1Saŋ 5:18 - NQAARIIT NE ROOG

¹⁸ I anda yee oxuu Roog a rimna genkee na bakaad. Oxe Roog a rimna kaa damooxaa, too o paaxeer oxe duqkiran.

1Saŋ 5:18 Referans Kwoze

1Saŋ 3:9

Oxuu Roog a rimna, naagee o genaa na bakaad, yaam ke Roog a duufna no ten kaa sax no ten, too oxeene kiin waagee o sax na bakaad, yaam Roog rimun.

1Saŋ 5:4

yaam we ndimeena na Roog fop kaa maafaa adna fee, too mbir ne maafna adna fee refu o ngim in.

Yudaa 1:21

Ndamooxyo kam o mbeq onqe Roog, ngen no cungaa yaa o Yaal in Yeesu Kiristaa kam o paaxel um a cooxkaa a nuun o ñoow o fagkeer ole.

1Saŋ 5:1

Oxuu gimna yee Yeesu refu Kiristaa fee, o Muumucil oxe regteena, o ƥiy o ndimte na Roog a refataa. Oxuu fexna a Roog fee rimuuna, a fexa itam we ndimteena no ten.

Yudaa 1:24

Roog oxe refna o leng, a ref o Muumucil in na pexey o Yaal in Yeesu Kiristaa, ten soom waagu o saytoox a nuun no njom nuu refna. O ten waagu o geenin a nuun itam no ndam um, nu ñak sik, ndef no ɗaay o maak. Yaasam ta ɓoxotel o ndam fo maat fa doole fa sañ-sañ no kaa xotitna no mberaand naa, a gar ndiiki bo na moos boo moos! Amiini.

1Saŋ 3:3

Ten taxu, oxuu jegna yaakaar neene no ten, kaa xoolandooxaa ne ta xoolitna ten fa xoox um.

Saak 1:27

Roog Faap fee kaa lay ee o reefin ndigil refu: O topatooxaa xa baan axe fo ñaaw we ndefna na coono, wootoox a xoox of itam, ndik paaxeer ke na adna fee a naxong, a mbi’noorong paaxeer.

1 Piyeer 1:23

Kaa nu ndimel o rimel o xas, refee no paap kaa mbarna o nqon, ndaa no ax kaa mbaageerna o nqon. Ax keene ndefu fa lay fa ñoowu fee Roog, na refkaa boo faw.

1Saŋ 2:29

Yaam ne nu andna yee Roog a jofa, andyo itam ee oxuu na fi’aa ke jofna, o ƥeem a refu.

YEGIL MBAAX NE YEESU ne Saŋ a bindtuuna 15:9

Ne Faap fee a fextaxama, fextum a nuun, yaaga koy, ngenyo no mbeq es.

A kim a tedu ke 119:101

Kaam fañ faƥit ee xotkiim a ƭat a paaxeer, ndax um gay ke hatna no don of.

A kim a tedu ke 18:23

Kaam gayaa bargal ke ten fop too deɓiim kebil ke ten.

A kim a tedu ke 17:4

Kuu lakas we a mbi’aa yoo, fa lay of um gayaa soo wootooxaa a ƭat no wiin balu-balu we.

Mbeeñil 2:13

Kaa tee: Andaam me genoona. Ten refu me gamb no maad le Saytaane a refna. Kaa o damoox no gon es, too fañiro o gim na mi. Fañino sax na jamaane fee o seede es o kore’u xe ne’eena Antipaas, a warit’eena me nuun, me Saytaane a genaa.

1Saŋ 5:21

Xa teɓandoong es, mbootooxyo o mbaɗoox ke refeerna Roog.

1Saŋ 4:6

In o mat, na Roog i mbogu. Oxe andna a Roog, kaa nan-gilooxaa a in. Oxe fogeerna na Roog koy, nan-gilooxkee in. Meene i andtaa Yiif le no ndigil ne fo yiif le na mo’andaa.

YEGIL MBAAX NE YEESU ne Saŋ a bindtuuna 15:7

Nu saxangaa na mi, fa lay es a gen na nuun, nu mbaaga o nqeɗ kuu nu mbugna, too xan nu ci’el o ten.

YEGIL MBAAX NE YEESU ne Saŋ a bindtuuna 1:13

axaa ndimtaandeena nen o kiin, too itam a yaaw cer gartiran mbaat buge-buge no kiin, ndaa da ngat a ngat na Roog.

Xa peƭit axe 4:23

Gaynaaki xeeñ of kupu tig lakas kuu refna, yaam no ten a cur ale no ñoow ole a refu.

A kim a tedu ke 39:1

O yaal a ƭat ale no jeejeek we a xoolne yee a kim alene kaa saq o jangooƭ ole Yedutun. A kim a tedu laa fogna na ke Dawid oo.

1Saŋ 3:12

Ba i nand fa Kayin fee fog’ina no paaxeer oxe, boo a xiris o ndeɓ um. Xar tax’u ta warin? Yaam a pi um kaa mbaax’ee, too a pi no ndeɓ um a njof.

A pi ake 11:23

Yaa ta fadiidna, boo a ga ne Roog a barke’itna gimu we, a felakinooxa. Maaga, a maƭooxa a den den fop, ndax da ndamoox no Yaal oxe fo xeeñ tigi.

YEGIL MBAAX NE YEESU ne Saŋ a bindtuuna 15:4

Saxyo na mi, um sax na nuun. Ne o par a waageerna o rimit, a refangee kaa sax no ndaxar, nuun itam nu mbaagee o saq xa tim, a refangee kaa nu sax na mi.

YEGIL MBAAX NE YEESU ne Saŋ a bindtuuna 14:30

Fa lay es fa nuun maykatee, yaam o maad adna feeke a inooxa, ndaa koy waaganiraam dara.

Saak 1:18

Kaa felin ta rimnoorit a in fa lay fee no ndigil ne, ndax i ndef taaw ndeer pindel um fop.

A kim a tedu ke 119:3

Weene naangee o mbi’aa paaxeer leng, ndaa kaa ñaaƴaa na ƭat um.

Mace 5:37

Fat fa lay nuun a ref ‹ii› mbaat ‹ha’aa›! Kuu nu ƥaatna taaga no ƈiƴ oxe a inooru.»

Mace 6:13

too ba o waas a in, i ndok no mbog, ndaa mucli a in no paaxeer oxe. [Yaam wo jegu maat fa katil fo o ndam bo na moos boo moos. Amiini.]›

1Saŋ 5:15

Boo i andna yee oxe nan-gilooxaa a in no ke i nqeɗan, fat i and itam ee i ndaawa ke i nqeɗuuna boo ƈut.

1Saŋ 5:19

I anda yee na Roog i mbogu, too adna fee fop oxe na sañ-sañ fee no paaxeer oxe.

1Saŋ 5:20

I anda itam ee o Ƥeenqe Roog a gara, too a ci’a a in o and, ndax i and o Tiindigil oxe refna Roog. In wey no Tiindigil oxe na pexey o Ƥeem Yeesu Kiristaa. Yeesu feene koy refu Roog fa ndiindigil fee fo o ñoow o fagkeer ole.

A paɗax ale 11:37

A refangaa no ax kaa mbareena o nduuf, xan a maad o nqoolaa.