1Saŋ 5:10 - NQAARIIT NE ROOG

¹⁰ Oxe gimna no Ƥeenqe Roog, a jega seede feene kam um. Oxe gimeerna na Roog, a fi’aan o maamaaɓ, yaam gimee seede fee Roog a seede’anna o Ƥeem.

1Saŋ 5:10 Referans Kwoze

O leetar ole Pool a bindna GIMU WE NGENNA ROM 8:16

Yiif le Roog fa xoox um sax kaa woornaa a yiif in ee xa ƥiy Roog i ndefu.

Galati 4:6

Ne nu ndefna xa ƥiy xa time taxu Roog a luliid Yiif no Ƥeem kam in. Yiif leene koy na falalooxaa yee: «Aba, Faap!»

YEGIL MBAAX NE YEESU ne Saŋ a bindtuuna 3:33

Oxe jaɓna seede um o mat, a lalta a qool qac ee Roog ndigil oo.

YEGIL MBAAX NE YEESU ne Saŋ a bindtuuna 5:38

too fa lay um genee na nuun, yaam nu ngimee no xe ta luliidna.

Hebre 3:12

Fog we, mbootooxyo yaam ndik o leng na nuun a saq xeeñ faaxaƭaru mbaat ngimaƭar naa taxna ta fes a Roog fa ñoow jok fee a cinj.

A lim ale 23:19

Roog refee o kiin boo a maaɓaa, refee o ƥiy Aadama boo a jegaa o ndicax. Ndax fi’kee ke ta layna? Ke ta regitna, xan a fadnin.

1Saŋ 5:1

Oxuu gimna yee Yeesu refu Kiristaa fee, o Muumucil oxe regteena, o ƥiy o ndimte na Roog a refataa. Oxuu fexna a Roog fee rimuuna, a fexa itam we ndimteena no ten.

1Saŋ 1:10

Boo i layna yee i naangee o mbakaadaa, kaa i maaɓnan, too fa lay um refee na in.

A kim a tedu ke 25:14

O Yaal oxe kaa feeñlaa we saɗaruuna kunpa um soo a aqatinaa a den ngiɓoor um.

Mbeeñil 2:17

Oxuu jegna nof, fat a nan-giloox ke Yiif le a layaa pokatax ke no gimu we: ‹Oxe na maafkaa, xam ci’in maan fa ƭasu. Xam ci’in itam ɓil ran fur. Took ɓil leene koy, gon xas a binde teen. Gon le o mat, o leng andiran a refangee oxe na daawkan.› »

Kolos 3:3

yaam kaa nu nqon, soo o ñoow nuun a fokatel fa Kiristaa na Roog.

Xa peƭit axe 3:32

O Yaal oxe kaa sib wiin jofaƭaru we, ndaa kaa ref xaariit no jofu we.

Mbeeñil 12:17

Maaga, Niŋki-naŋka a fuuxana o tew oxe, too a reta a ñoxorik fo we yoq’ina na xa taan um, ndefna we na ngeekaa kebil ke Roog, too a ndam no ndigil ne Yeesu a feeñilna.

Mbeeñil 2:28

Mi fa xoox es na Faap es daawtum sañ-sañ feene took qeet ke. Xam ci oxe na maafkaa itam o xoor mbeet ole.

2 Piyeer 1:19

Yaam keene, i moƴahina o ngim ke duleer we Roog a yegnit’ina. Nu mbaraan o ngorooxaa a paax, yaam kaa ref nen o lampa laa na kaƥaa kam o niɓaan, boo yaa Roog a feedna, o xoor o maak ole ne’eena o Mbuŋa a feeñ kam a qeeñ nuun.

YEGIL MBAAX NE YEESU ne Saŋ a bindtuuna 3:16

Yaam Roog a fexa adna fee boo a ci’it o Ƥiy o leng kut onqe ta jegna, ndax oxuu gimna no ten saŋkooxkee muk, ndaa ndax ta jeg o ñoow o fagkeer ole.

Esayi 53:1

An gimu ke i nanna ta layteel? An anddu katil ne na ñamaak ale no Yaal oxe?

Ke bindeena no xe ne’eena YOB 24:25

Ke layuuma jegu! An saɗaxam o maaɓin boog, a fi fa lay es yaq a ƥay o don?

Yeremi 15:18

Xar taxu coono es a gen kili? Xar taxu boo uut le mi waagee o wod, a fañ faƥit ee fi’kee aak? No ndigil kaa o ref na mi nen a ƈufnand alaa na ŋiisaa, nen poofi kaa na naxaa oxe hoɗomeena.

YEGIL MBAAX NE YEESU ne Saŋ a bindtuuna 3:18

Oxuu gimna no ten hate’kaand, ndaa oxuu gimeerna a hate’e boo a ƴut, yaam ne ta gimeerna no Ƥiy o leng kut onqe Roog.

Galati 4:1

Too sax o mat, a mbanuu o lam oxe a maadna o refaa o njaaƈ, kaam lay ee jektiree fo o paɗ na dara, ke ta refna o yaal halal fee fop oo.

A pi ake 8:37

Filip a layaan ee: «Boo gimoona no xeeñ of fop, a waagooxa.» Jawdiin faa a doonaan ee: «Gimaam ee Yeesu Kiristaa refu o Ƥeenqe Roog.»]