1Saŋ 4:20 - NQAARIIT NE ROOG

²⁰ O kiin a layangaa yee: «Fexaam a Roog», soo a sib o pog um, oxeene o maamaaɓ oo. Oxe waageerna o fex o pog um oxe ta ga’aa, nam a waagu o fexit a Roog fee ta ga’eerna?

1Saŋ 4:20 Referans Kwoze

1Saŋ 3:17

O kiin a jegangaa kalal adna, too a ga o pog um a ref na soxla, soo ta ɓalgin laaw um, nam o mbeq onqe Roog a gentu no ten?

1Saŋ 2:9

Oxe na layaa yee: «Mexey kam a qoolaand ale», too fexee o pog um, a maada no niɓaan ole.

1Saŋ 4:12

O leng mosee o ga a Roog. Boo i mbexirna a ndeer in, Roog kaa genaa na in, soo o mbeq um a fadnoor na in.

1Saŋ 2:4

Oxuu layna yee: «Andaanum», too gaykee kebil ke ten, oxeene kiin o maamaaɓ oo, too ndigil leng refee no ten.

1Saŋ 2:11

Kaa koy, oxe fexeerna o pog um, no niɓaan ole a refu. Kaa ñaaƴaa no niɓaan ole itam, too andee me ta jofaa, yaam o niɓaan ole kaa muur a kid um.

1 Piyeer 1:8

Nu mbexaan, too nu mosiran o nga. Boo ndiik, nu nga’afuliran, ndaa kaa nu ngimaa no ten, soo mbelakinooxaa fo o ɗaay o maak o jegu o ndam onqaa waagaandeena o lay,

1Saŋ 1:6

Yaaga koy, i naangangaa o layaa yee fo ten i mbogu, soo ñaaƴaa kam o niɓaan ole, kaa i maaɓaa, too ndigil refee no ke i mbi’aa.

YEGIL MBAAX NE YEESU ne Saŋ a bindtuuna 13:35

Boo nu mbexirna, xan fop a and ee daalbe es nu ndefu.»

1Saŋ 1:8

Boo i layna yee i njegee bakaad, kaa i naxaa a qoox in, too ndigil ne refee na in.