1Saŋ 4:7 - NQAARIIT NE ROOG

⁷ Fog es we fexuuma, fat i mbexir, yaam o mbeq, na Roog a inooru. Oxuu jegna o mbeq, Roog rimun, too a anda a Roog.

1Saŋ 4:7 Referans Kwoze

1Saŋ 4:20

O kiin a layangaa yee: «Fexaam a Roog», soo a sib o pog um, oxeene o maamaaɓ oo. Oxe waageerna o fex o pog um oxe ta ga’aa, nam a waagu o fexit a Roog fee ta ga’eerna?

1Saŋ 4:8

Oxe jegeerna o mbeq koy, andee a Roog, yaam Roog o mbeq oo.

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.

1Saŋ 2:10

Kaa koy, oxe fexna o pog um, kaa gen kam a qoolaand ale, too jegee no ten a panq a leng alaa waagna o tolofnoor o kiin.

Galati 5:22

Kaa koy, ke Yiif le Roog a rimaa no kiin refu: O mbeq fo o ɗaay fa jam fo o muñ fo o laabiir fo o paaxel. Kaa taxaa itam i ngore,

2 Timote 1:7

Ke Yiif le Roog a ci’na a in naagee o riñaa no deyaƭar. Kaa cooxtaa doole fo o mbeq fo o and.

1Saŋ 4:12

O leng mosee o ga a Roog. Boo i mbexirna a ndeer in, Roog kaa genaa na in, soo o mbeq um a fadnoor na in.

1Saŋ 2:29

Yaam ne nu andna yee Roog a jofa, andyo itam ee oxuu na fi’aa ke jofna, o ƥeem a refu.

YEGIL MBAAX NE YEESU ne Saŋ a bindtuuna 17:3

O ñoow o fagkeer ole koy refu yee da andong, wo fee refna Roog fa leng fa ndigil fee, a and itam oxe luliidoona, ta ref Yeesu Kiristaa.

2 Korint 4:6

Roog fee layna yee: «Fat a qoolaand ale a naag dañ kam o niɓaan ole», ten naagu dañ kam a qeeñ in, ndax ta andnoor a in o ndam onqe Roog na meleƈtaa na tagid Kiristaa.

A cangatin ale 30:6

Xan o Yaal oxe Roog nuun a xuc a qeeñ nuun fo ake na xa taan nuun, too xan nu mbex o Yaal oxe Roog nuun na qeeñ nuun fop fo na xa laaw nuun fop. Neene, xan nu ñoow,

Galati 4:9

Ndiiki koy, ye nu andna a Roog boo ƈut mbaat ye Roog a andna a nuun, nam nu mbugu o nomtoorit na ƭat ale na adna fee jegeerna o njiriiñ, ndax nu ndakoox o ndef faɗ den?

YEGIL MBAAX NE YEESU ne Saŋ a bindtuuna 13:34

Mexe cooxaa a nuun kebil nqas: Fat nu mbexir! Kaam ee fat nu mbexrit, ne fextuuma a nuun.

1 Korint 8:3

Kaa koy, oxuu fexna a Roog, Roog a andaan.

1Saŋ 2:3

I ngayangaa kebil ke ten, maaga i anditkaa yee i anda o Yaal oxe.

1Saŋ 2:4

Oxuu layna yee: «Andaanum», too gaykee kebil ke ten, oxeene kiin o maamaaɓ oo, too ndigil leng refee no ten.

1Saŋ 2:7

Fog es we fexuuma, refee yee kebil nqas um bindaa a nuun, ndaa kebil ngiid naa nu njeg’ina, yaa nu eetna o ngim boo ndiik. Kebil ngiid neene refu fa lay fee nu nanna.

1Saŋ 3:9

Oxuu Roog a rimna, naagee o genaa na bakaad, yaam ke Roog a duufna no ten kaa sax no ten, too oxeene kiin waagee o sax na bakaad, yaam Roog rimun.

1Saŋ 4:11

Fog es we fexuuma, Roog a fextangaa a in neene, i mbara o mbexir a ndeer in, in itam.

1Saŋ 4:16

In o mat, i anda ne Roog a fexitna a in, too i ngimaan. Roog o mbeq oo. Oxe genna no mbeq, na Roog a genu, too Roog itam, no ten a genu.

1Saŋ 5:1

Oxuu gimna yee Yeesu refu Kiristaa fee, o Muumucil oxe regteena, o ƥiy o ndimte na Roog a refataa. Oxuu fexna a Roog fee rimuuna, a fexa itam we ndimteena no ten.

2Saŋ 1:5

Ndiiki koy, leng kut bugoong o xeɗ, wo ya es, too refee kebil nqas, yaam no mberaand naa i ndaawun, ta ref ee: Fat i mbexir a ndeer in.