1Saŋ 4:6 - NQAARIIT NE ROOG

⁶ In o mat, na Roog i mbogu. Oxe andna a Roog, kaa nan-gilooxaa a in. Oxe fogeerna na Roog koy, nan-gilooxkee in. Meene i andtaa Yiif le no ndigil ne fo yiif le na mo’andaa.

1Saŋ 4:6 Referans Kwoze

YEGIL MBAAX NE YEESU ne Saŋ a bindtuuna 14:17

O Yaayaal oxeene refu Yiif le Roog saqna ndigil ne, ndaa o kiin adna waagiran o jaɓ, yaam ga’iran too andiran. Nuun o mat, nu andaan, yaam fa nuun a genu, too xan a ref na nuun.

YEGIL MBAAX NE YEESU ne Saŋ a bindtuuna 10:27

Paal ke mi kaa nan-gilooxaa o ñuxur es. Andaam a den, too a naangaxam o ndeefaa.

YEGIL MBAAX NE YEESU ne Saŋ a bindtuuna 15:26

Boo o Yaayaal oxe um luliidkaa me nuun, yaa retuuma maa na Faap faa a garna, xan a lalit oxe refuuma. O Yaayaal oxeene refu Yiif le saqna ndigil ne, too na Faap fee a hatu.

1Saŋ 4:1

Fog es we fexuuma, baa yiif luu garna gar nu ngimin! Kaa koy, ngorooxyo a yiif ake boo nga, ndax na Roog a inooru ndax nam, yaam kaa duleer maamaaɓ mayu a ndokiid na adna fee.

1Saŋ 4:4

Nuun xa teɓandoong es, na Roog nu mbogu, too nu maafa duleer maamaaɓ weene, yaam oxe refna na nuun hupu oxe refna na adna fee.

YEGIL MBAAX NE YEESU ne Saŋ a bindtuuna 18:37

Pilaat a layaan ee: «O maad refo boog?» Yeesu a doona yee: «Ne’aano boo ƴut, o maad refum tigi. Kaam rimel, gar na adna fee, ndax um seede’anaa ndigil ne. Oxuu fogna no ndigil ne kaa nan-gilooxaa o ñuxur es.»

1 Korint 14:37

O kiin a foogangaa yee oxaa na jo’tanaa a Roog oo mbaat ta foog ee kaa daaw ci’it lakas no Yiif le, fat a ɓek no yiif um ee keene binduuma kebil no Yaal oxe yoo.

2 Tesalonik 1:8

kam fiɗel laa na miric-miricnaa. A koom kañ, ta xaw wiin we andeerna a Roog too a mbañ o nanan Yegil mbaax ne no Yaal in Yeesu.

YEGIL MBAAX NE YEESU ne Saŋ a bindtuuna 16:13

Kaa koy, yaa Yiif le Roog saqna ndigil ne a garkaa, xan a ɗox a nuun no ndigil ne fop, yaam layitkee a xoox um, ndaa ke ta nanna rek, too xan a yegin a nuun kaa fadiidafuleerna.

Mise 3:8

Mi o mat, kaam may fa doole, may fo Yiif le no Yaal oxe, may fo o cofel fo njambaar, ndax um andnoor a Yakoob tooñ um, feedin a Isra’el pakaad um.

1Saŋ 4:8

Oxe jegeerna o mbeq koy, andee a Roog, yaam Roog o mbeq oo.

1 Timote 4:1

Kaa koy, Yiif le Roog kaa layaa a qool qac ee no ñaal palakaand ke xan leng-leng a mbes o ngim onqe a cinj, a saaƭoox na yiif a naanaxir, a ndeefaa a cangin cini.

YEGIL MBAAX NE YEESU ne Saŋ a bindtuuna 13:20

No ndigil, no ndigil, mexe layaa a nuun ee: Oxuu dalinna oxaa luluuma, mi fa xoox es a dalnu, too dalnaxama, oxe luliidaxama sax a dalnu.»

YEGIL MBAAX NE YEESU ne Saŋ a bindtuuna 8:19

A laamtaan ee: «Taa faap of?» Yeesu a doona yee: «Nu andiraam, nu andee a Faap es. E, yaam nu and’angaam, nu andkooga a Faap es.»

YEGIL MBAAX NE YEESU ne Lik a bindtuuna 10:22

Faap es a cooxaxam fop, too o leng andee o Ƥeenqe a refangeerna Faap fee. O leng andee a Faap fee itam, a refangeerna o Ƥeenqe fo xaa ta buguuna o feeñil.»

Hoose 4:12

Xeet es kaa nga’raa fo xa taaƴ den, too o loq den na feeñlaa a den ke da mbarna o mbi. Yiif njaga kaa mo’andaa a den, da nqaƴaam, a mbaɗooxaa roog lakas, nen o tew oxaa soobooxna no njaga.

Esayi 29:10

yaam o Yaal oxe kaa ɓek na nuun yiif ɗaaɗaan, a fuulin a kid nuun ndefna duleer we soo a muur xoox nuun refna ɗeet we.

Esayi 8:20

«Na cangin ale no Yaal oxe fo no seede ne ten a nomtax a helu.» A layangee neene, nga’kee mbeet ne.

Yudaa 1:17

Nuun we fexuuma koy, mbetandooxyo padafuleer ke apootar we no Yaal in Yeesu Kiristaa a yegnit’ina yaaga.

2 Piyeer 3:2

boo nu mbaag o mbetandoox yegnit padafuleer ke no duleer tedu we yaaga, mbetandoox itam kebil ne no Yaal oxe fo o Muumucil oxe, apootar we nuun a njanginna.

2 Korint 10:7

Mbi’yo o ndang, too naang jak fo a kid nuun ne tikoorik ke a nandna. Oxuu ta woorna yee Kiristaa jegun, fat a ɓek no yiif um ee neene itam Kiristaa a jegtu a in.

O leetar ole Pool a bindna GIMU WE NGENNA ROM 11:8

A Pind a Tedu ke a lay’a kaa jofna teen ee: «Kaa Roog a dirin a yiif den, a fuulin a kid den boo nga’ee, a sux nof den boo nanee. Keene koy, kaa maadaa boo no ñaal ne xaye.»

O leetar ole Pool a bindna GIMU WE NGENNA ROM 1:1

Mi Pool, o paɗ Kiristaa Yeesu na bindaa a nuun o leetar oleeke. Roog kaa xoyaam ndax um ref apootar, a kesaam, ndax um yegnitik Yegil mbaax ne ten.

YEGIL MBAAX NE YEESU ne Saŋ a bindtuuna 20:21

Yeesu a dakooxa o lay a den ee: «Jam fa nuun! Ne Faap fee a lultaxama, mi itam, mexe lultaa a nuun neen.»

YEGIL MBAAX NE YEESU ne Saŋ a bindtuuna 10:16

Jegaam koy paal lakas kaa ndefeerna no ged leeke, too waraam o xotiid a den. Xan a nan o ñuxur es, ged leng kut a jegat, da mbog o kaynaak o leng koŋ.

Mise 2:11

A jeg’angaa oxaa na yegnitaa xa koɓong, a maaɓaa a nuun ee: «Biiñ fo a yer a qaaɗu xan a naang gañ», oxeene waagkoogu refan xeet fene o tuleer.

YEGIL MBAAX NE YEESU ne Saŋ a bindtuuna 8:23

Yeesu a dakooxa o lay a den ee: «Nuun, a lanq nu ngatu, mi, um hat took. Wiin adna feeke nu ndefu, too mi o mat, refiim o kiin adna fee.

YEGIL MBAAX NE YEESU ne Saŋ a bindtuuna 10:3

Xan oxe fe’iidna a xaƴin ta suur, too paal ke a andda o ñuxur um. Kaa taaraa no gon mbaal nuu refna, a ɗox a den da sutoox.

1Saŋ 5:19

I anda yee na Roog i mbogu, too adna fee fop oxe na sañ-sañ fee no paaxeer oxe.

2 Caloori ke 18:21

A doonaan ee: ‹Xam ret, laynoor duleer we ten fop xa maaƥ.› O Yaal oxe a layaan ee: ‹Kaaga pexey mbaax oo ndax o naxin. Reti o fi naaga!› »