1Saŋ 5:16 - NQAARIIT NE ROOG

¹⁶ Boo o kiin a ga’na o pog um a fi’aa bakaad faa naageerna o ɓisaa na fa nqon, fat a xeɗanin. Neene, xan a coox o pog um oxaaga o ñoow ole. O ñoow oleene, xan we mbi’na bakaad faa naageerna o ɓisaa na fa nqon a ndaawin. A jega itam bakaad faa na ɓisaa na fa nqon. Layiim a nuun nu nqeɗan bakaad feene.

1Saŋ 5:16 Referans Kwoze

Yeremi 11:14

Wo Yeremi koy, ba o xeɗan xeet fene. Ba o loolooxan mbaat o xeɗooxan a den, nan-gilooxkiim a den, yaa da ƈufginooxaxam yaa fa taamaala fee den.»

1 Sami’el 2:25

Boo o kiin a tooñna o kend um, xan Roog a waag o ref o ndok-a-ndeer onqe, ndaa o mat, boo o kiin oxe a tooñna o Yaal oxe, an na xeɗooxankan?» Kaa koy, weene a mbaña o nan-giloox a faap den, yaam o Yaal oxe kaa bug’u o saŋik a den.

YEGIL MBAAX NE YEESU ne Lik a bindtuuna 12:10

Oxuu wenna o Ƥeenqe no kiin oxe, a waage o waasan. Kaa koy, oxuu wenna Yiif Tedu le, waasankaand.

Yeremi 14:11

Cinj kaaga, o Yaal oxe a layaxam ee: «Ba o xeɗan xeet feene kaa maluuna.

Yeremi 7:16

«Wo Yeremi, ba o xeɗan xeet fene. Ba o loolooxan mbaat o xeɗooxan a den. Ba o ƴufginoox paam es, yaam nan-gilooxkiroong.

A lim ale 15:30

Kaa koy, boo o Ii-isra’el mbaat o gataakoon a diyna o bakaad, a tooñaxam, mi o Yaal oxe, too oxeene kiin fat a sutel xeet fee.

A sutax ale 34:9

«O Yaal oxe, a soƥangaa yee ci’axamo yirmande of, mexe xeɗang o ñaaƴaa fa in. Andaam ee xeet feeke wiin saƭku a qoox a ndefu, ndaa waasani a in njofaƭar in fo pakaad in soo fi a in, i ndef o jeg of.»

Mberaand 20:17

Abraham a xeɗa a Roog, soo ta wodand a Abimelek fo o teem fo jeefeer um. Rew we a mbaag’ata o njeg xa ƥiy.

Mberaand 20:7

Ndiiki koy, jangi o tew oxe, ɓoxotin o kor um, yaam o koor oxeene o tuleer a refu, yaaga xan a xeɗanong, too xan o ñoow. Kaa koy, o ɓoxotangiran o teem, andi yee wo fo o jeg of fop xan nu saŋkoox.»

A kim a tedu ke 106:23

Kaa heboox’u o saŋik a den, ndaa Moyiis fee ta jil’ina a xeɗooxaan, boo ta waas fuux le ten, a fañat o moocand a den.

YEGIL MBAAX NE YEESU ne Saŋ a bindtuuna 17:9

Den um xeɗanaa. Xeɗaniim wiin adna we, ndaa we lasaxamoona um xeɗanaa, yaam wo jegu a den.

Heseki’el 22:30

Waaƭaam a ndeer den o koor oxaa maxanna a den saŋe, a geenoox mbaambir es no gur ole, a farit saax le, ndax gefkinum, ndaa koy ga’iim.

A lim ale 12:13

Maaga, Moyiis a xeɗooxa o Yaal oxe yee: «Wo Roog, mexe xeɗang o wodandin!»

2 Timote 4:14

Aleksaandar o paal o tafax oxe a fi’axam ƭomu, ndaa xan o Yaal oxe a rabdin a pi um.

1 Sami’el 12:19

Xeet faa fop a laya a Sami’el ee: «Xeɗooxani a in o Yaal oxe Roog of, in we dag of, ndax i saŋkooxkee, yaam i ƥaata no pakaad in a qeƭ ale no maad oxe.»

1Saŋ 5:17

Njofaƭar nuu refna bakaad oo, ndaa a jega bakaad faa naageerna o ɓisaa na fa nqon.