1 Korint 1:10 - NQAARIIT NE ROOG

¹⁰ Fog es, kaam bug, no gon no Yaal in Yeesu Kiristaa, nu mbog ɗelem leng kut, ndef o leng, nqaajoor a ñak a ndeer nuun. Kaam ee fat nu mbokatoor ndef o leng, mbog xalaat fo o liir.

1 Korint 1:10 Referans Kwoze

1 Korint 12:25

ndax nqaajoor jegkee no cer ke. A seek aluu refna no ke fokatoorna, a ref njer leng kut ne, a topatooxaa o kend um.

O leetar ole Pool a bindna GIMU WE NGENNA ROM 12:16

Njegyo njofoor a ndeer nuun. Ba nu magnandoox, ndaa njaɓyo ke neewandooxna fop. Ba nu mbi’oox nen waa njegna o and muk.

2 Korint 13:11

Ndiiki koy fog we, fat o ɗaay a ref fa nuun! Njeemyo o njagandoox, yaalooraa, mbog xalaat, ñoowaa na jam! Yaaga Roog fee refna o mbeq fa jam xan a ref fa nuun.

A kim a tedu ke 133:1

A kim no ñaañaaƴ we yoo, a fog na ke Dawid. Ndaw paaxu too a fel, yaa fog we a nanoorna!

1 Korint 11:18

Nanaam ee a mbanuu nu mbokatoorna, a sayax a doonoox teen, nu mbi a qaaj a qaaj, too yaacanum o gim.

Filip 1:27

Kaa koy, fat a pesoorooƭ nuun a waag o lingir fo Yegil mbaax ne Kiristaa. Keene koy, kaa warna yoo, ndax a soƥangaam fa nuun, mbaat o mbiñ o lakas, um ga mbaat um nan ee kaa nu saƭik, mbog yiif leng kut, mbog xeeñ leng itam, ngomreel, ndax o ngim no Yegil mbaax ne a geenoox.

O leetar ole Pool a bindna GIMU WE NGENNA ROM 16:17

Fog we, kaam xeɗaa a nuun nu mbootoox we na sakaa fo mbokatax fo sayooxu. Kaa mo’nooraa gimu we, yaam kaa mbañ faƥit a cangin ale nu ndaawneena. Fat nu ngoƭaa a den.

2 Korint 5:20

In ndefu we Kiristaa a lulna, soo ta nand nen Roog fa xoox um na layaa fa nuun na pexey in. In we nqeɗaa a nuun no gon Kiristaa nu njaɓ o njofoorandel fa Roog.

1 Korint 4:16

Me ta refna, keeke rek um xeɗaa a nuun: Ngela laalataamoo!

A pi ake 4:32

Mbokatax naa no waa ngim’ina fop kaa mbog’u xeeñ leng fo yiif leng. O leng layoogee yee kene mi jegun, mbaat kaana wo jegun, ndaa o jeg den fop kaa mbokatoogun.

Yeremi 32:39

Xam coox a den yiif leng kut fo a ƭat a leng, ndax da saɗaraam kili, a njeg o ɗaay, den fo xa taan den.

YEGIL MBAAX NE YEESU ne Saŋ a bindtuuna 17:23

mi na den, wo na mi, da ndef o leng kut. Neene xan adna fee a and ee wo luliidaxam, a and itam ee fextaa a den, ne fextaxamoona.

1 Tesalonik 5:13

Fat nu njamsa’ooraa a ndeer nuun, too njeg na den o mbeq o maak yaam a pi den.

O leetar ole Pool a bindna GIMU WE NGENNA ROM 12:1

Fog we, ne Roog a letinna yirmande um took in, mexey xeɗaa a nuun, nu ƥoxotin cer nuun nen sadax faa na ñoowaa, a ted too a felin bo. Neene nu mbaru o mbaɗoortaa a Roog.

YEGIL MBAAX NE YEESU ne Saŋ a bindtuuna 10:19

Yaawuur waa a nqaajoorahina yaam a ƭelem akeene.

1 Piyeer 2:11

Nuun we fexuuma, ke nu ndefna ndef genar fo xa kataakoon fop oo, mexe maƭooxaa a nuun, nu mbootoox a yaaw cer a paaxeer ake na ñoxoraa fo o laaw ole.

2 Timote 4:1

Mexe maƭooxang mbaambir Roog fa Kiristaa Yeesu fee warna o hate ñoow we fo xon we, maƭooxang itam took a kar um fo maat um ee:

Filip 3:16

Me i mbodna ndiiki, fat i yoon, ñaaƴ mbaambir.

2 Korint 10:1

Mi Pool fa xoox es na xeɗooxaa a nuun na pexey o ɓuuɓel fo o paaxel ole Kiristaa, mi fee na layeel ee kaam neewaandoox na kid nuun, too ɗom tig bo na nuun yaa laqooxuuma.

YEGIL MBAAX NE YEESU ne Saŋ a bindtuuna 7:43

Wiin waa a nqaajoora yaam o ten.

Mark 2:21

O leng kacitkee ndoki nogoyu o seegiit o xas. A fi’angaan, xan o seegiit ole a ɓisloox a seek no ndoki ne, too yaaga xan o quuy ole a ɓaatoox.

Mace 9:16

O leng kacitkee ndoki nogoyu o seegiit o xas, yaam xan o seegiit ole a ɓisloox a seek no ndoki ne, too yaaga xan o quuy ole a ɓaatoox.

1 Timote 5:21

Mexe gaañtang kene mbaambir Roog fo mbaambir Kiristaa Yeesu fo mbaambir malaaka tedu ke: Ngela horooxi keene. Fat o fañ o lay dara yaa ga’afuleeroona tig, too ba o farit o leng itam.

2 Tesalonik 2:1

No ke xotna na kar ale no Yaal in Yeesu Kiristaa fo ne i mbokatooritkaa paam um, fog we, ke i nqeɗaa a nuun teen refu yee nu mbañ o ñak sagu nuun no ñofu. Baa diid leng a dam a nuun, yaam nu mboogaa yee bes fee no Yaal oxe a fadiida boo a ƴut. A waaga o jeg waa na njo’tanaa a Roog, ne’atiim o ɗelem mbaat o leetar olaa nandna wee na in nu ndaawtun.

Galati 4:12

Fog we, ngela nandandooraamoo, yaam nandataam fa nuun we ndefeerna Yaawuur. Nu mos’iraam o mbi kaa ɗomaxama, ndaa ndiiki nuun we mbi’an.

2 Korint 6:1

In we ndefna jaajal Roog, kaa i maƭooxaa a nuun nu mbañ o yapatil yirmande fee Roog nu ndaawna.

O leetar ole Pool a bindna GIMU WE NGENNA ROM 15:30

Fog we, yaam Yeesu Kiristaa fee refna o Yaal in fo yaam o mbeq onqe Yiif Tedu le a ci’taa, kaam xeɗaa a nuun nu yoon fa mi, maafrel, nqeɗanaam a Roog.

YEGIL MBAAX NE YEESU ne Saŋ a bindtuuna 9:16

Naaga, leng-leng no Farisiya waa a laya yee: «Oxe fi’na keene hatee na Roog, yaam a ƭat um yongee na bes fee na ñootnax ale.» Lakas na den a laya yee: «Ndi nam o paabakaad a waagu o fi’it xa anddiloor xa nandu neene?» Ñimatir maak a jega a ndeer den.

O leetar ole Pool a bindna GIMU WE NGENNA ROM 1:13

Fog es, bugaam nu and ee kaam hebooxaa o xalatooxiid a nuun kili, ndax calel es a nqay me nuun, ne da nqayitna a ndeer qeet lakas ke, ndaa boo xaye, kaam maad o dikoox.

1 Korint 1:11

Fog es, a jega kaa nantuuma no xaa genna no mbind Kolowe, ta ref ee kaa jeg qasir a ndeer nuun.

1 Korint 3:3

yaam kaa nu maad o mbesooraa nen wiin adna. Ndax ciisir fo nqasir ndefu a ndeer nuun? Bo ndiik xalaat adna na ɗoxaa a nuun,

2 Korint 13:9

I neewangaa doole soo nuun o mat, nu ndef doole fa ƥor, kaa i mbelakinooxaa teen, too ke i nqeɗanaa a nuun refu nu ñak sik.

1 Piyeer 5:10

Roog fee mayna yirmande, xoyu a nuun na Kiristaa, ndax nu mbog no ndam o mbagkeer onqe ten. Roog fa xoox um xan a fap a nuun na Kiristaa, a cinj yaa nu coono’na o ndik, a saƭkand a nuun, a ci a nuun doole, a fi a nuun bo nu mbaagkee o yen.

Yosuwe 22:15

A ngara no saax laa Galaad maa na carind ake ndefna no batand naa soo a lay a den ee:

Mark 3:24

Boo we mbogna maat a nqaajoorna a ndeer den, maat naaga waagee o miñ,