqaariitoora fa in, mi fa Barnabaas, ndax i nqot farna fo we ndefeerna Yaawuur, soo den, da nqot farna fo we nqucooxna.

2 Korint 9:6

Fat nu and kene: Oxe duufna o ndik, o ndik rek a saxadkaa, ndaa oxe duufna mayu o mat, mayu a saxadkaa.

1 Korint 16:12

Apolos fee o pog in koy, kaam bam’an rek, ndax ta ɗeetiid a nuun, ten fo fog lakas we, ndaa ke moƴan’uuna ta cung boo taa. Boo ta jegna o daaw rek, xan a gar.

1 Korint 15:50

Keeke soom um ne’aa a nuun, fog we: O kiin sang um sang um oxe refna njer fo fo’oy waagee o lam Maat ne Roog. Kaam ee ke na fotaa waagee o lam ke fotkeerna boo faw.

1 Korint 15:5

a feeñoox a Kefaas, a feeñoox itam apootar xarɓaxay fo apootar ɗik we.

1 Korint 9:5

Ndax kaa i mbaree o ƥisloox kam calel ke o tew o kimu, ne apootar lakas we a mbi’tan boo na xa teɓ axe no Yaal oxe fa Kefaas?

1 Korint 7:29

Keeke rek bugum o lay: Jamaane fee miñatee dara, ten taxu fat we njegna rew, a ñoowit nen jegee rew,

1 Korint 4:6

Fog es, nu nanangaa um layit a Apolos fa mi Pool, nuun taxun. Kaam bug nu ƭeet na in, mbañat o ƈakandooxaa ke bindeena, nduux a koƥ. O nanangaa um layit a kon in, kaa bugatiim o leng na nuun a ga’atinooraa o leng, soo a fañ o lakas.

A pi ake 18:24

O Yaawuur oxaa ne’eena Apolos, too a rimel na teeru faa Aleksandiri, a inooriida Efees. O koor o qoolu fa lay a reeƭu. A and’a a Pind a Tedu ke a paax itam.

Mace 23:8

Nuun o mat, ba nu ne’oox ‹O caajangin o maak!›, yaam o leng soom refu o Caajangin nuun. Nuun fop, fog nu ndefu.

A pi ake 19:1

Ye Apolos a refna na teeru faa Korint, Pool a xaañooga o jegel olaa na xa coong axe too a fudoortiida Efees. A soƥa maaga daalbe leng-leng,

1 Korint 1:11

Fog es, a jega kaa nantuuma no xaa genna no mbind Kolowe, ta ref ee kaa jeg qasir a ndeer nuun.

2 Korint 10:7

Mbi’yo o ndang, too naang jak fo a kid nuun ne tikoorik ke a nandna. Oxuu ta woorna yee Kiristaa jegun, fat a ɓek no yiif um ee neene itam Kiristaa a jegtu a in.

1 Maad we 16:21

Maaga, xeet fee Isra’el a mbi’a a qaaj a ƭak. A qaaj a leng ale na xeet fee kaa yoon’u fa Tibni fee o ƥiy Ginat, ndax da ndodin o maad, a lakas ale a yoon fa Omri.