1Saŋ 4:9 - NQAARIIT NE ROOG

⁹ Mene o mbeq onqe Roog a feeñtu na in: A luliida o Ƥiy o leng kut onqe ta jegna kam adna fee, ndax i ñoow na pexey um.

1Saŋ 4:9 Referans Kwoze

YEGIL MBAAX NE YEESU ne Saŋ a bindtuuna 3:16

Yaam Roog a fexa adna fee boo a ci’it o Ƥiy o leng kut onqe ta jegna, ndax oxuu gimna no ten saŋkooxkee muk, ndaa ndax ta jeg o ñoow o fagkeer ole.

1Saŋ 5:11

Seede feene refu yee: Kaa Roog a ci a in o ñoow o fagkeer ole, too o ñoow oleene oxe no Ƥeem.

O leetar ole Pool a bindna GIMU WE NGENNA ROM 8:32

Roog feene wuusee o Ƥeem, ndaa a ɓoxotaan yaam in fop. Xar na taxkaa boo ci’kee a in, i njeg fop fo ten?

YEGIL MBAAX NE YEESU ne Saŋ a bindtuuna 6:57

Oxuu ñaamaxama, xan a ñoowit na mi, ne um ñoowtaa na Faap fa ñoow jok fee lulaxama.

1Saŋ 4:10

Mene o mbeq onqeene a refu: Refee yee in mbexu a Roog, ndaa Roog o mat fexu a in boo a luliid o Ƥeem, ndax ta ref sadax faa na ñufaa a qaw ale Roog no pakaad ke in.

1Saŋ 3:16

Mene i anditkaa o mbeq onqe: Kiristaa a ɓoxota o ñis um yaam in. Ten taxu in itam, i mbara o ƥoxot o ñis in yaam fog in.

YEGIL MBAAX NE YEESU ne Saŋ a bindtuuna 10:10

O kuuɗ, nguuƭ fo a bar fo yaq na inan. Mi koy, kaam gar, ndax paal ke mi a njeg o ñoow, a njegin ta dey sik.

YEGIL MBAAX NE YEESU ne Saŋ a bindtuuna 6:51

Mi refu mbuuru ne no ñoow ole hatna na asamaan. Oxuu ñaamna no mbuuru neene koy xan a ñoowaa boo faw. Mbuuru ne um ci’taa koy refu cer es ke um ci’itkaa, ndax adna fee a ñoow.»

YEGIL MBAAX NE YEESU ne Saŋ a bindtuuna 3:18

Oxuu gimna no ten hate’kaand, ndaa oxuu gimeerna a hate’e boo a ƴut, yaam ne ta gimeerna no Ƥiy o leng kut onqe Roog.

Hebre 1:5

yaam Roog mosee o lay fa leng no malaaka keene ne ta bindteena yee: «Wo refu o Ƥees, xaye mi rimong.» Roog mosee o lay itam no kaa jofna na malaaka ne ta bindteena yee: «Xam refanin Faap, soo ta refanaam o Ƥiy.»

YEGIL MBAAX NE YEESU ne Saŋ a bindtuuna 8:42

Yeesu a laya a den ee: «Roog a reeƭangaa Faap nuun, nu mbexkoogaxam, yaam na Roog inoorum, garaa. Refee yee mi inu a xoox es, o ten luliidaxam.

YEGIL MBAAX NE YEESU ne Lik a bindtuuna 4:18

«Yiif le no Yaal oxe xe took es. Kaa ɗuumaam ndax um yegnik rool we Yegil mbaax ne, a lulaam ndax um yegin faɗ we a bat ale, yegin we mbuulna o ga ole, soo wokit we toroxandeena,

Mark 12:6

O ƥeem onqe ta fexna fex soom yoq’u. Ten a falaku o lulaa maa den, yaam kaa layoogu yee: ‹Xan a niw o ƥees.›

1Saŋ 4:16

In o mat, i anda ne Roog a fexitna a in, too i ngimaan. Roog o mbeq oo. Oxe genna no mbeq, na Roog a genu, too Roog itam, no ten a genu.

YEGIL MBAAX NE YEESU ne Saŋ a bindtuuna 14:6

Yeesu a doonaan ee: «Mi refu a ƭat ale fo ndigil ne fo o ñoow ole. O leng waagee o fad me Faap fee, too reeftee na mi.

YEGIL MBAAX NE YEESU ne Saŋ a bindtuuna 6:29

Maaga, Yeesu a doona a den ee: «A pi ale Roog a bugna refu yee nu ngim no xe ta luliidna.»

YEGIL MBAAX NE YEESU ne Saŋ a bindtuuna 8:29

Oxe lulaxama, oxe fa mi. Xaƴiraam sang es, yaam kaam fi’aa kili ke feluuna.»

YEGIL MBAAX NE YEESU ne Saŋ a bindtuuna 5:23

ndax fop a niwit o Ƥeenqe ne da niwitna a Faap fee. Oxe niweerna o Ƥeenqe, niwee a Faap fee luliiduuna.

A kim a tedu ke 2:7

Kaam lambnaa ke o Yaal oxe a dalinna. A layaxam ee: «Wo refu o ƥees, xaye mi rimong.

Mberaand 22:2

Roog a layaan ee: «Jangi o ƥiy o leng kut onqe jegoona, Isaak fee fexoona fex, o ret no saax laa Moriya ɓoxotin maaga, nen sadax fa ndoxel took o leng na xa coong axe um lalkang.»

YEGIL MBAAX NE YEESU ne Saŋ a bindtuuna 9:3

Yeesu a doona a den ee: «Pakaad um mbaat pakaad no we ndimuuna ngartiran. O ga’angaa ta fuul, kaa a pi Roog a mbar o mbeeñit no ten.

1Saŋ 5:13

Bindaam a nuun keene fop, ndax nu and ee nu njega o ñoow o fagkeer ole, nuun we ngimna no gon no Ƥeenqe Roog.