1Saŋ 4:21 - NQAARIIT NE ROOG

²¹ O ten sax cooxu a in kebil nene: Oxuu fexna a Roog, fat a fex o pog um itam.

1Saŋ 4:21 Referans Kwoze

A paɗax ale 19:18

Ba nu ndabdinoox, too ba nu mbuuxan o pog nuun. Fat oxuu refna a fex o kend um nen a xoox um. Mi refu o Yaal oxe.

1Saŋ 3:11

Ke yegnit’eena fo ke nu nanna yaa fo mberaandoong naa, ten refu yee i mbara o mbexir.

1 Tesalonik 4:9

Soxla’ee nu mbindel kaa farna no ne nu mbarna o mbexrit a ndeer nuun, yaam nu njangtaan na Roog.

1 Piyeer 3:8

Ndiiki koy, njegyo nuun fop xalaat fa leng kut, too mbog o liir. Njegyo a ndeer nuun o mbeq fa yirmande fo a neewandax.

Galati 5:14

Yaam kebil ke Roog fop, no ɗelem o leng kut a mbadnooru, ta ref o ɗelem olene: «Fat o fex o kend of nen a xoox of.»

YEGIL MBAAX NE YEESU ne Saŋ a bindtuuna 15:12

Keeke koy refu kebil es: ‹Mbexrityo, ne fextuuma a nuun.›

1Saŋ 3:23

Keeke refu kebil ne ten: Fat i ngim no gon no Ƥeem Yeesu Kiristaa, too mbexir a ndeer in ne ta heblituuna.

1Saŋ 3:14

I anda yee i njangoorta na fa nqon, ngat no ñoow ole, yaam kaa i mbex fog in. Oxuu jegeerna o mbeq, na fa nqon a genu.

1 Piyeer 4:8

Eetyo mbexir a paax a ndeer nuun, yaam o mbeq onqe kaa muuraa pakaad mayu.

YEGIL MBAAX NE YEESU ne Lik a bindtuuna 10:37

O caajangin oxaa no kebil ke a doonaan ee: «Oxe yirim’uuna.» Maaga, Yeesu a layaan ee: «Reti, too fi naaga!»

1Saŋ 4:11

Fog es we fexuuma, Roog a fextangaa a in neene, i mbara o mbexir a ndeer in, in itam.

Galati 5:6

No we ngimna na Kiristaa Yeesu, xucoox fo o ñak o xucoox mbodu, too ƭaxee dara. O ngim onqe o mbeq a ñoownaa soom jegu o njiriiñ.

1Saŋ 3:18

Xa teɓandoong es, ba i mbex na ñiiñ fo na fa lay soom, ndaa fat i njeg o mbeq na pi fo no ndigil.

Mace 5:43

«Nu nana ne ta layit’eena yee: ‹Fat o fex o kend of soo fañ o pañ of.›

1Saŋ 2:7

Fog es we fexuuma, refee yee kebil nqas um bindaa a nuun, ndaa kebil ngiid naa nu njeg’ina, yaa nu eetna o ngim boo ndiik. Kebil ngiid neene refu fa lay fee nu nanna.