1Saŋ 5:6 - NQAARIIT NE ROOG

⁶ O ten o mat oo, Yeesu Kiristaa, ten reefu na foofi fo fo’oy, refee yee na foofi soom, ndaa na foofi fo fo’oy. Yiif le Roog refna ndigil a seede’anaan.

1Saŋ 5:6 Referans Kwoze

Hebre 9:14

A reftangaa neene, nam fo’oy le Kiristaa a moƴitkeerun o waag o fi! Na pexey Yiif le na refkaa boo faw, a ɓoxota a xoox um a Roog nen sadax fa njegee sik. Fo’oy um xan a xooland a qeeñ in na pi a qonu ke, ndax i mbaag o njalan a Roog fa ñoow jok fee.

YEGIL MBAAX NE YEESU ne Saŋ a bindtuuna 15:26

Boo o Yaayaal oxe um luliidkaa me nuun, yaa retuuma maa na Faap faa a garna, xan a lalit oxe refuuma. O Yaayaal oxeene refu Yiif le saqna ndigil ne, too na Faap fee a hatu.

YEGIL MBAAX NE YEESU ne Saŋ a bindtuuna 16:13

Kaa koy, yaa Yiif le Roog saqna ndigil ne a garkaa, xan a ɗox a nuun no ndigil ne fop, yaam layitkee a xoox um, ndaa ke ta nanna rek, too xan a yegin a nuun kaa fadiidafuleerna.

Hebre 12:24

Kaam ee, nu matiida a Yeesu fee refna o ndok-a-ndeer onqe no ngiɓoor nqas ne, matiid fo’oy le ten ɓaxeena, too a regaa a nuun kaa moƴna le Abel.

Mark 14:24

Yeesu a laya a den ee: «Kene refu fo’oy es no ngiɓoor ne ɓaxeena yaam mayu.

YEGIL MBAAX NE YEESU ne Saŋ a bindtuuna 14:17

O Yaayaal oxeene refu Yiif le Roog saqna ndigil ne, ndaa o kiin adna waagiran o jaɓ, yaam ga’iran too andiran. Nuun o mat, nu andaan, yaam fa nuun a genu, too xan a ref na nuun.

Mbeeñil 7:14

Doonaanum ee: «O yaal es, mee ndax wo andun.» Maaga, a layaxam ee: «Den ndefu we inoorna no ñagadil ƭomu naa. Kaa ndap toki den, a ndan-ginit a den fo’oy le no Mbaal onqe.

Mbeeñil 5:9

Maaga, a ngimooga a kim a qas alene: «O xot a kayit ale soo ñaƥit xa ñaas axe jombirang, yaam kaa o war’el. Na pexey fo’oy of watanaa a Roog wiin inooru no tim oluu refna, na lak fuu refna fo no saax luu refna fo na xeet fuu refna.

1 Piyeer 1:2

Roog Faap fee kaa jil a nuun, yaam kaa yuuɓ’un no mberaand naa, ndax nu kesel na pexey Yiif Tedu le, nanan a Yeesu Kiristaa, soo nqoolandtel fo’oy le ten. Yaasam yirmande fa jam a mayƭandel took nuun!

Hebre 13:20

Roog a xontooxnoora o Yaal in Yeesu a ndeer no xon we. O ten refu o kaynaak o maak oxe na gayaa paal um, yaam ne ta ɓoxotooxna nen sadax na pexey fo’oy um. Fo’oy leene o mat sinju ngiɓoor mbooru ne faafkeerna. Yaasam Roog fee mayna fa jam a ci a nuun doole faa nu mbi’taa paax, ndax nu mbadin ke ta bugna. Yaasam ta fi na in ke feluuna na pexey Yeesu Kiristaa. Kaam ee, yaasam o Yaal oxe Yeesu a ɓoxotel o ndam boo faw. Amiini.

YEGIL MBAAX NE YEESU ne Saŋ a bindtuuna 4:14

Kaa koy, oxe na yerkaa foofi le um cooxkan, hoɗomkataand boo muk. Foofi leene um cooxkan xan a fi kam um a mbeel alaa a cur ake a nqawraa, a cooxin itam o ñoow o fagkeer ole.»

YEGIL MBAAX NE YEESU ne Lik a bindtuuna 22:20

Yaa da nju’ooxna boo a ƈut, a janga o kaas biiñ itam, soo a lay ee: «O kaas biiñ oleeke refu ngiɓoor nqas ne sinjeena took fo’oy le mi ɓaxeena yaam nuun.

Mace 26:28

yaam kene refu fo’oy es, fo’oy le no ngiɓoor ne. Kaa ɓaxel ndax mayu a mbaasanel pakaad den.

Heseki’el 36:25

Xam wiis took nuun foofi fo xoolu, too xan nu nqoolandel. Xam xooland a nuun no ndoƭ ke nuun fop fo no nitaal roog cakalaaru ke nuun.

A paɗax ale 17:11

Fo’oy na ñoownaa njer. Kaa um ci’in a nuun nu njiriiñooran took o sadaxand ole, ndax nu njofoorandel fa mi. Fo’oy le soom waagu o waasanit pakaad, yaam ten saqu o ñoow ole.

1Saŋ 1:7

Kaa koy, i naangangaa o ñaaƴaa kam a qoolaand ale, ne ta refitna na qoolaand ale ten fa xoox um, leng i ndefu, too fo’oy le no Ƥeem Yeesu kaa ɓogaa a in na bakaad fuu refna.

Tiit 3:5

a mucla a in, refee koy ee yaam i mbi a pi a cofu kaa njaruuna, ndaa kaa mucil a in na yirmande um na pexey a ƥogax ale no rimel o xas ole fo Yiif Tedu le, a fi’in ndax i njeg o ñoowooƭ o xas.

Efees 1:7

Yaam na pexey fo’oy le Kiristaa i mbate no paaxeer, soo tooñ ke in a mbaasanel. Neene boog, Roog a lala a in o yaajel ole na yirmande um

YEGIL MBAAX NE YEESU ne Saŋ a bindtuuna 6:55

Cer es ñaamel tigi yoo, fo’oy es a ref a yer tigi.

YEGIL MBAAX NE YEESU ne Saŋ a bindtuuna 4:10

Yeesu a doonaan ee: «O and’angaa ci’it Roog, and itam oxe layoonga yee ‹Ci’aam um yer›, xeɗkoogaano wo fa xoox of, too yaaga a ci’koogaang foofi fo ñoow.»

YEGIL MBAAX NE YEESU ne Saŋ a bindtuuna 3:5

Yeesu a doonaan ee: «No ndigil, no ndigil, mexe layang ee: O kiin waagee o rok no Maat ne Roog, too rimtaand foofi fo Yiif le Roog.

Sakari 9:11

O Yaal oxe kaa tee: «A koom, xam ɗeet no ngiɓoor ne i ndalnitna fo’oy, sut we ndefna faɗ na nuun no gamb jegee foofi le da ƥek’eena.

Mbeeñil 1:5

fo na Yeesu Kiristaa, refna o seede kore’u xe, a ref oxe eetna o xontoox a ndeer no xon we fo o kelwaar oxe no maad we na adna fee! Kiristaa kaa fex a in. A wata a in no pakaad ke in na pexey fo’oy um.

1 Piyeer 3:21

Kaa reeƭu nitaale’ir na batiise fee na muclaa a nuun ndiiki. Na batiise fee, refee yee ndoƭ cer in i ƥogaa, ndaa kaa ref i nqeɗaa a Roog o njeg yiif jeejooxeer dara. Ten o mat na muclaa a in na pexey a qontax ale Yeesu Kiristaa

Hebre 10:29

Yaaga koy, nam a refitkaa no xe niwaƭarna o Ƥeenqe Roog, a xeef fo’oy le no ngiɓoor ne ta xoolandteena, soo a wenaa Yiif le saqna yirmande? Nu mbaaga o nqalaat a paax ee a qaw ale heluuna na moƴkaa o ɗom,

Hebre 9:7

Kaa koy, o saasadax o maak oxe soom na rokaa na ndok a ƭikandeer ale, too jaf leng kut a fi’an no hiid ole. A wara o ɓisloox fo’oy muumeen, ndax ta ɓoxotin a Roog, eetu na xoox um, soo xeet fee a doonoox, yaam pakaad ke da mbi’oogna took o ñak-o-and.

Kolos 1:4

yaam kaa i layel o ngim nuun na Kiristaa Yeesu fo o mbeq onqe nu njegna no gimu we fop.

O leetar ole Pool a bindna GIMU WE NGENNA ROM 3:25

Ten o mat Roog a jilu, ndax no we na ngimkaa, fo’oy um a ref sadax fee na ñufaa a qaw ale Roog yaam pakaad ke. Roog a fi’aan, ndax ta waag o lalit o cofel um, yaam ne andoona yee kaa maad’u o muñaa pakaad ke mbi’’eena yaaga.

A pi ake 8:36

Ye da maadna o ndetaa koy, a ndaawa o mbiñ onqaa jegna foofi, too jawdiin faa a layaan ee: «Mee ndax keeke foofi yoo, xar yaqanu o batiise’aam?» [

YEGIL MBAAX NE YEESU ne Saŋ a bindtuuna 14:6

Yeesu a doonaan ee: «Mi refu a ƭat ale fo ndigil ne fo o ñoow ole. O leng waagee o fad me Faap fee, too reeftee na mi.

1Saŋ 4:10

Mene o mbeq onqeene a refu: Refee yee in mbexu a Roog, ndaa Roog o mat fexu a in boo a luliid o Ƥeem, ndax ta ref sadax faa na ñufaa a qaw ale Roog no pakaad ke in.

1 Timote 3:16

Kunpa fee no reef a Roog tig maak oo: Roog kaa xawoox, a ref o kiin. Yiif le Roog a lalta yee a jofa, malaaka ke a nga’in, ta waare’el adna fa muum. Mayu na adna fee a ngimaan, cinj kaaga, ta yoɗel, a sipel kam o ndam um.

Mace 3:16

Yaa Yeesu a batiise’eena boo a ƴut, a sutooxa foofi laa. Asamaan fee a wetooxa too a ga’a Yiif le Roog a fudooxiidaa took um, a saxit nen a nuukuur.