1Saŋ 5:13 - NQAARIIT NE ROOG

¹³ Bindaam a nuun keene fop, ndax nu and ee nu njega o ñoow o fagkeer ole, nuun we ngimna no gon no Ƥeenqe Roog.

1Saŋ 5:13 Referans Kwoze

YEGIL MBAAX NE YEESU ne Saŋ a bindtuuna 20:31

Ke bindeena teen, kaa bindel, ndax nu ngim ee Yeesu refu Kiristaa fee, o Muumucil oxe regteena, refna ref o Ƥeenqe Roog. Nu ngimangaa, xan nu ndaaw o ñoow ole no gon um.

YEGIL MBAAX NE YEESU ne Saŋ a bindtuuna 1:12

Kaa koy, Roog a fi’a jam boo we njaɓuuna fop, a ngim no gon um, ta ci a den da ndefat xa ƥiy Roog

1Saŋ 3:23

Keeke refu kebil ne ten: Fat i ngim no gon no Ƥeem Yeesu Kiristaa, too mbexir a ndeer in ne ta heblituuna.

YEGIL MBAAX NE YEESU ne Saŋ a bindtuuna 3:18

Oxuu gimna no ten hate’kaand, ndaa oxuu gimeerna a hate’e boo a ƴut, yaam ne ta gimeerna no Ƥiy o leng kut onqe Roog.

1Saŋ 2:21

Bindaam a nuun, refee yee yaam nu andee ndigil ne, ndaa ne nu anduuna. Nu anda itam ee o maaɓ o leng inoorkee no ndigil ne.

Galati 4:6

Ne nu ndefna xa ƥiy xa time taxu Roog a luliid Yiif no Ƥeem kam in. Yiif leene koy na falalooxaa yee: «Aba, Faap!»

1Saŋ 5:10

Oxe gimna no Ƥeenqe Roog, a jega seede feene kam um. Oxe gimeerna na Roog, a fi’aan o maamaaɓ, yaam gimee seede fee Roog a seede’anna o Ƥeem.

1Saŋ 2:1

Xa teɓandoong es, kaam bindaa a nuun keene, ndax nu mbakaadkee. Kaa koy, o kiin a bakaadangaa, i njega o paafarit paam Faap fee, ta ref Yeesu Kiristaa, o cofu xe.

1Saŋ 1:4

In we mbindaa a nuun keene, ndax o ɗaay in a ñak sik.

1 Piyeer 5:12

Mexe bindaa a nuun a ƭelem a leng-leng akeene no ndimle Silwe fee fi’uuma nen o pog o kore’u, ndax um saƭakin a nuun, soo seede yee keene refu yirmande fa ndigil fee Roog. Saƭikyo a paax no ten!

2 Korint 5:1

A woora a in ee ƭiif in neeke no lanq ke, ta ref cer in, a yaqooxangaa yoo, i njega na asamaan mbind naa Roog a geekanna a in, ta ref cer aa-asamaan. Kaa ref ngenand njegee muukandoong naa o ɓay no kiin a maxeerna.

A pi ake 4:12

Yaaga boog, no ten soom a muc a waage o jegit, yaam jegee ɗuga asamaan gon lakas laa Roog a ci’itna ndeer no wiin we, ndax i muc.»

YEGIL MBAAX NE YEESU ne Saŋ a bindtuuna 2:23

Ye Yeesu a refna Yeerusaleem na Xew fee na colandax ale, mayu a ngima no ten, ye da nga’na xa anddiloor axe ta fi’oogna.

1Saŋ 2:26

Bindaam a nuun keene, yaam we na mo’andaa a nuun.

A pi ake 3:16

Katil fee no gon le Yeesu saƭkinu o koor oxeeke nu nga’aa, too andin. Ne ta gimna no gon le Yeesu o mat taxu ta wod boo ceŋ mbaambir nuun, nuun fop.

YEGIL MBAAX NE YEESU ne Saŋ a bindtuuna 21:24

O taalbe xeene o mat seede’u keene, soo a bindin. I anda itam ee seede um a saƭka.

YEGIL MBAAX NE YEESU ne Saŋ a bindtuuna 5:24

No ndigil, no ndigil, mexe layaa a nuun ee: Oxuu nan-gilooxna fa lay es, a gim no xe luliidaxama, a jega o ñoow o fagkeer ole, too geenooxkee no nqeloor naa muk, yaam kaa inoor na fa nqon a rok no ñoow.

1Saŋ 2:25

Ke ta regna a in refu ndegit ne no ñoow o fagkeer ole.

1Saŋ 4:9

Mene o mbeq onqe Roog a feeñtu na in: A luliida o Ƥiy o leng kut onqe ta jegna kam adna fee, ndax i ñoow na pexey um.

1Saŋ 5:11

Seede feene refu yee: Kaa Roog a ci a in o ñoow o fagkeer ole, too o ñoow oleene oxe no Ƥeem.

1Saŋ 5:20

I anda itam ee o Ƥeenqe Roog a gara, too a ci’a a in o and, ndax i and o Tiindigil oxe refna Roog. In wey no Tiindigil oxe na pexey o Ƥeem Yeesu Kiristaa. Yeesu feene koy refu Roog fa ndiindigil fee fo o ñoow o fagkeer ole.